Մարուքյան. Սահմանադրական բարեփոխումների նախագծի 2-րդ գլխում արձանագրվել է ակնհայտ հետընթաց
Սահմանադրական բարեփոխումների նախագծի 2-րդ` «Մարդու և քաղաքացու հիմնական իրավունքները և ազատությունները» գլխի ուսումնասիրությունը թույլ է տալիս եզրահանգել, որ փորձ է արվել Մարդու իրավունքների եվրոպական կոնվենցիայով երաշխավորված իրավունքներն ու ազատությունները իրենց սահմանափակումներով հանդերձ նույնությամբ արտացոլել սահմանադրության մեջ։ Այս մասին ֆեյսբուքյան իր էջում գրել է ԱԺ պատգամավոր Էդմոն Մարուքյանը:
«Մինչդեռ, սահմանադրական իրավունքի և իրավապաշտպան գործունեությամբ զբաղվող մասնագետներին հայտնի է, որ Մարդու իրավունքների միջազգային փաստաթղթերում, տվյալ դեպքում՝ Մարդու իրավունքների եվրոպական կոնվենցիայում, սահմանվում են մարդու իրավունքների և հիմնարար ազատությունների նվազագույն չափանիշներ, իսկ ազգային սահմանադրությունների առանձնահատկությունն այն է, որ պետությունները միշտ ավելի բարձր չափանիշներ են սահմանում՝ մարդու իրավունքների երաշխավորման և պաշտպանության առումով։
Այստեղ պետք է առաջարկեմ, որպեսզի բարձրացվեն առաջարկվող նախագծի 2-րդ` «Մարդու և քաղաքացու հիմնական իրավունքները և ազատությունները» գլխում մարդու իրավունքների և հիմնարար ազատությունների հարգման, ապահովման և պաշտպանության սահմանադրական երաշխիքները, քանի որ սահմանադրական բարեփոխումների նախագիծը ենթադրում է բարեփոխումներ։
Այս նույն գլխում մի շարք իրավունքների և ազատությունների վերաբերյալ արձանագրվել է ակնհայտ հետընթաց, օրինակ` ֆիզիկական և հոգեկան անձեռնմխելիության իրավունքի և դրա սահմանափակման հնարավորության նախատեսմամբ, ինչպես նաև սեփականության իրավունքի, հավաքների ազատության, անմեղության կանխավարկածի և այլ իրավունքների մասով, որոնց վերաբերյալ մանրամասն առաջարկներ կներկայացվեն առաջիկայում»,-գրել է պատգամավորը:
Սահմանդրական բարեփոխումների նախագծին կարող եք ծանոթանալ այստեղ:
Սահմանդրական բարեփոխումների վերաբերյալ այլ կարծիքներ՝
Հայաստանը դեռ պետք է մնա նախագահական երկիր. Սահմանադրագետ
Գ. Դանիելյան. «Կայուն մեծամասնության գաղափարը` քաոսային իրավիճակները բացառելու անհրաժեշտ ինստիտուտ»
Սահմանադրության նախագիծը դատավորներին անկախության երաշխիք չի տալիս. Սահմանադրագետ
Դատախազի վերաբերյալ Սահմանադրության նախագծում սահմանափակում չկա. Բալայան
Ովքե՞ր են ի պաշտոնե Անվտանգության խորհրդի անդամ լինելու. Սահմանադրագետի դիտարկումները
Սահմանադրության նախագծին դեմ են նրանք, ովքեր 2018-ին ցանկանում են նախագահի թեկնածու լինել. Սամվել Նիկոյան
Նոր Սահմանադրությամբ դատավորների «վախը չափողը» դառնում է ԱԺ-ն. Պարգև Օհանյան
Սահամանադրության նախագծով դատավորների անկախության երաշխիքն ավելի բարձր է, քան գործող Սահամանդրությամբ. Իշխանյան
Սահմանադրության նախագծում ամեն ինչի մեջ տրամաբանություն կա, մնում է լավ աշխատեցնել. Գագիկ Ղազինյան
Արա Զոհրաբյան. Ապագա Սահմանադրությունը, ընդունվելու դեպքում, չպետք է տեղ թողնի նույնասեռ ամուսնությունների համար
Վենետիկի հանձնաժողովը աննախադեպ գոհունակություն է հայտնել Սահմանադրության նախագծի վերաբերյալ. Արա Ղազարյան
2-րդ փուլի անցկացումը ժողովրդավարական ձեռքբերում է. Վարդան Պողոսյան
Իրական ականը հենց նախագծի հիմնադրույթներն աղավաղված ներկայացնելն է. Գևորգ Դանիելյան
Սահմանադրությամբ երկրի կառավարման մոդելի հստակեցումը ժամանակի պահանջն էր. Ռուստամ Մախմուդյան