Մինասյան. Զվարթնոցի հին մասնաշենքը քանդելու կառավարության որոշում չկա

13:40 23/01/2014 » Մշակույթ

Մինասյան. Զվարթնոցի հին մասնաշենքը քանդելու կառավարության որոշում չկա

Կառավարության կողմից որոշում չկա Զվարթնոց օդանավակայանի հին մասնաշենքը քանդելու վերաբերյալ, առաջարկվել է քննարկել հարցը, դիտարկել ռեսուրսները,-այսօր լրագրողների հետ հանդիպմանը նման հայտարարություն արեց Ճարտարապետների միության նախագահ Մկրտիչ Մինասյանը և հավելեց, որ այդ քննարկումները դեռևս ընթացքի մեջ են, խնդիր է դրվել, որ կառավարիչը կարողանա մաստեր-պլաններ առաջարկել:

«Մեր կողմից էլ առաջարկ է եղել, որ մրցույթ հայտարարվի, թե ինչպես կարելի է շահագործել օդանավակայանի շենքը»,- ասաց նա և հավելեց,- Պետք է գտնել օդանավակայանը պահպանելու ճիշտ տարբերակը: Չի կարելի քանդել սովետական մոդեռնիստական արժեքավոր նմուշը: Եթե մոտենանք միայն սկզբունքով, որ պահպանման համար մեծ խնդիրներ կան ու` քանդել շենքը,... դա անթույլատրելի է: Նման տարրական թվաբանությունով երբեք չի կարելի առաջնորդվել, մենք արժեքավոր կառույցի մասին ենք խոսում»,- ասաց նա:

Ինչ վերաբերում է Քաղավիացիայի գլխավոր վարչության պետ Արտյոմ Մովսեսյանի հայտարարությանը, թե շենքը քանդվելու է, Մկրտիչ Մինասյանը նշեց, որ շատ հնարավոր է, որ Քաղավիացիայի վարչության պետը նման ցանկություն ունենա, բայց դա իրենից չի կախված.«Դա կարող է լինել միայն կառավարության որոշումով, իսկ մեր քննարկումները դեռ չեն ավարտվել: Ես չգիտեմ ինչու են թյուրմացության մեջ գցում, ավելի լավ է նա զբաղվի քաղավիացիայի խնդիրներով: Շենք քանդելու մոլուցք է, որ չենք կարողանում մերջ դնել»:

Մկրտիչ Մինասյանը հույս հայտնեց, որ Կառավարությունը խոհեմ կգտնվի և կառաջարկի Էռնեկյանին հնարավորություն գտնել՝ պահելու համար նաև հին օդանավակայանի շենքը:

Նա նշեց, որ քննարկվում էր, որ քանդեն շենքը և այնտեղ ճարտարապետական նմուշների մանրակերտներ դրվեն: Ճարտարապետը նկատեց, որ դրա նախագիծն առհասարակ չկա և ընդամենն առաջարկ է:

«Դուրս է գալիս՝ մեր քաղաքի տարածքում եղած այգիները բզկտում ենք, հետո այգի ունենալու համար քանդում ենք օդանավակայանի շենքը, որ այգի ունենանք այնտեղ: Տրամաբանությունից դուրս է: Բացի այս, նման նախագիծը բավականին թանկ և արդեն կայացած պետությունների համար է»,- ասաց նա:

Աշխարհը բազմաթիվ օրինակներ ունի, թե ինչպես են օգտագործվում նման շենքերը: Ճարտարապետների միության նախագահը նկատեց, որ նույնիսկ լքված կայարաններ են օգտագործում: «Հասկանալի է, որ դժվար է պահպանել, բայց այս ընթացքում կարելի էր ներկայացնել պահպանելու նորմալ առաջարկ: Մենք կորցնում ենք լավագույն շենքերն առանց ափսոսանքի: Մենք շատ վտանգավոր ճանապարհի վրա ենք»,- եզրափակեց նա:

Նախորդիվ՝

ՀԽ-ն չի ստացել «Զվարթնոց»-ի կլոր շենքի հետ կապված մի շարք հարցերի պատասխաններ

Կարծիքներ Զվարթնոցի Կլոր շենքը քանդելու որոշման շուրջ

«Զվարթնոց» օդանավակայանի հին մասնաշենքը հաստատ կքանդվի. Արտյոմ Մովսեսյան

101,1 մլն դոլարի ներդրում՝ Զվարթնոցում, վարչապետը կողմ է հին մասնաշենքի ճարտարապետական ժառանգությունը պահպանելուն

Ուղերձ. Ծածկած շուկայի դառը փորձից ելնելով՝ հսկողության ռեժիմ սահմանել «Զվարթնոցի» հին մասնաշենքի մոտ

 Քաղավիացիայի վարչությունը դրական եզրակացություն է տվել «Զվարթնոցի» հին շենքը քանդելու հարցը ներառող մաստեր-պլանին

«Զվարթնոցի» հին շենքի մասին ևս մեկ անձնական կարծիք. Արտյոմ Մովսեսյան

Հանրային խորհուրդը դեմ է «Զվարթնոցի» հին շենքի քանդմանը. «Հիմնավոր փաստարկներ չկան»

Գրիգոր Ազիզյան. «Զվարթնոց»-ի հին շենքը հնարավոր է ամրացնել, ժամանակին առաջարկվել է շենքի ամրացման վեց տարբերակ

Անահիտ Թարխանյան. «Զվարթնոցի» հին շենքի երեսպատումը բարբարոսաբար քանդվել է, բայց շենքը սեյսմակայուն է

Շանտաժ է. Պողոսյանը` «Զվարթնոցի» հին շենքը պահպանելուց հրաժարվելու վերաբերյալ կոնցեսիոների հայտարարության մասին

Կոնցեսիոներ. Ռեսուրսներ չենք ծախսի ռիսկային և օգտագործումից դուրս եկած «Զվարթնոցի» հին շենքի պահպանման վրա

««Զվարթնոցի» հին շենքի ճակատագրի հարցը վերաբերում է նախագծի հեղինակային իրավունքի իրավատերերի շահերին»

Պետք է լուծումներ գտնել, որ «Զվարթնոցի» հին շենքը իր երկրորդ կյանքն ապրի. Մկրտիչ Մինասյան

«Կոլիզեյը կրկնակի կռիսանոց է, բայց պահում են». Քննարկում՝ «Զվարթնոցի» հին շենքի հարցի շուրջ

Աղբյուր` Panorama.am

Share |

Տպագրական տարբերակ

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

↓ Վերջին նորություններ
Շարունակել

Օրացույց