«Ով Սահյանից մի քառատող չասի, ներս չեն թողնի». Մեկնարկել է Համո Սահյանի 100-ամյակին նվիրված հոբելյանական երեկոն
Ալ.Սպենդիարյանի անվան օպերայի և բալետի ազգային ակադեմիական թատրոնում մեկնարկել է մեծ բանաստեղծ Համո Սահյանի 100-ամյակին նվիրված հոբելյանական երեկոն: Միջոցառմանը մասնակցում են թատերարվեստի երիտասարդ, ավագ սերնդի ներկայացուցիչները, ներկայացվում են տեսանյութեր գրողի մասին, որոնցից շատերը բացառիկ են: Միջոցառման ռեժիսորն է Արամ Սուքիասյանը:
Երեկոյին ներկա է ՀՀ նախագահ Սերժ Սարգսյանը, Երևանի քաղաքապետ Տարոն Մարգարյանը, մշակույթի նախարարի պաշտոնակատար Հասմիկ Պողոսյանը, քաղաքական, մշակութային գործիչներ:
«Այս օրերին ամենուր զգացվում է սահյանական շունչ: Նույնիսկ օպերայի մուտքի մոտ էին կատակում՝ ով Սահյանից մի քառատող չասի, ներս չեն թողնի»,- նախքան միջոցառման մեկնարկը լրագրողների հետ զրույցում ասաց Հայաստանի գրողների միության նախագահ Էդուարդ Միլիտոնյանը:
Հիշեցնենք, որ Հ. Սահյանի 100-ամյակին նվիրված հոբելյանական միջոցառումների մեկնարկը տրվել էր երեկ՝ գրողի ծննդյան օրը:
Համո Սահյանի 100-ամյակի միջոցառումները նախապատրաստող կառավարական հանձնաժողովը նախատեսել է տարվա ընթացքում անցկացնել մի շարք միջոցառումներ:
ՀՀ նախագահի հանձնարարությամբ Հայաստանի սոցիալական ներդրումների հիմնադրամի կողմից իրականացվել է Սյունիքի մարզի Լոր գյուղում գտնվող բանաստեղծի տան վերանորոգման աշխատանքները: Տուն-թանգարանի բացումից հետո կգործի նաև մշտական ցուցադրությունը: Տուն-թանգարանի բակում նախատեսվում է տեղադրել քանդակագործ Գետիկ Բաղդասարյանի հեղինակած մեծանուն բանաստեղծի կիսանդրին:
2014 թվականի ընթացքում Երևանի, Սյունիքի և հանրապետության այլ մարզերի գրադարաններում, մշակույթի տներում, բարձրագույն ուսումնական հաստատություններում և դպրոցներում տեղի կունենան պոզիայի երեկոներ, Սահյանական ընթեցումներ, գիտաժողովներ, թեմատիկ ցուցահանդեսներ, շարադրությունների և ասմունքի մրցույթներ և այլ միջոցառումներ` նվիրված մեծ բանաստեղծի 100-ամյա հոբելյանին:
Նախորդիվ՝
Հրատարակվելու է Համո Սահյանի ստեղծագործությունների քառահատորյակը
1914 թ. ապրիլի 14, Լոր… Համո Սահյան… «Ինձ բացակա չդնեք» (լուսանկարներ, տեսանյութ)
Հրանտ Մաթևոսյանի հարցազրույցը Համո Սահյանի հետ. Բացառիկ տեսանյութեր՝ հոբելյանական երեկոյի ընթացքում
Լրահոս
Տեսանյութեր
«Ազատություն քաղբանտարկյալներին». ակցիա՝ Հայաստանում ԵՄ պատվիրակության գրասենյակի դիմաց