Ձեր վստահելի աղբյուրը

Գաֆէսճեան արվեստի կենտրոնում այս ամսվա միջոցառումները մեկնարկելու են արդեն վաղվանից: Գաֆէսճեան դասական երաժշտության համերգաշարի շրջանակում ելույթ է ունենալու ԷԴԵՆ ՍԹԵԼ դասական կիթառ դուետը՝ Մարկ Էդեն և Քրիստոֆեր Ստել (Մեծ Բրիտանիա):

Սեպտեմբերի 10-ին դաշնակահարուհի Լիլիթ Արտեմյանը ներկայացնելու է դաշնամուրային երաժշտության գոհարներ:

«Երաժշտության կասկադ» շարքի շրջանակում սեպտեմբերի 11-ին կայանալու է համերգ՝ նվիրված Կոմիտասի 145-ամյակին: Համերգի ընթացքում ելույթ է ունենալու Գյուրջիևի անվան համույթը (Լևոն Իսկենեան` գեղ. ղեկավար, դաշնամուրային և վոկալ-դաշնամուրային ստեղծագործություններից գործիքավորում ժող.նվագարանների համար):

Սեպտեմբերի 13-ին ԳԱԿ-ում ելույթ է ունենալու Ջիվան և Բենդ-ը (Ջիվան Գասպարյան կրտսեր` դուդուկ , Արսեն Թովմասյան` ստեղնաշար, Գագիկ Գագաս Խոդավիրդի` էլ. Կիթառ, Արիկ Բաբայան` բաս կիթառ, Գևորգ Չարչյան` հարվածային գործիքներ):

Սեպտեմբերի 17-ին արվեստի կենտրոնում կայանալու է Հայաստանի Անկախության տոնին նվիրված համերգ: Դասական երաժշտության համերգաշարի ընթացքում դաշնակահարուհի Մարգարիտ Սարգսյանն ու սոպրանո Աննա Պողոսյանը հանդես են գալու սիրված մեղեդիներով:

Սեպտեմբերի 24-ին կայանալու է վոկալ երաժշտության համերգ՝ «Կադենցա» մենակատարների անսամբլի մասնակցությամբ:

Սեպտեմբերի 26-ին Գաֆէսճեան արվեստի կենտրոնը հրավիրում է բոլորին հայկական ավանդական պարերի ուսուցման՝ «Կարին» համույթի մասնակցությամբ:

Սեպտեմբերի 27-ին ԳԱԿ-ում հնչելու է ջազ երաժշտություն՝ Հայաստանի պետական ջազ նվագախմբի կատարմամբ (Արմեն Հյուսնունց՝ գեղ. ղեկավար և դիրիժոր):