Օրը` կարճ լուրերով (110)
Մեկը «հոգևոր զարյադկա» կստանա, մյուսը` ծովում` յոդ, իսկ ոմանք էլ կաշխատեն. Ինչպե՞ս են պատգամավորները հանգստանում

13:58 11/08/2012 » Հասարակություն

Մեկը «հոգևոր զարյադկա» կստանա, մյուսը` ծովում` յոդ, իսկ ոմանք էլ կաշխատեն. Ինչպե՞ս են պատգամավորները հանգստանում

Մայիսին ձևավորված 5-րդ գումարման խորհրդարանն այժմ գտնվում է արձակուրդում: «ԱԺ կանոնակարգ օրենքի» համաձայն` ԱԺ հերթական նստաշրջանը կգումարվի սեպտեմբերի երկրորդ երկուշաբթի օրից՝ սեպտեմբերի 10-ից:

Ամառային թեժ հանգստի շրջանում փորձեցինք պարզել, թե ժողովրդի ընտրյալներն ինչպես են անցկացնում արձակուրդը. նրանց մի մասը Հայաստանում է, մյուս մասն էլ երկրի սահմաններից դուրս, իսկ ոմանց համար էլ արձակուրդ պարզապես չկա:

Ծնունդով Ջավախքից, այժմ Հանրապետական կուսակցության ցուցակով խորհրդարան անցած Տաճատ Վարդապետյանի համար ամառային արձակուրդները մշտապես անցնում են հայրենի Ջավախքում, «հայրական օջախում»: Այս տարի ևս բացառություն չէ: «Դա ոչ միայն ինձ համար արձակուրդ անցկացնել է, հանգիստ անցկացնել կամ վայելել է, նաև ուխտագնացության նման մի բան է, որտեղ ես լիցքավորվում եմ, որտեղ բացի ֆիզիկապես հանգստանալուց, նաև հոգևոր զարյադկա եմ ստանում», - ապրումներն է ներկայացնում պատգամավորը: Այս տարի մի փոքր զբաղված հանգիստ է լինելու, քանի որ ինչպես ինքն է ասում, իր հարազատ Փոքր Գոնդուրա գյուղում հայկական եկեղեցին են վերականգնում:

«Օրինաց երկիր» խմբակցության ղեկավար Հեղինե Բիշարյանը ամառային արձակուրդն անցկացնելու է ծովի ափին, իսկ թե հատկապես որ մասում՝ չի ասում: «Մի տեղ կհանգստանամ էլի, կարևորը հանգիստն է: Իմ այս տարվա հանգիստը ոչնչով չի տարբերվելու նախորդ տարվա հանգստից. ես իմ ընտանիքի հետ լինելու եմ ծովին ավելի մոտ, որովհետև, ես միշտ ասում եմ, որ յոդի խնդիր ունեմ»,- ասում է տիկին Բիշարյանը:

Մյուս կին պատգամավորը՝ ընդդիմադիր «Ժառանգություն» խմբակցության անդամ Զարուհի Փոստանջյանը մեզ հետ զրուցեց իր աշխատասենյակում և ասաց, որ չի պատրաստվում մեկնել հանգստի: «Աշխատելու եմ, ի՞նչ հանգիստ»,- ասաց տիկին Փոստանջյանը և նշեց, որ կան շատ գործեր աշնանային նստաշրջանին ընդառաջ:

Մեկ այլ ընդդիմադիր ԱԺ Հայ Ազգային կոնգրես խմբակցության անդամ, Լյուդմիլա Սարգսյանի համար ևս հանգիստ չի լինելու: «Անկեղծ ասած, այնքան խրված ենք տարբեր գործերի մեջ և հատկապես այս տղաների (նկատի ունի ՀԱԿ ազատազրկման դատապարտված ակտիվիստներին- հեղ.) գործով կայացրած վճռի համար այնքան անհանգստացած, որ նույնիսկ ժամանակ չենք ունենում մտածել, թե երբ և որտեղ պետք է մեր հանգիստն անցկացնենք: Ի տարբերություն իշխանությունների մենք երբևիցե ժամանակ չենք գտնում հանգստի, այնպես որ հանգիստը նույնպես իշխանության մենաշնորհն է»,- նկատեց տիկին Սարգսյանը:

Այնուամենայնիվ, պնդեցինք հարցը՝ այսինքն` որևէ տեղ չի՞ մենկնելու տիկին Սարգսյանը: «Դեռ ոչ մի ծրագիր չունեմ: Չի բացառվում, որ մի քանի օրով, միգուցե, Ծաղկաձոր գնամ բարեկամուհուս մոտ, ընդամենը` դա: Գործերը թույլ չեն տալիս, և ես ինքս ինձ էլ թույլ չեմ տալիս ավելի երկար բացակայել քաղաքից, որովհետև բազմաթիվ խնդիրներ կան, որոնք լուծման են սպասում առջևում էլ նախընտրական տարի է»,- պատասխանեց ընդդիմադիր խմբակցության անդամը:

Ավելի զբաղված է անցնելու դեռևս «Բարգավաճ Հայաստան» խմբակցության անդամ Սամվել Բալասանյանի ամառային շրջանը. սեպտեմբերի 9-ին կայանալիք Գյումրու քաղաքապետի ընտրություններում նա առաջադրվել է որպես քաղաքապետի թեկնածու և նրա ամառն անցնելու է նախընտրական քարոզարշավներում: «Այդ պատճառով էլ Սամվել Բալասանյանն այս ամառ հանգստի չի մեկնի»,- փոխանցեց Բալասանյանի օգնական Զոհրապ Եգանյանը:

Ազգային ժողովի պատգամավոր Արագած Ախոյանի ամառային հանգիստն անցնում է Արևմտյան Հայաստանից Հայաստան ճանապարհորդությունների մեջ. բոլորովին վերջերս է եկել և պատրաստվում է նորից մեկնել: «Իմ հանգիստն անցկացնում եմ Արևմտյան Հայաստանում` Վանա լճում, Դիարբեքիրում, Մուշում: Մուշում բավականին լիքը ընկերներ ունեմ, որոնք հայերեն մի բառ չգիտեն, բայց իրենք խոսում են իրենց հայկական պատկանելության մասին: Իմ ընկերն է Դիարբեքիրի քաղաքապետը, Վանի քաղաքապետը, ամբողջ քաղաքապետարանի մշակութային բաժնի աշխատակիցներ: Մի շարք մշակութային նախաձեռնություններ են համատեղ կազմակերպում»,- ասաց Ախոյանը:

Նա Արևմտյան Հայաստանում նաև հարց լուծող է. վերջերս Աղթամարի Սուրբ խաչ եկեղեցու երկաթյա խաչի վրա ինչ-որ իր է տեսել և իր խոսքերով, միջնորդել է, որ այն անմիջապես հանեն: «Այդպես էլ եղավ և թերությունը վերացրին»,- փոխանցեց պատգամավորը:

Աղբյուր` Panorama.am

Հեղինակ` Հասմիկ Համբարձումյան

Share |

Տպագրական տարբերակ

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

↓ Վերջին նորություններ

23:24 22/05/2013 » Հասարակություն

Հալեպում հայ մտավորական է առևանգվել

« Լրատու » թերթի Բեյրութում գտնվող թղթակիցը տեղեկացնում է, որ այսօր, մայիսի 22-ին, Հալեպում անհայտ զինյալների կողմից առևանգվել է գրող և մտավորական Հակոբ Միքայելյանը: Ըստ աղբյուրի, Միքայելյանը առևանգվել է Հալեպից Բեյրութ տանող ճանապարհին:

23:20 22/05/2013 » Տնտեսություն

Կարկուտից տուժած գյուղացիները հողի հարկ չեն վճարի, վարկերը կսառեցվեն. Վարչապետը եղել է Արմավիրի մարզում

Մայիսի 22-ին Ազգային ժողովում կառավարության հետ հարցուպատասխանից հետո վարչապետ Տիգրան Սարգսյանը այցելել է Արմավիրի մարզ, հանդիպել շուրջ 200 գյուղապետերի հետ: Վարչապետի հետ են եղել նաև գյուղատնտեսության նախարար Սերգո Կարապետյանը, Արմավիրի մարզպետ Աշոտ Ղահրամանյանը, ...

20:32 22/05/2013 » Իրավունք

ՀՔԾ պետ. Սերգեյ Բագրատյանի գործով դեռևս որպես մեղադրյալ ներգրավված անձինք չկան

Հատուկ քննչական ծառայության նորանշանակ պետ Վահրամ Շահինյանը հայտարարել է, որ Վայոց Ձորի նախկին մարզպետ Սերգեյ Բագրատյանի կողմից պաշտոնական դիրքի չարաշահման դեպքի առթիվ հարուցված քրեական գործով դեռևս որպես մեղադրյալ ներգրավված անձինք չկան: «Փաստինֆո »  ...

20:25 22/05/2013 » Իրավունք

Ֆիլիպ Կիրկորովը մեղադրվում է «Եվրատեսիլ»-ի կանոնները խախտելու մեջ

  «Եվրատեսիլի 2013»-ի Ռուսաստանի և Ադրբեջանի քվեարկության վերաբերյալ բարձրացված աղմուկը դեռ չի մարում: Թեման նույնիսկ քննարկվել է Ադրբեջանի և ՌԴ-ի արտաքին գործերի նախարարությունների ղեկավարների մակարդակով: Ռուսական Առաջին ալիքը, որ այս տարի զբաղվում էր ...

20:22 22/05/2013 » Հասարակություն

Ջրահեղձման դեպք Ջանֆիդա գյուղում

Այսօր ԱԻՆ ահազանգ է ստացվել, որ մոտ 50 տարեկան տղամարդն ընկել է Արմավիրի մարզի Ջանֆիդա գյուղով անցնող առուն: Նախարարության արտակարգ ալիք լրատվական կենտրոնի հաղորդմամբ, դեպքի վայր են մեկնել մեկ մարտական հաշվարկ, մարզային փրկարարական վարչության օպերատիվ խումբը: ...

Շարունակել
Հարցազրույցներ
Մեկնաբանություններ
Վերլուծություններ
Օրվա թեմա
Անցուդարձ
Տեսանյութեր

17:19 22/05/2013

Սլովակ լրագրող. Մեզ մոտ բյուրոկրատիա է, իսկ Արցախում` դեմոկրատիա


14:55 22/05/2013

Բոստանջյան. Ուզո՞ւմ եք մի տիրույթում գտնվել, որտեղ թույլատրվում է տղամարդը տղամարդու հետ ամուսնանալ

15:13
22/05/2013

Քաղաքացիները` գազի թանկացման մասին

Լուսանկարներ

Շուշի, սբ. Ղազանչեչոց վանք

shushi1

Օրացույց