ՏԵՐԸ ՄԵՆՔ ԵՆՔ, ՏԻՐՈՒԹՅՈՒՆ ՈՒՐԻՇՆԵՐՆ ԵՆ ԱՆՈՒՄ

Օրը` կարճ լուրերով (141)

01:30 | Աշխարհում Գնացքների բախման հետևանքով Բրազիլիայում 30 մարդ է վիրավորվել

Մետրոյում վթարի պատճառը ամենայն հավանականությամբ եղել է արգելակման ավոտմատ կառավարման համակարգի անսարքությունը:
Աղբյուր՝ «vesti.ru»
01:25 | Աշխարհում Ռուսաստանում անկանխիկացման նոր ալիք կլինի

Ֆինանսների նախարարությունը առաջարկել է արգելել է աշխատավարձերի կանխիկ վճարումը:
Աղբյուր՝ «regnum.ru»
01:20 | Աշխարհում Նոր խորհրդարանական ընտրություններ Հունաստանում

Կոալիցիոն կառավարություն ձևավորելու փորձերն անցել են ապարդյուն:
Աղբյուր՝ «vesti.ru»
01:15 | Աշխարհում Արտակարգ միջադեպ Պերմում

Դպրոցականը վայր է ընկել դասասենյակի պատուհանից և ստացել ծանր մարմնական վնասվածքներ:
Աղբյուր՝ «rosbalt.ru»
01:10 | Աշխարհում Չելյաբինսկում մաքսավորներ են ձերբակալվել

Նրանք իրավաբանի հետ միասին բեռնափոխադրողներից շորթել են 10 մլն. ռուբլի՝ սպառնալով բաց չթողնել արագ փչացող բեռները:
Աղբյուր՝ «pravo.ru»
01:04 | Աշխարհում Հաագայում սկսվել է Մլադիչի դատավարությունը

70-ամյա նախկին զինվորականը ձերբակալվել է անցած տարի:
Աղբյուր՝ «pravo.ru»
00:59 | Աշխարհում Կամչատկայում 1,5 տարեկան երեխան մահացել է շտապ օգնության անշտապության պատճառով

Բժշկական օգնության չմեկնելու փաստով հարուցվել է քրեական գործ:
Աղբյուր՝ «pravo.ru»
00:55 | Աշխարհում ԱՄՆ Պետդեպ-ը ծիծաղում է Սիրիայի ընտրությունների վրա

Ընտրությունները համարել են անօրինական, իսկ արդյունքները գնահատել են ուշադրության ոչ արժանի:
Աղբյուր՝ «vesti.ru»
00:50 | Աշխարհում Ընդերքից ուղիղ գրպանները

«Գազարդում» միջին աշխատավարձը հասել է 91 հազար ռուբլու:
Աղբյուր՝ «vesti.ru»
00:45 | Աշխարհում Եվրոպական ավտոշուկան կրճատվում է

Ապրիլին նոր մեքենաների վաճառքը ԵՄ-ում կրճատվել է 6,9%-ով:
Աղբյուր՝ «vesti.ru»
00:40 | Աշխարհում Սիրիայի ԿԲ նախագահը՝ ԵՄ-ի «սև ցուցակում»

Նա այլևս չի կարող այցելել ԵՄ երկրներ, ավելին, ամենայն հավանականությամբ, ԵՄ երկրներում նրա ակտիվները կսառեցվեն:
Աղբյուր՝ «rosbalt.ru»
00:35 | Աշխարհում Հույն ներդրողները Մոսկվայի բանկերից հանում են փողերը

Երեկ նրանք հանել են շուրջ 700 մլն եվրո:
Աղբյուր՝ «rosbalt.ru»
00:30 | Աշխարհում Պատգամավորը ձերբակալվել է ապօրինաբար անասնաբուծությամբ զբաղվելու համար

Պատգամավորին առնվազն 65 մլն. Ռուբլու պահանջ կներկայացվի:
Աղբյուր՝ «pravo.ru»
00:25 | Աշխարհում ՌԴ քննչական կոմիտեի ղեկավարը 2011-ին վաստակել է է 6,26 մլն ռուբլի

Հրապարակվել են ՌԴ պաշտոնյաների եկամուտների հայտարարագրերը:
Աղբյուր՝ «regnum.ru»
00:20 | Աշխարհում Մոսկվայում հայտնվել են էլեկտրալիցքավորման կայաններ

Դրանք նախատեսված են էլեկտրամոբիլների համար, կպահանջվի ընդամենը 20 րոպե:
Աղբյուր՝ «vesti.ru»
00:16 | Աշխարհում Բաշկիրիայում հաշմանդամները մոտ մեկ տարի աշխատավարձ չեն ստանում

Հաշմանդամների համառուսաստանյան ընկերակցության ներկայացուցիչները հացադուլ են հայտարարել:
Աղբյուր՝ «regnum.ru»
00:11 | Աշխարհում Տաթև Աբրահամյանը հաղթել Է Սաբինա Ֆոյշորին

Աբրահամյանը 6-րդ փուլից հետո 1 միավոր է զիջում մրցաշարի առաջատարներին:
Աղբյուր՝ «armenpress.am»
00:02 | Աշխարհում Վարչապետ Քեմերոնը կորցնում է իր համբավը

Մեծ Բրիտանիայի բնակիչների 60 տոկոսը դժգոհ են նրա աշխատանքից:
Աղբյուր՝ «panarmenian.net»
23:55 | Տարածաշրջան Վրաստանում սկսում են չինարենի ուսուցում

Օգոստոսին Վրաստան կժամանեն չին ուսուցիչներ:
Աղբյուր՝ «ru.saqinform.ge»
23:50 | Աշխարհում Նույնիսկ Կալմիկիայում խրախուսում են փոքր բիզնեսի զարգացումը

Այդ նպատակով այս տարի պետությունը կհատկացնի 100 մլն ռուբլի:
Աղբյուր՝ «regnum.ru»
23:45 | Աշխարհում Պայթյունի վտանգի պատճառով Մոսկվայում տարհանվել է 50 մարդ

Անհայտ մի կին ահազանգել է շենքում պայթուցիկ նյութ տեղադրված լինելու մասին:
Աղբյուր` «rosbalt.ru»
23:40 | Աշխարհում Սպիտակ տունը հրապարակել է Օբամայի եկամուտները` 8.3 մլն դոլար

Հանրապետական Միտտ Ռոմնին` ապագա ընտրություններում Օբամայի գլխավոր մրցակիցը, ունի 190-250 մլդ դոլարի ակտիվներ:
Աղբյուր՝ «panarmenian.net»
23:35 | Աշխարհում Կուզբասում մի ամբողջ զինանոց է հայտնաբերվել

Անտառում հայտնաբերվել է 200 արկղ ռազմամթերք, այդ մասին հաղորդում է ՌԴ ՆԳՆ կայքը:
Աղբյուր` « km.ru »
23:30 | Հայաստան «ՎիվաՍել-ՄՏՍ»-ի նոր ակցիայի գլխավոր մրցանակը

Ճամփորդություն Եվրոպայի ֆուտբոլի առաջնության հաղթող երկիր:
Աղբյուր՝ «panarmenian.net»
23:25 | Աշխարհում Հարավային Սուդանը հյուսիսային հարևանից կպաշտպանվի ՀՕՊ-ի միջոցով

Մասնավորապես ՀՕՊ համակարգերը կպաշտպանեն նավթահանքերը, կարևոր կամուրջները և երկրի օդանավակայանները:
Աղբյուր՝ «aysor.am»
23:18 | Աշխարհում Օլլանդն ու Մերկելն ընդհանուր լեզու են գտել

Համատեղ մամլո ասուլիսում Ֆրանսիայի նախագահն ու Գերմանիայի կանցլերը նշել են, որ համաձայնեցվել է վիճահարույց հարցերով փորձագետների աշխատանքի ժամանակացույցը
Աղբյուր՝ «panarmenian.net»
23:12 | Տարածաշրջան Հայկական դպրոցը` փակման վտանգի առաջ

Ստամբուլի Թոփքափը թաղամասում գտնվող հայկական մասնավոր Լևոն Վարթուհյան տարրական դպրոցը ֆինանսական խնդիրների պատճառով կանգնել է փակման վտանգի առաջ:
Աղբյուր՝ «ermenihaber.am»
23:05 | Հայաստան ԲՀԿ շտաբի պետը բարձր պաշտոնի առաջարկ չի ստացել

ՆԳ նախկին փոխնարար, ՆԶ նախկին հրամանատար Գրիգոր Գրիգորյանը (Շերիֆ) հերքեց տեղեկությունները, որ փոշմանել է ԲՀԿ շարքերն համալրելու համար:
Աղբյուր՝ «panorama.am»
23:00 | Աշխարհում ԱԱ-2014-ի կազմկոմիտեն վստահեցնում է, որ մարզադաշտերը ժամանակին կհանձնվեն

Սակայն ՖԻՖԱ-ի զեկույցում ասվում է, որ առնվազն 5 մարզադաշտ ժամանակին չի կառուցվի:
Աղբյուր՝ «panarmenian.net»
22:55 | Աշխարհում Սիրիացիներն աջակցում են իշխող պետական համակարգին

Ըստ խորհրդարանական ընտրությունների արդյունքների՝ երկրի բնակչությունն աջակցում է պետական համակարգին:
Աղբյուր՝ «aysor.am»
22:50 | Աշխարհում Ողբերգություն ԱՄՆ Ֆլորիդա նահանգում

Մայրը հրազենով սպանել է 4 երեխաններին և ինքնասպան եղել:
Աղբյուր` «km.ru»
22:43 | Աշխարհում Ամերիկացին շանը նախկին կնոջից խլելու համար ծախսել է ամբողջ գումարը

Նա 60 հազար դոլար է վատնել, խնդրին դատական կարգով լուծում տալու համար:
Աղբյուր` «rosbalt.ru»
22:36 | Աշխարհում Ռուսաստան-Թուրքմենիա երկկողմ բանակցություններ

ՌԴ վարչապետն ու Թուրքմենիայի նախագահը պայմանավորվել են երկկողմ բանակցություններ անցկացնել մայիսի վերջին:
Աղբյուր` «rosbalt.ru»
22:29 | Աշխարհում Ուզբեկստանը կօտարի 500 պետական ձեռնարկություն

Այդ մասին հայտարարել է երկրի կառավարությունը:
Աղբյուր` «rosbalt.ru»
22:19 | Աշխարհում Կալինինգրադում բացվել է քաղաքական ծաղրանկարների ցուցահանդես

«ԱՄՆ. Երեկ և այսօր» խորագրով ցուցահանդեսը գործում է մարզային պատմագեղարվեստական թանգարանում:
Աղբյուր` «rg.ru»
22:10 | Աշխարհում Լիբանանում վերսկսվել են բախումները

Հրաձգությունը սկսվել է այն բանից հետո, երբ զինվորները փորձել են քանդել սուննիական Բաբ աթ-Տաբբանեհ թաղամասի բարիկադները
Աղբյուր՝ «panarmenian.net»
22:05 | Տարածաշրջան Բաքվում կայանալիք «Եվրատեսիլը» հնարավոր է հայաստանցիներն էլ դիտեն

Մայիսի 26-ին հնարավոր է «Եվրատեսիլ-2012» երգի միջազգային մրցույթի եզրափակիչ փուլը ցուցադրվի Հայաստանի Հանրային հեռուստաընկերությամբ:
Աղբյուր՝ «panorama.am»
21:57 | Աշխարհում Արշակունյաց փողոցում վրաերթի են ենթարկել 23–ամյա աղջկա

Ներկայումս կատարվում է քննություն:
Աղբյուր` «panarmenian.net»
21:52 | Աշխարհում Ռուսաստանն ու Աբխազիան համաձայնագիր են ստորագրել

Այն վերաբերում է կապի և տեղեկատվական տեխնոլոգիաների ոլորտներում երկկողմ համագործակցությանը:
Աղբյուր` «rosbalt.ru»
21:47 | Աշխարհում Հայաստանում գազից օգտվողների թիվն ավելանում է

Գազահամակարգին այս տարվա մայիսի 1-ի դրությամբ միացված է 628 հազար 281 բաժանորդ:
Աղբյուր՝ «panorama.am»
21:40 | Աշխարհում Նյու Յորքում վաճառել են Մադոննայի մերկ լուսանկարը

Լուսանկարը 1990թ. կատարել է Սթիվեն Մեյզելը:
Աղբյուր` «rosbalt.ru»
21:40 | Աշխարհում «Ոչնչացվել են Նորագավիթի մոտ 15000 մրգատու ծառերի և խաղողի այգիները»

«Երևանի քաղաքապետարանը պատրաստ է ոչնչացնել Նորագավիթի մոտ 15000 մրգատու ծառերի և խաղողի այգիները»,- ահազանգում են Նորագավիթի մի խումբ բնակիչներ:
Աղբյուր՝ «panorama.am»
21:35 | Հայաստան Համբարձման տոնն այս տարի կնշվի մայիսի 17-ին

Համբարձման տոնը նշվում է Քրիստոսի Հարության 40-րդ օրը, 35 օրվա շարժունակությամբ:
Աղբյուր` «panarmenian.net»
21:30 | Տարածաշրջան Քըլըչդարօղլուն հերքում է իր հայկական ծագումը

Միրան Փրկիչ Գյուլթեքինը պնդել է, որ «Ժողովրդահանրապետական» կուսակցության նախագահ Քեմալ Քըլըչդաօղլուի մայրը հայ է:

Աղբյուր՝ «ermenihaber.am»
21:26 | Աշխարհում ԱՄՆ դատարանը հոնորար ստանալը հավասարեցրել է գողության

Իրավաբանը, զրկված լինելով արտոնագրից, շարունակել է իրավաբանական օգնություն ցույց տալ և վճարներ ստանալ դրա դիմաց:
Աղբյուր` «pravo.ru»
21:22 | Տարածաշրջան Օլանդը կարող է նպաստել Ղարաբաղի հարցի լուծմանը

Թուրք պատգամավոր Բյուլենթ Գեդիքլի համոզմամբ`Օլանդը կարող նպաստել է հայ-ադրբեջանական հակամարտության լուծմանը:
Աղբյուր՝ «ermenihaber.am»
21:15 | Աշխարհում Տիմոշենկոն բուժումը կվերսկի Խարկովի հիվանդանոցում

Գերմանացի բժիշկը արդեն բուժման ժամանակացույց է սահմանել, նա Ուկրաինան կլքի մայիսի 17-ին:
Աղբյուր` «rg.ru»
21:05 | Աշխարհում Մոսկվայում դատապարտվել է հարկադիր կատարողների բաժնի պետը

Նա հայցվորից 34 մլն ռուբլի է պահանջել կամ հայցագնի ընդամենը 10%-ը:
Աղբյուր` «pravo.ru»
21:00 | Աշխարհում Ասադը կոչ է արել Օլլանդին զերծ մնալ Մերձավոր Արևելքում ճգնաժամը բորբոքելուց

Նա հույս է հայտնել, որ Ելիսեյան Պալատի նոր ղեկավարը «կմտածի Ֆրանսիայի շահերի մասին»:
Աղբյուր՝ «panarmenian.net»
20:55 | Տարածաշրջան Հայկական ԱԷԿ-ը կրկին հանգիստ չի տալիս Ադրբեջանին

Աբբասովն ընդգծել է, որ ՄԱԳԱՏԷ-ն պետք է ջանքեր գործադրի, որպեսզի հայկական ԱԷԿ-ը փակվի:
Աղբյուր՝ «panarmenian.net»
20:50 | Աշխարհում Ֆրանսիայի արտգործնախարար է նշանակվել Լորան Ֆաբիուսը

Իսկ ՆԳ նախարարի հավանական թեկնածու համարվում է սոցիալիստ, Օլլանդի նախընտրական շտաբի պաշտոնական ներկայացուցիչ Մանուել Վալսը:
Աղբյուր` «rg.ru»
20:46 | Աշխարհում Ղրղըզստանում ոստիկանության գնդապետը ինքնասպանություն է գործել աշխատավայրում

Նա բալիստիկ փորձաքննությունների ավագ փորձագետ էր:
Աղբյուր` «rg.ru»
20:40 | Հայաստան Գյումրիում վերսկսվել է բնակարանների բաշխումը

Բոլոր բնակարնների բանալիները շահառուներին կտրամադրվեն և վերջիններս վերջապես բնակարանամուտ կկարողանան տոնել աշնանը:
Աղբյուր՝ «armenpress.am»
20:35 | Հայաստան Տիգրան Սարգսյանը շնորհավորել է

Վարչապետը շնորհավորական ուղերձ է հղել Ֆրանսիայի վարչապետի պաշտոնում Ժան-Մարկ Էյրոյի նշանակվելու կապակցությամբ:
Աղբյուր՝ «gov.am»
20:30 | Աշխարհում 11 տնօրեններից 1,3 մլն ռուբլի կաշառք ստացած հրշեջը դատապարտվել է տուգանքի

Այդ մասին հայտարարել է Կիրովի տարածքային դատախազության մամուլի ծառայությունը:
Աղբյուր` «pravo.ru»

10:05 04/07/2008 » Հասարակություն

Եկեղեցին առանձին բյուջե չունի, և Մայր Աթոռ Սուրբ Էջմիածնի հսկողության տակ գտնվող եկեղեցիները վերանորոգվում են միայն բարեգործների կողմից հատկացված գումարներով: Այս մասին Panorama.am-ին ասաց Մայր Տաճարի գլխավոր ճարտարապետ Արտավազդ Նազարեթյանը:

Մշակույթի նախարարության հասարակայնության հետ կապերի բաժնի պետ Գայանե Դուրգարյանի խոսքով, պետական բյուջեից մշակույթի նախարարությանն այս տարի հուշարձանների վերանորոգման համար հատկացրել է 500 միլիոն դրամ:
Նշենք, որ կառավարության որոշմամբ, Մայր Տաճարի հսկողությանը տակ գտնվում է 150 եկեղեցի:

«2006 թվականից շինարարական աշխատանքներ են սկսվել Հառիճի վանքային համալիրի միաբանական շենքում, իսկ Հաղարծինի վանքային համալիրում արդեն իրականացվող մեծ ծավալի շինարարական աշխատանքները կավարտվեն 2009 թվականին»,-ասաց գլխավոր ճարտարապետը:

Հաղարծինի վանքը վերանորոգվում է Արաբական Միացյալ Էմիրությունների գլխավոր խորհրդի անդամ, Շարժայի էմիր Շեյխ Սուլթան Բին Մոհամեդ Ալ Քասիմիի նվիրատվության շնորհիվ: «Եկեղեցին վերանորոգվելու է հիմնովին, բայց պահպանելու է իր նախնական տեսքը` ոչ մի փոփոխություն չի լինելու: Վերանորոգվելու են նաև դեպի վանական համալիր տանող ճանապարհները, լուծվելու են ջրամատակարարման, էլեկտրականության, գազի, կոմունիկացիոն ցանցերի հետ կապված խնդիրները»,-ասաց Հաղարծին վանական համալիրի վերանորոգման ծրագրի ղեկավար Մերի Դանիելյանը: Մոտ 1 միլիոն 713 հազար դոլար ընդհանուր արժողությամբ ծրագիրն էապես բարեփոխելու է եկեղեցու շրջակա տարածքը:

«Այս տարի մինչև սեպտեմբերի 28-ը պետք է ավարտվի նաև Մայր Տաճարում սկսված շինարարական աշխատանքները»,-ասաց Ա. Նազարեթյանը: Սեպտեմբերի 28-ը մեռոն պատրաստելու կամ եփելու օրն է, որը կատարվում է յոթ տարին մեկ անգամ ու բաժանվում է բոլոր հայկական եկեղեցիներին:
Պետական բյուջեից հատկացված 500 միլիոն դրամից 9 միլիոնը հատկացվել է նախագծային, իսկ 410 միլիոնը` շինարարակական աշխատանքների համար: Այդ գումարով այս տարվա ընթացքում սկսել են վերանորոգել կամ վերանորոգվում են մեկ տասնյակից ավելի մշակութային հուշարձաններում` Արագածոտնի մարզում` Սուրբ Հովհաննես, Աստվածընկալ, Սուրբ Աստվածածին, Դաշտադեմի, Կաթողիկե եկեղեցիներն ու Ամբերդի միջնաբերդը, Լոռու մարզում` Քոբայրավանքը, Հնեվանքը, Օձունի վանքը, Սյունքիում` Վահանվանքը, Հալիձորի բերդը, Քարահունջը, ինչպես նաև Էրեբունին և ուրիշներ:
Էրեբունի արգելոց-թանգարանի փոխտնօրեն Արաքսի Մեշենցյանի խոսքով, պատմահնագիտական արգելոց-թանգարանում մասնակի վերանորոգման համար պետբյուջից հատկացվել է 7 միլիոն դրամ: Հատկացված միջոցներով հիմականում վերանորոգվելու են ամրոցի միջանցքը, սանհանգույցները, էլեկտրական գծերը, ինչպես նաև նախատեսվում է կառուցել նոր ջրագիծ:

Նշենք, որ պետական բյուջեից պատմամշակութային հուշարձանների վերականգման և նախագծման համար գումարներ տրամադրվում են սկսած 2004թ.-ից, ինչի արդյունքում տարեկան վերանորոգվում է 12-14 պատմական արժեք ներկայացնող հուշարձան: Պետբյուջեից տրամադրվող գումարի չափը տարեցտարի աճում էր, սակայն այս տարի նվազել է. 2004 թ. այն եղել է 50 մլն. դրամ, 2005 թ.` 530 մլն դրամ, 2006 թ.` 720 մլն դրամ, 2007 թ` 660 մլն դրամ: Ավելի վաղ պատմամշակութային հուշարձանների պահպանության գործակալության պետ Արտյոմ Գրիգորյանը նշել էր, որ բացի պետբյուջեից, գումարներ են տրամադրում նաև տարբեր հասարակական կազմակերպություններ, բարեգործական ֆոնդեր ու անհատներ: Նրա խոսքով, իրենք ամեն տարի մոնիտորինգի են ենթարկում հուշարձանները, և դրանց միջից ընտրում են ամենավատ վիճակում գտնվողները:
Նշենք, որ Հայաստանի տարածքում կառավարության կողմից հաստատված հուշարձանների ցանկում ընդգրկված է 24.200 հուշարձան, որոնց 40%` հանրապետական, 60%-ը տեղական նշանակության են:

Աղբյուր` Panorama.am