«Ամերիաբանկ»-ը շարունակում է իր դիրքերն ամրապնդել ֆինանսական շուկայում: Այդ է վկայում օրեցօր մեծացող հաճախորդների բազան: «Ամերիաբանկ»-ի հաճախորդների թվաքանակը 2009թ. աճել է 57 %-ով և արդեն տարեվերջին հաճախորդների քանակը կազմել է 13114, ընդ որում, իրավաբանական անձանց թվաքանակի աճը կազմել է 66.9%, ֆիզիկական անձանց աճը` 55.3%, այն դեպքում, երբ համաձայն ՀՀ ազգային վիճակագրական ծառայության հրապարակած տվյալների` 2009թ. արդյունքներով ՀՀ բանկային համակարգում հաճախորդների բազան աճել է ընդամենը 11.9%-ով, իսկ իրավաբանական աձանց թվաքանակը`16.0%-ով, ֆիզիկական անձանցը` 11.7%-ով:

Ընկերության մամուլի ծառայությունը հիշեցնում է, որ առաջին 100 խոշոր հարկատուներից 31-ը «Ամերիաբանկ»-ի ակտիվ հաճախորդներն են:

Չնայած «Ամերիաբանկ»-ը կորպորատիվ, ներդրումային բանկ է, սակայն մշակել է նաև ֆիզիկական անձանց բանկային ծառայությունների լայն տեսականի, որը շարունակ համալրվում է նորամուծություններով: Նշենք, որ Բանկի կորպորատիվ հաճախորդների աշխատակիցներն օգտվում են ֆիզիկական անձանց համար նախատեսված ծառայությունների փաթեթից զեղչված սակագներով: Եվ այս ամենը նպաստել է ֆիզիկական անձանց թվաքանակի աճին, որոնք կազմում են Բանկի հաճախորդների 89.4%-ը:

«Ամերիաբանկ»-ի բանկային հաշիվների քանակը 2009թ. աճել է 79.7%-ով, ընդ որում, իրավաբանական անձանց գծով աճը կազմել է 67.9 %, ֆիզիկական անձանց գծով`82.2 %, այն դեպքում, երբ ՀՀ բանկային համակարգում բանկային հաշիվների քանակական աճը կազմել է ընդամենը 11.3%, իրավաբանական անձանց բանկային հաշիվների գծով` 11.0%, ֆիզիկական անձանց գծով` 11.4%: