Գագիկ Խաչատրյանը՝ փոքր խանութների փակման մասին
ՀՀ ֆինանսների նախարար Գագիկ Խաչատրյանն այսօր լրագրողների հետ զրույցում անդրադառնալով վերջին շրջանում Երևանում փակվող փոքր խանութներին, նշեց, որ կան ինչպես փակվող, այնպես էլ բացվող խանութներ:
«Եթե ես իմ բիզնեսը ծրագրավորում եմ նրանով, որպեսզի կարողանամ հարկեր քիչ վճարելով՝ բիզնեսը շարունակեմ, բնական է կփավեմ: Խաղի կանոններ են փոխվում, դրա համար էդ գործընթացների մեջ կլինեն և փակվողներ, և բացվողներ»,- ասաց նախարարը:
Նա նշեց, որ եթե կոնկրետ բիզնեսի օրինակներ բերեն, ապա կարող են միասին քննարկել, և համոզվել, թե ինչի համար է փակվում:
Ըստ Գ.Խաչատրյանի՝ եթե կա որևէ բիզնես, որը փակվում է, պետք է հասկանալ պատճառը. ունի վարկային խնդիրնե՞ր, չի կարողանում սպասարկե՞լ, ունի փոխկապակցված ձեռնարկություննե՞ր, թե ունի վարձակալական վճարների հետ կապված խնդիրնե՞ր:
«Հիմա դուք տեսնում եք աշխարհում տնտեսական նոր իրողության մեջ ենք, կփակվեն էլ, կբացվեն էլ»,- նշեց նախարարը:
Իսկ թե ի՞նչ պետք է անեն, որ չփակվի, Գ.Խաչատրյանն ասաց, որ իրենք բոլորի նկատմամբ տանում են այն քաղաքականությունը, որ հարկային կարգապահությունը պետք է բարձր լինի: «Եթե մենք չունենք նման վարքագիծ, ապա փոքրերին կամ միջիններին թույլ ենք տալիս արձանագրած խախտումների նկատմամբ ինքնուրույնաբար ուղղեն դրան»,- ընդգծեց ֆինանսների նախարարը:
Նախորդող հրակարակում՝
Ինչո՞ւ են փակվում ու անընդհատ տեղափոխվում խանութները. Պարզաբանում են տնտեսագետները (Լուսանկարներ)