10:48 25/12/2007 » Կրթություն
ՄՏԱԴԻՐ ԵՆ ԱՋԱԿՑԵԼ ԱՐՏԱՍԱՀՄԱՆՅԱՆ ԲՈՒՀԵՐՈՒՄ ՍՈՎՈՐՈՂ ՀՀ ՔԱՂԱՔԱՑԻՆԵՐԻՆ
Վարչապետ Սերժ Սարգսյանի մոտ նախօրեին տեղի է ունեցել խորհրդակցություն` արտասահմանյան առաջնակարգ բուհերում հայ ուսանողների համար սովորելու հնարավորություններ ստեղծելու, աջակցելու, այնուհետև նրանց գիտելիքներն առավելագույն արդյունավետությամբ ի նպաստ մեր պետության ծառայեցնելու խնդիրների վերբերյալ:
Վարչապետը նշել է, որ Ազգային ժողովում 2008թ. բյուջեի նախագծի քննարկման ժամանակ ևս անդրադարձ է արվել այս թեմային, մասնավորապես` կարևորվել է արտերկրի բարձր վարկանիշ ունեցող բուհերում սովորող ՀՀ քաղաքացիներին աջակցելու նպատակով պետական բյուջեով որոշակի միջոցներ հատկացնելու խնդիրը: Եվ քանի որ կրթությունը և գիտությունը կառավարության գործունեության գերակայությունների շարքում են, հետևաբար, ըստ նրա, այդ հարցը կառավարությունում չէր կարող ուշադրության չարժանանալ: Խորհրդակցությունը նպատակ ունի լսել ոլորտի մասնագետների կարծիքներն ու առաջարկությունները և արդյունավետ լուծումներ գտնել հիշյալ խնդիրների համար:
Խորհրդակցության ընթացքում ներկայացվել են խնդրի լուծման տարբեր մոտեցումներ, որոնք ներառում են և պետական, և ոչ պետական աջակցության հնարավորություններն ու մեխանիզմները:
Ամփոփելով քննարկման արդյունքները` Ս. Սարգսյանն առանձնացրել է հարցի լուծմանն ուղղված երկու մոտեցում` ընտրել արտերկրում սովորող լավագույն ուսանողներին և աջակցել նրանց ուսման առաջընթացին, և ընտրել հանրապետության առաջատար բուհերի տաղանդավոր սովորողներին ու օժանդակել նրանց, որպեսզի վերջիններս կարողանան իրենց հնարավորությունները լավագույնս բացահայտել: Վարչապետը հանձնարարել է ստեղծել աշխատանքային խումբ, որը քննարկման արդյունքներից ելնելով, երեքշաբաթյա ժամկետում նշված հարցերի վերաբերյալ որոշակի առաջարկություններ կներկայացնի` խնդրի վերաբերյալ համակողմանի մոտեցում մշակելու համար:
Ինչպես հայտնեցին կառավարության տեղեկատվության և հասարակայնության հետ կապերի վարչությունից, խորհրդակցությանը մասնակցել են կրթության և գիտության նախարար Լևոն Մկրտչյանը, նախագահի օգնական Վիգեն Սարգսյանը, առևտրի և տնտեսական զարգացման նախարար Ներսես Երիցյանը, գիտությունների ազգային ակադեմիայի նախագահ Ռադիկ Մարտիրոսյանը, ԿԳՆ գիտության կոմիտեի նախագահ, ԵՊՀ պրոռեկտոր Սամվել Հարությունյանը, ԱԺ գիտության, կրթության, երիտասարդության և սպորտի հարցերի մշտական հանձնաժողովի նախագահի տեղակալը, արտաքին գործերի, կրթության և գիտության նախարարների տեղակալներ, հանրապետության մի շարք գիտական ինստիտուտների և բուհերի ղեկավարներ ու գիտնականներ:
Վարչապետը նշել է, որ Ազգային ժողովում 2008թ. բյուջեի նախագծի քննարկման ժամանակ ևս անդրադարձ է արվել այս թեմային, մասնավորապես` կարևորվել է արտերկրի բարձր վարկանիշ ունեցող բուհերում սովորող ՀՀ քաղաքացիներին աջակցելու նպատակով պետական բյուջեով որոշակի միջոցներ հատկացնելու խնդիրը: Եվ քանի որ կրթությունը և գիտությունը կառավարության գործունեության գերակայությունների շարքում են, հետևաբար, ըստ նրա, այդ հարցը կառավարությունում չէր կարող ուշադրության չարժանանալ: Խորհրդակցությունը նպատակ ունի լսել ոլորտի մասնագետների կարծիքներն ու առաջարկությունները և արդյունավետ լուծումներ գտնել հիշյալ խնդիրների համար:
Խորհրդակցության ընթացքում ներկայացվել են խնդրի լուծման տարբեր մոտեցումներ, որոնք ներառում են և պետական, և ոչ պետական աջակցության հնարավորություններն ու մեխանիզմները:
Ամփոփելով քննարկման արդյունքները` Ս. Սարգսյանն առանձնացրել է հարցի լուծմանն ուղղված երկու մոտեցում` ընտրել արտերկրում սովորող լավագույն ուսանողներին և աջակցել նրանց ուսման առաջընթացին, և ընտրել հանրապետության առաջատար բուհերի տաղանդավոր սովորողներին ու օժանդակել նրանց, որպեսզի վերջիններս կարողանան իրենց հնարավորությունները լավագույնս բացահայտել: Վարչապետը հանձնարարել է ստեղծել աշխատանքային խումբ, որը քննարկման արդյունքներից ելնելով, երեքշաբաթյա ժամկետում նշված հարցերի վերաբերյալ որոշակի առաջարկություններ կներկայացնի` խնդրի վերաբերյալ համակողմանի մոտեցում մշակելու համար:
Ինչպես հայտնեցին կառավարության տեղեկատվության և հասարակայնության հետ կապերի վարչությունից, խորհրդակցությանը մասնակցել են կրթության և գիտության նախարար Լևոն Մկրտչյանը, նախագահի օգնական Վիգեն Սարգսյանը, առևտրի և տնտեսական զարգացման նախարար Ներսես Երիցյանը, գիտությունների ազգային ակադեմիայի նախագահ Ռադիկ Մարտիրոսյանը, ԿԳՆ գիտության կոմիտեի նախագահ, ԵՊՀ պրոռեկտոր Սամվել Հարությունյանը, ԱԺ գիտության, կրթության, երիտասարդության և սպորտի հարցերի մշտական հանձնաժողովի նախագահի տեղակալը, արտաքին գործերի, կրթության և գիտության նախարարների տեղակալներ, հանրապետության մի շարք գիտական ինստիտուտների և բուհերի ղեկավարներ ու գիտնականներ:
Աղբյուր` Panorama.am
Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:
↓ Վերջին նորություններ
20:50 02/09/2010 » Քաղաքական
Սպանված ադրբեջանցի դիվերսանտների իրական թիվ կամաց-կամաց բացահայտվում է
20:09 02/09/2010 » Սպորտ
20:05 02/09/2010 » Սպորտ
19:56 02/09/2010 » Սպորտ
Ջովաննի Տրապատոնի. «Հայաստանի հավաքականն արագ և տեխնիկապես գրագետ ֆուտբոլ է ցուցադրում»
19:56 02/09/2010 » Քաղաքական
Ինչո՞ւ է աղմկում Իլհամ Ալիևը
Ի. Ալիևի հայտարարությունների նպատակը մոտալուտ պատերազմի պատրանք ստեղծելն է, որի միջոցով հանրության ուշադրությունը կշեղվի ներքին խնդիրներից և սոցիալական անարդարությունները կմղվեն երկրորդ պլան:
Օրացույց
