Բանավոր հնչեցվող հայտարարությունները չեն կարող ԱԺ-ին միջնորդություն ներկայացնելու հիմք հանդիսանալ. Գլխավոր դատախազություն

20:04 09/07/2012 » Իրավունք

Բանավոր հնչեցվող հայտարարությունները չեն կարող ԱԺ-ին միջնորդություն ներկայացնելու հիմք հանդիսանալ. Գլխավոր դատախազություն

 Ազգային ժողովի պատգամավորի նկատմամբ քրեական հետապնդում հարուցելու միջնորդությամբ Գլխավոր դատախազը միջնորդությամբ կարող է հանդես գալ, եթե առկա է նրան որպես մեղադրյալ ներգրավելու մասին նախաքննական մարմնի որոշում, որը հիմնված կլինի նախաքննությամբ ձեռք բերված ապացույցների վրա: Այդ մասին Panorama.am-ի թղթակցի հետ զրույցում ասաց Գլխավոր դատախազի մամլո խոսնակ Սոնա Տռուզյանը` մեկնաբանելով այսօր Գլխավոր դատախազին ուղղված պահանջ-առաջարկությունը:

Հիշեցնենք, որ այսօր տարածած հայտարարությամբ Հելսինկյան քաղաքացիական ասամբլեայի Վանաձորի գրասենյակը պահանջում էր.
1. ՀՀ գլխավոր դատախազ Աղվան Հովսեփյանից միջնորդությամբ դիմել Ազգային ժողովին Ռուբեն Հայրապետյանին ԱԺ պատգամավորի անձեռնմխելիությունից զրկելու և նրա նկատմամբ քրեական գործ հարուցելու պահանջով:

2. Հիմք ընդունելով ՀՀ Սահմանադրության 70-րդ հոդվածը՝ ՀՀ նախագահ Սերժ Սարգսյանին հրավիրել ԱԺ արտահերթ նիստ` հանրապետության գլխավոր դատախազի միջնորդության վերաբերյալ:

Գլխավոր դատախազի մամլո խոսնակը առաջարկություններ հնչեցնողներին հորդորում է ծանոթանալ հայաստանյան օրենսդրությանը և նոր միայն դիմել այդ քայլին:

«Ինչ վերաբերում է հրապարակային հնչեցվող առաջարկություններին, որոնք ուղղված են գլխավոր դատախազին, թերևս լավ կլիներ, որ մինչ նման առաջարկություններ ներկայացնելը նախապես ծանոթանային Հայաստանի Սահմանադրությամբ և Քրեական դատավարության օրենսգրքով նախատեսված ընթացակարգերին: Բանավոր հնչեցվող հայտարարությունները և ցանկությունները չեն կարող նման հիմք հանդիսանալ», -հավելեց Սոնա Տռուզյանը:

Նախորդիվ`

ՀՔԱ Վանաձորի գրասենյակը պահանջում է Հայրապետյանի նկատմամբ քրեական գործ հարուցել

 

Աղբյուր` Panorama.am

Share |

Տպագրական տարբերակ

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

↓ Վերջին նորություններ
Շարունակել

Օրացույց