Յուրի Վարդանյանի որդին վաղաժամկետ ազատ է արձակվել
Մեկուկես տարի անազատության մեջ գտնվելուց հետո դատարանի որոշմամբ պայմանական վաղաժամկետ ազատ է արձակվել Վրաստանում ՀՀ արտակարգ և լիազոր դեսպան Յուրի Վարդանյանի որդին՝ Դավիթ Վարդանյանը: Այս մասին Panorama.am-ին հայտնեց Դ. Վարդանյանի փաստաբան Վահան Հայրապետյանը:
Հիշեցնենք, որ այս տարվա սեպտեմբերի 4-ին կայացված դատավճռով նա դատապարտվել է 4 տարի 6 ամիս ազատազրկման:
Դ. Վարդանյանին մեղադրանք էր առաջադրվել ՀՀ ՔՕ 215-րդ հոդվածի 2-րդ (Մաքսանենգություն) և 268-րդ հոդվածի 3-րդ (Թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց իրացնելու նպատակի) մասերով:
Ըստ մեղադրական եզրակացության, Դավիթ Վարդանյանը 04.10.2013 թ ժամը 19:20-ից մինչև 12.10.2013 թ ժամը 01:31-ն ընկած ժամանակահատվածում Իրանում գործով չպարզված հանգամանքներում առանց իրացնելու նպատակի ձեռք է բերել առանձնապես խոշոր չափերի ընդհանուր 106 գրամ կշռով «հաշիշ» տեսակի թմրամիջոց, որից 7.0 գրամ կշռով թմրամիջոցը փաթաթել է ռետինե մատնոցների մեջ ու կուլ տվել, իսկ 99.0 գրամը պահել է ձեռքի պայուսակում և 12.10.2013 թ ժամը 01:31-ի դրությամբ մաքսանենք ճանապարհով` մաքսային հսկողությունից թաքցնելով ՀՀ պետական սահմանի Մեղրիի անցակետով թմրամիջոցն ապօրինի տեղափոխել է Հայաստան: Դ. Վարդանյանը պնդում է, որ նա թմրամիջոցը ձեռք է բերել Հայաստանում՝ Ագարակ քաղաքում, անձնական օգտագործման համար:
Նախորդող հրապարակումներ՝
Հրապարակվեց Յուրի Վարդանյանի որդու դատավճիռը
«Ինչ օպերատիվ տվյալներ են ունեցել, ինչ դեղեր են ման եկել...». Յուրի Վարդանյանի որդու գործով փաստաբան
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ