Քրեական գործեր` սանիտարահակահամաճարակային կանոնները խախտելու համար
ՀՀ քննչական կոմիտեի Արմավիրի մարզային քննչական վարչությունում հարուցվել են քրեական գործեր՝ նախադպրոցական հաստատություններում սանիտարահակահամաճարակային կանոնները խախտելու դեպքերի առթիվ: Այս մասին հայտնում են ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնից:
2015թ. մայիս-հունիս ամիսներին սուր «աղիքային ինֆեկցիա», «կլեբսիելա» և «շիգելլա զոնե» ախտորոշումներով «Արմավիր» ԲԿ է դիմել 50 երեխա, որոնցից 38-ը տարբեր մանկապարտեզների սաներ են, 11-ը որևէ ուսումնական և նախադպրոցական հաստատություններ չեն հաճախել, իսկ մեկ երեխան դպրոցական է:
Հիվանդանոց դիմած երեխաներից 27-ի մոտ հայտնաբերվել է «սուր աղիքային ինֆեկցիա», 11-ի մոտ՝ «կլեբսիելա», 10-ի մոտ՝ «շիգելլա զոնե» աղիքային հիվանդություններ, 4 տարեկան տղան գտնվում է անգիտակից վիճակում, իսկ երեխաներից մեկը մահացել է:
Վերոնշյալ դեպքերի առթիվ նախապատրաստված նյութերով հարուցվել է 4 քրեական գործ՝ ՀՀ քրեական օրենսգրքի 277-րդ հոդվածի 1-ին մասի հատկանիշներով (Սանիտարահակահամաճարակային կանոնները խախտելը, որն անզգուշությամբ առաջացրել է մարդկանց զանգվածային հիվանդացում կամ թունավորում), նախապատրաստված 16 նյութերով քրեական գործի հարուցումը մերժվել է հանցադեպի բացակայության հիմքով, ևս 7 դեպքի առթիվ նյութերի նախապատրաստումն ընթացքի մեջ է։
Աղբյուրն ավելի աղ տեղեկացրել էր, որ երեխայի մահվան դեպքի առթիվ հարուցվել է քրեական գործ՝ ՀՀ քրեական օրենսգրքի 130-րդ հոդվածի 2-րդ մասի հատկանիշներով (բժշկական օգնություն և սպասարկում իրականացնողների կողմից մասնագիտական պարտականությունները չկատարելը կամ ոչ պատշաճ կատարելը, որն անզգուշությամբ առաջացրել է բուժվող հիվանդի մահը):
Նախաքննությունը շարունակվում է, միջոցներ են ձեռնարկվում՝ դեպքի բազմակողմանի և լրիվ հետազոտումն ապահովելու ուղղությամբ:
Նախորդող հրապարակումներ՝
ԱՆ. Երեխաների թունավորման դեպքերի միջև փոխկապակցվածություն չկա
Նորապատ գյուղից հիվանդանոց տեղափոխված երեխան կոմայի մեջ է
Ալաշկերտ համայնքի մանկապարտեզի խոհանոցում հայտնաբերվել են աղիքային ցուպիկի խմբի մանրէներ
Հարուցվել է քրեական գործ՝ Ալաշկերտ համայնքի մանկապարտեզի սաների թունավորման դեպքի առթիվ
«Չի կարելի այսպես շարունակել». Պիպոյանը՝ մանկապարտեզներում գրանցված թունավորումների մասին
Փոխմարզպետ. Արմավիրի բոլոր մանկապարտեզներում ուսումնասիրություն է իրականացվում
Արմեն Մուրադյանը վստահեցնում է, որ վաղը պարզ կլինի Ալաշկերտի երեխաների թունավորման պատճառը
Առաջիկա երկու օրերի ընթացքում պարզ կդառնա Ալաշկերտի հոսպիտալացված երեխաների հիվանդության պատճառը
Ինչո՞ւ են մանկապարտեզներում հաճախացել երեխաների թունավորումները
Գյուղապետ. Ալաշկերտից հոսպիտալացվածների թվում մանկապարտեզի ու դպրոցի սաներ են
Արմավիր բժշկական կենտրոնի ինֆեկցիոն բաժանմունք են հոսպիտալացվել երեխաներ
Ալաշկերտի մանկապարտեզը չի գործում
Մանկապարտեզներին քիմիական մշակման ենթարկված թռչնամիս մատակարարելու դեպքով հարուցվել է քրեական գործ
Էդվարդ Մխիթարյան անունով անհատ ձեռնարկատեր ՍԱՊԾ-ում գրանցված չէ. Սուքիասյան
Քաղաքապետարանի պարզաբանումը՝ մայրաքաղաքի 3 մանկապարտեզներին անորակ թռչնամսի մատակարարման վերաբերյալ
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում