«Մասնավոր հատվածը ևս պետք է լինի պահանջատեր ու շահառու». Ընդդեմ կոռուպցիայի
Կուռուպցիայի դեմ պայքարը կլինի արդյունավետ, եթե լինի քաղաքական կամք: Լրագրողների հետ զրույցում նման տեսակետ հայտնեց «Թրանսփերենսի Ինթերնեշնլ» հակակոռուպցիոն կենտրոնի գործադիր տնօրեն Վարուժան Հոկտանյանը:
«Եթե արդյունավետ պայքար տարվի կոռուպցիայի դեմ, միջոցներ կգտնվեն, որ հնարավոր լինի բավականին արդյունավետ ինստիտուցիոնալ համակարգ ստեղծել: Այդ ամենը կաշխատի, եթե լինի քաղաքական կամք: Հակառակ պարագայում
մենք չենք ունենա որևէ էֆեկտիվ պայքար կոռուպցիայի դեմ»,- ասաց նա:
Վարուժան Հոկտանյանի գնահատմամբ, Հայաստանում կոռուպցիայի վիճակը «վատ է, բավականին տխուր է»:
ՀՀ արդարադատության նախարարի տեղակալ-Հակակոռուպցիոն ծրագրերի ազգային համակարգող Սուրեն Քրմոյանը համոզված է, որ կոռուպցիայի դեմ պայքարը կլինի արդյունավետ, եթե մասնավոր հատվածը ևս լինի պահանջատեր ու շահառու:
«Կոռուպցիայի դեմ պայքարի հիմնական պատասխանատուն կառավարությունն է, սակայն մասնավոր հատվածը ևս պետք է լինի պահանջատեր ու շահառու, քանի որ կոռուպցիայի պայմաններում չի կարող զարգանալ տնտեսությունը, հետևաբար նաև՝ բիզնեսը»,- «Մասնավոր հատվածը կոռուպցիայի դեմ պայքարի արդի մարտահրավերների դեմ հանդիման» աշխատաժողովի բացմանը հայտարարեց փոխնախարարը:
Նշենք, որ աշխատաժողովը կազմակերպել է արդարադատության նախարարությունը՝ «Թրանսփերենսի Ինթերներշնլ» հակակոռուպցիոն կենտրոնի մտահղացմամբ ու Եվրոպական միության աջակցությամբ:
Սուրեն Քրմոյանը խոսեց երեկ կայացած Կոռուպցիայի դեմ պայքարի խորհրդի անդրանիկ նիստի մասին, որի ընթացքում ներկայացվել է հանրային ոլորտում կոռուպցիոն ռիսկերի նվազեցմանն ուղղված 2015-18թթ. միջոցառումների ծրագիրը: Ըստ նրա, Խորհուրդը նախատեսել է պարբերաբար իր նիստերին հրավիրել բիզնեսի ներկայացուցիչներին, լսել նրանց, թե ինչ խոչընդոտներ են առկա բիզնեսի զարգացման համար և ինչ առաջարկություններ են անում:
«Ակնկալում ենք նաև քաղաքացիական հասարակության և բիզնեսի՝ մասնավոր հատվածի մասնակցությունը կոռուպցիայի դեմ պայքարում»,- ասաց փոխնախարարը:
Ս. Քրմոյանի խոսքով, կոռուպցիայի դեմ արդյունավետ պայքարին կնպաստի բացասական երևույթների հետ մեկտեղ նաև դրական օրինակների մասին խոսելը:
Հայաստանում Եվրամիության ներկայացուցիչ Ալեսանդրո Ձանոտայի խոսքով, Հայաստանի կառավարությունը նշել է, որ կոռուպցիայի դեմ պայքարն իր գործունեության կարևոր ուղղություններից մեկն է. «Ինչպես բոլոր երկրները, այնպես էլ Հայաստանը զերծ չէ կոռուպցիայից, որը խոչընդոտում է տնտեսական աճին ու զարգացմանը, կոռուպցիայի գոյությունը հանգեցնում է տնտեսության թերզարգացածությանը: Եվրամիությունը պատրաստակամ է սատարել ինչպես ողջ աշխարհում, այնպես էլ Հայաստանում կոռուպցիայի դեմ պայքարին»:
ԵՄ ներկայացուցիչը կոռուպցիայի դեմ արդյունավետ պայքար մղելու տեսանկյունից կարևորեց կառավարության հստակ հանձնառությունը: Նա նույնպես կարևորեց քաղաքացիական հասարակության դերը կառուպցիայի դեմ պայքարում:
Նախորդող հրապարակումներ՝
«Հայաստանը միշտ կարևորել է բիզնեսի համար թափանցիկ և մրցակցային խաղի ապահովումը»
Ամերիկյան կողմը ՀՀ-ին տրամադրելու է 750 հազար դոլար՝ կոռուպցիայի դեմ պայքարելու համար
Կառավարությունն առաջ է մղելու հակակոռուպցիոն բարեփոխումներին ուղղված գործընթացը. վարչապետ
Ընդդեմ «մաղարիչի». կառավարությունը կոռուպցիայի դեմ կպայքարի նորովի
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին