Ձեր վստահելի աղբյուրը

Ազգային պատկերասրահի տնօրեն, արվեստի վաստակավոր գործիչ Փարավոն Միրզոյանը (1949 թ. Սյունիք) հայ արդի կերպարվեստում արդեն վաղուց ճանաչված ու գնահատված, իր տեղը գտած, անհատական ոճն ու ձեռագիրը մշակած նկարիչ է:

«Նրա ստեղծագործական ինքնուրույն ուղին սկիզբ է առել 1975- ին, երբ Լենինգրադի Գեղարվեստի ակադեմիան ավարտելուց հետո նա վերադարձավ Հայաստան: Ուսման ընթացքում ստանալով մասնագիտական հիմնարար կրթություն` Փ.Միրզոյանը, միևնույն ժամանակ, պահպանեց շրջակա աշխարհից, առօրյա կյանքից անմիջապես քաղած տպավորությունների, անձնական ընկալումների թարմությունը, բնական և կենցաղային ամենասովոր, նույնիսկ պրոզայիկ երևույթներում գեղեցիկը և անսովորը նկատելու, դրանցով հափշտակվելու ունակությունը:

Հավատարիմ մնալով ռեալիստական արվեստի սկզբունքներին, նկարիչը, այդուհանդերձ, մերժում է ռեալիզմի տառացի ընթերցումները, երբեք չի կառչում բնօրինակից, խուսափում է ավելորդ, տաղտուկ մանրամասներից` հասնելով գեղարվեստական առավել ազդեցիկ ու խոր տպավորության:

Փ.Միրզոյանն աշխատում է նկարչության տարբեր ժանրերում: Նրա յուղաներկ բազմաթիվ գործերի շարքում կան բնանկարներ, դիմանկարներ, նատյուրմորտներ, կենցաղային պատկերներ, հայ կերպարվեստում հազվադեպ հանդիպող` կանացի մերկ ֆիգուրներով կոմպոզիցիաներ ևս: Ձգտելով խորացնել կամ ամբողջացնել իր նկարների գաղափարական ու կերպարային բովանդակությունը, Փ.Միրզոյանը մեկ ստեղծագործության մեջ հաճախ համադրում է երկու և նույնիսկ մի քանի ժանրեր:

Կյանքի երջանիկ և հանգստաբեր ակնթարթները, ընտանեկան օջախի ջերմությունը, մարդկային մտերմիկ հարաբերությունները, փոխադարձ սիրո ու գորովանքի դրսևորումներն են տպավորված Փ.Միրզոյանի` առաջին հայացքից կենցաղային, բայց ըստ էության համամարդկային և համընդհանուր, արտաժամանակային մշտատև իրադրություններ պատկերող, հուզական ապրումներ կամ հոգեվիճակներ արտահայտող հորինվածքներում:

Փ.Միրզոյանի արվեստը մշտապես սնող, ստեղծագործական ներշնչանքի, անկեղծ հրճվանքի ու հիացմունքի կենսառատ աղբյուր է կնոջ կերպարը` իր արտաքին ու ներքին, զգայական և հոգևոր գեղեցկությամբ: Մուգ և բաց` չեզոք ֆոների վրա,պայմանական կամ որոշակի ինտերիերի մեջ, բացօթյա միջավայրում կամ բնության գրկում նուրբ քսվածքներով, լուսի ու ստվերի մեղմ անցումներով, թրթռուն խաղով ուրվագծված, պլաստիկական ամփոփ ձևերի մեջ անշարժացած կանացի մերկ ֆիգուրները սալոնային գռեհկաբարո քաղցրությունից միանգամայն զերծ, դասական մաքրությամբ օժտված գերանազ կերպարներ են:

Փ.Միրզոյանի լավագույն ստեղծագործություններն աչքի են ընկնում վարպետ կատարմամբ, գեղարվեստական բարձր ճաշակով, ձևի և բովանդակության ներդաշնակ միասնությամբ: Դրանք վարժ ձեռքով վստահորեն նկարված, հաստատ և ամուր գծանկարի վրա խարսխված, կոմպոզիցիոն կառուցիկ դասավորություն ունեցող, մինչև վերջ մտածված, ջրաներկ ու կավճաներկ էսքիզների մեջ նախապես ճշտված ու բյուրեղացած ավարտուն աշխատանքներ են: Հենց դա է առիթ տալիս խոսելու Փ.Միրզոյանի արվեստի դասական, կլասիկ հիմքերի մասին, թեև նա երբեք կուրորեն չի հետևել ավանդույթներին և խուսափել է ուղղակի ազդեցությունից: Նկարչի գործերին ազգային երանգ ու հարազատ շունչ են հաղորդել հայրենի հողի և բնաշխարհի գույներն ու ձևերը, իսկ նրան ի վերուստ տրված տաղանդի, ստեղծագործական անսպառ երևակայության, որոնող մտքի շնորհիվ Փ.Միրզոյանի կտավներն ընկալվում են որպես հայկական արդի կերպարվեստի ինքնատիպ ու արժեքավոր նմուշներ»,- այսպես է ներկայացրել գեղանկարիչ Փարավոն Միրզոյանին ՀՀ ԳԱԱ Արվեստի ինստիտուտի տնօրեն Արարատ Աղասյանը:

Հայկական արվեստ շարքը նպատակ ունի նորելու մեր հիշողությունն ու հարգանքը` հանդեպ հայ արվեստի վարպետների ու դասականների:

Շարքի նախորդ հրապարակումները՝

Գեղեցիկի, հավերժականի, աստվածայինի յուրօրինակ սինթեզ...Աշոտ Բաղդասարյան (լուսանկարներ)

«Իմ զգացմունքների և հոգու միջոցով ես առնչվում են այն ամենին, ինչ մատուցում է կյանքը» ...Արմեն Եպոյան (լուսանկարներ)

Արամ Դովլաթյանի աշխարհը (լուսանկարներ)

«Արվեստագետը մեծ զրկանքներ է կրում, քանի որ պահանջված չէ»… Լեո Լեո (լուսանկարներ)

«Արա Հակոբյանի արվեստը ճշմարիտ է, համոզիչ, ազնիվ, զուսպ, բայց գեղանկարչորեն հագեցած» (լուսանկարներ)

«Հակոբը համառորեն նկարում է պատեր, ինչպես ասենք, Վան Գոգը նկարում էր կոշիկներ» … Հակոբ Հովհաննիսյան (լուսանկարներ)

Արարատ Սարգսյանը մաքրում է արվեստի աշխարհը, և արվեստը մաքրում է նկարչի հոգին (լուսանկարներ, տեսանյութ)

«Սուրեն Եղիազարյանի արվեստը, թռչունի նման, թևածում է երազանքի և իրականության սահմանին» (լուսանկարներ)

«Իմ նկարները իմ աղոթքներն են»… Լուսինե Հակոբյան (լուսանկարներ)

Երկրաշարժից հետո Գյումրիում ամեն ինչ սկսվեց Ճալայի վերադարձով (լուսանկարներ)

«Նայելով Մանուկյանի կտավներին` ակամայից վերհիշում ես Կուստուրիցայի ֆիլմերը»… Գարիկ Մանուկյան (լուսանկարներ)

«Վարպետությունն է ազատություն տալիս» ... Անուշ Չուբարյան (տեսանյութ, լուսանկարներ)

Փոքրամասշտաբ, բայց խորիմաստ… Վահան Թոփչյան (լուսանկարներ)

Հոտառությունը, զգացողությունն ու ամեն ինչը մեծ նշանակություն ունի նկարչության մեջ... Արթուր Սարգսյան (լուսանկարներ)

«Արվեստը գույների և գծերի խաղ է»... Եսայի Մեյրոյան (տեսանյութ, լուսանկարներ)

«Նա կիսում է բարոկկոյի դիրքորոշումը»… Համբարձում Ղուկասյան (լուսանկարներ)

Հունգարական նկարչությունը հարստացրել է արևմտաեվրոպական պլեներային գեղանկարչության նվաճումներով… Շիմոն Հոլոշի (լուսանկարներ)

Ջուղայի դպրոց (լուսանկարներ)

Լվովահայ նշանավոր գերդաստանի տաղանդավոր Սիմոն Բոգուշ (լուսանկարներ)

Հետմահու ընտրվել է Ռումինիայի Ակադեմիայի պատվավոր անդամ… Թեոդոր Աման (լուսանկարներ)

«Այն ստեղծագործողն էր, որ միշտ շեշտում էր իր կապը Հայաստանի հետ»… Թեոդոր Աքսենտովիչ (լուսանկարներ)

Արա Սիմոնյանի աշխարհը (լուսանկարներ)

«Սիրում եմ խզբզել» … Արա Հայթայան (լուսանկարներ)

Լավագույն կին գեղանկարիչներից... Սաթենիկ Հովհաննիսյան (լուսնկարներ)

Հանգստության արվեստ... Աբել (լուսանկարներ)

Տրամադրություն թելադրող արվեստ… Հրաչ Ավագյան (լուսանկարներ)

«Ես նկարելիս աշխատում եմ ինքս ինձ չխանգարել»… Թաթոս (լուսանկարներ)

«Նկարչությունն Աստծո շնորհ է»…. Էդվարդ Վարդանյան (լուսանկարներ)

«Իսկական արվեստը բոլոր ժամանակների համար է»… Արմեն Վահրամյան (տեսանյութ, լուսանկարներ)

«Անցել է հոգևոր ինքնամաքրման ճանապարհ». Կայծ Վանիկյան (լուսանկարներ)

«...Սերտ կապ կա Արարչի և քանդակագործի միջև»... Գետիկ Բաղդասարյան (լուսանկարներ, տեսանյութ)

Կրթվել է Արևմտյան արվեստի լավագույն ավանդույթներով… Դավիթ Միրզոյան (լուսանկարներ)

Հայրենասիրությունը միայն արվեստագետների ու մտավորականների մենաշնորհը չէ… Լևոն Ասլանյան (լուսանկարներ)

«Ես չեմ ընտրել իմ արվեստը, այն իմ արյան կանչով է»… Անուշ Եղիազարյան (լուսանկարներ)

«… Իմ նկարները ես եմ»… Հասմիկ Ավետիսյան (լուսանկարներ)

ՄԱԿ-ի կազմակերպված ցուցահանդեսում նրա կտավը լավագույնն է ճանաչվել... Վեսո (լուսանկարներ)