Հարցազրույցներ 15:10 30/04/2012

«Իրական սոցհարցումները այն բազմահազար մարդիկ են, որոնք առանց պարտադրանքի ու ինքնակամ են գալիս Ծառուկյանի հետ հանդիպումներին»

Հեղինակ` Լիա Խոջոյան

Նախընտրական քարոզարշավի, քաղաքական առաջնահերթությունների ու անելիքների մասին Panorama.am-ը զրուցեց «Բարգավաճ Հայաստան» խմբակցության անդամ, ԲՀԿ նախընտրական քարոզչության պատասխանատու Նաիրա Զոհրաբյանի հետ:

-Տիկին Զոհրաբյան, արդյոք համամիտ եք, որ ընտրություննների օբյեկտիվությունը, թափանցիկությունն ու արդարությունն ապահովելու համար անելիք ունեն գործընթացի բոլոր մասնակիցները: Եվ եթե այո, ապա ձեր կուսակցությունն ի՞նչ անելիքներ է տեսնում նախընտրական շրջանում և քվեարկության օրը` ընտրություննների օբյեկտիվությունը, թափանցիկությունն ու արդարությունն ապահովելու համար:
-Միանշանակ քաղաքական բոլոր ուժերը մայիսի 6-ին լրջագույն պատասխանատվություն են կրելու արդար և ազատ ընտրություններ ապահովելու հարցում: Եթե որևէ քաղաքական ուժ թերացավ իր նախընտրական հայտարարությունները կյանքի կոչելու մեջ, վստահ եմ, որ ժողովուրդը դրա գնահատականը տալու և այդ մասին անպայման բարձրաձայնելու է:
«Բարգավաճ Հայաստանի» մասով ես կարող եմ միանշանակ երաշխավորել, որ մենք մեր բոլոր ռեսուրսները ու հնարավորությունները ներդնելու ենք ընտրությունների արդար ընթացքն ապահովելու և ժողովրդի քվեն տեղ հասցնելու համար: Մենք արդեն հայտարարել ենք, որ հանրապետության բոլոր ընտրատեղամասերում տեղադրելու ենք տեսաձայնագրող սարքեր, որոնք ընտրական ողջ գործընթացը առավոտվա 8-ից մինչև վերջին քվեաթերթիկի հաշվելը տեսաձայնագրելու են: Բացի այս, ունենք 9 հազարից ավելի վստահված անձ, ովքեր պրոֆեսիոնալ ուսուցում են անցել ու զինված են ԸՕ-ի գիտելիքներով և նրանք մինչև վերջին պահը մնալու են ընտրատեղամասերում, որպեսզի ընտրողի քվեն տեղ հասնի: ԲՀԿ-ն ամենայն աչալրջությամբ հսկելու է ողջ գործընթացը, որովհետև արդեն իսկ ահազանգեր ենք ստանում, որ զինվորականներին մայիսի 6-ին պատրաստվում են շարասյունով մի ընտրատեղամասից մյուսը տեղափոխել քվեարկելու: Այդ իսկ պատճառով հստակ հայտարարում եմ` մենք ուշադիր հետևելու ենք, որ զինվորներին մի ընտրատեղամասից մյուսը չտեղափոխեն ու այդպիսով, չապահովեն նրանց կրկնակի քվեարկելը: Սա ես որպես ահազանգ եմ հնչեցնում , որպեսզի նրանք, ովքեր նման բան են ծրագրել զերծ մնան դրանից. ամենայն մանրամասնությամբ վերահսկվելու է, մենք յուրաքանչյուր ընտրախախտում բարձրաձայնելու ենք ու նաև ներկայացնելու ենք միջազգային կառույցներին:
Նաև գիտեք, որ մեր կուսակցությունը դիմել է Սահմանադրական դատարան, որպեսզի անվավեր ճանաչվի ԸՕ-ի այն դրույթը, որն արգելում է ընտրացուցակները ընտրություններից հետո հրապարակել: Ճիշտ է «Ժառանգությունը», որը հերթական անգամ ուղղակի ճողոպրեց ու չմիացավ այս նախաձեռնությանը մեզ մեղադրում է, թե ինչո՞ւ Ազգային Ժողովում մենք այդ նախաձեռնությանը չմիացանք ժամանակին: Ես չեմ հերքում, որ չենք միացել, բայց «Բարգավաճ Հայաստանը» չէր կարող պատկերացնել, որ ընտրացուցակներում այսպիսի կատարյալ խառնաշփոթ կլինի: Եվ հիմա իսկապես անհրաժեշտ է, որպեսզի քվեարկությունից հետո ընտրացուցակները հրապարակվեն` տեսնելու, թե իրականում ի՞նչ է կատարվում:

-Ո՞ւմ եք համարում ձեր հիմնական ընտրողը:
-Մեր ընտրողն այն քաղաքացին է, ով ուզում է ունենալ բարեկեցիկ ու բարգավաճ Հայաստան: Ով ուզում է ունենալ այնպիսի Հայաստան, որտեղից ընտանիքները չեն փախնում, ով ուզում է ունենալ այնպիսի Հայաստան, որտեղ ունի արժանապատիվ աշխատավարձ և արժանապատիվ կենսաթոշակ: Եվ մեր ծրագրերում այս ամենի պատասխանները տրված են:
Ի դեպ, չեմ ցանկանում անուններ հնչեցնել, բայց այս քարոզարշավի ընթացքում մենք տեսանք այնպիսի հեքիաթային ծրագրեր, որոնք ուղղակի հնարավոր չէ իրագործել ոչ մեկ, ոչ էլ երկու տարում: ԲՀԿ-ն անիրատեսական ծրագրեր չի ներկայացրել և ես հույս ունեմ ու վստահ եմ, որ ՀՀ ընտրողն անցած տարիներին համոզվել է, որ Գագիկ Ծառուկյանի թիմը քիչ ասել, բայց շատ արել է: Եվ հիմա էլ ասում ենք` պատրաստ ենք ստանձնել պատասխանատվություն, մեզ ընտրողը հուսախաբ չի լինի:

-Ընտրապայքարի մեջ մտած ուժերից ո՞ւմ եք համարում ձեր գլխավոր մրցակից, հակառակորդ: Նախ` գաղափարախոսության առումով, ապա` տիրապետած ռեսուրսների ու կարողությունների առումով:
-Մենք չենք ցանկանում քաղաքական որևէ ուժի առանձնացնել, քանզի քաղաքական բոլոր ուժերը այս ընտրապայքարում մեր մրցակիցներն են և մենք պատրաստ ենք բոլորի հետ մրցել` ներկայացնելով մեր ծրագրերն ու գաղափարները: Եվ ամենակարևորը` պատրաստ ենք հիմնավորել մեր գաղափարների ու ծրագրերի ամենամրցունակ լինելը:

-Քարոզարշավի վերջին շաբաթն է մեկնարկել, ինչպե՞ս կգնահատեք այս պահի դրությամբ Ձեր, ինչպես նաև մրցակից ուժերի հնարավորությունները:
-Դարձյալ զերծ մնամ քաղաքական այլ ուժերին գնահատականներ տալուց, իսկ ինչ վերաբերում է մեր կուսակցությանը, ապա հանրային վստահության առումով ԲՀԿ-ն այսօր առաջին տեղում է: Եվ ես խորհուրդ եմ տալիս որևէ մեկին չհավատալ կոոպերատիվ սոցիոլոգիական կամ ինչպես ժողովուրդն է կնքել` «չինական» արտադրության սոցիոլոգիական հարցումներին. Իրական սոցիոլոգիական հարցումները այն բազմահազարանոց մարդիկ են, որոնք առանց պարտադրանքի, իրենց կամքով ու հավատով գալիս են Գ.Ծառուկյանի հետ հանդիպումների:

-Ընտրապայքարի մասնակից ուժերից որո՞նց հետ եք պատրաստ հետընտրական դաշինքների և որո՞նց հետ եք բացառում նման համագործակցությունը:
-Հետընտրական դաշինքների մասին հնարավոր կլինի խոսել միայն մայիսի 6-ի խորհրդարանական ընտրություններից հետո: Բայց մեկ բան հստակ է և այդ մասին խոսել է նաև մեր կուսակցապետը` երկիրն այսօր գտնվում է այնպիսի վիճակում, որ անհրաժեշտ է քաղաքական ուժերի շատ ավելի լայն համախմբում ու կոնսոլիդացիա:

-Տիկին Զոհրաբյան, ո՞ր երեք օրինագծերը կընդունեք առաջին հերթին, եթե նոր ձևավորվող խորհրդարանում ունենաք մեծամասնություն և ի՞նչ խնդիրներ են լուծելու դրանք:
-Առաջին հերթին նորից կներկայացվի մեր այն նախաձեռնությունը, որը նախկինում մերժել էր կառավարությունը: Այն է` յուրաքանչյուր տարի բյուջեի ծախսային մասից 0.5-2 տոկոս հատկացվի փոքր և միջին բիզնեսի զարգացմանը, որը մենք համարում ենք երկրի տնտեսության ողնաշարը: Երկրորդ` մենք կփորձենք վերանայել ավանդներին առնչվող նախագիծը, որովհետև այն համակարգը, որ այսօր գործում է ԽՍՀՄ տարիների քաղաքացիների ավանդների վերադարձի հետ կապված կարծես իրեն չի արդարացնում ու ժողովուրդը դրանից դժգոհ է: ԲՀԿ-ն այսօր մշակում է մեխանիզմներ այդ ավանդների վերադարձի շատ ավելի հայեցակարգային ու ճշգրիտ, ինչպես նաև ավելի հասցեական լուծում տալու: Եվ երրորդ, ու սա արդեն իմ անձնական նախաձեռնությունը կլինի` գիրքը ազատել հարկից, որովհետև մենք այսօր կորցնում ենք մեր ընթերցող հասարակությունը և Հայաստանը, ցավոք, վերածվել է գիրք չկարդացող ազգի:

-Ձեր նախընտրական ո՞ր երեք խոստումները կկարողանաք իրականացնել, եթե այնուամենայնիվ ընտրությունների արդյունքում չունենաք մեծամասնություն և չընդգրկվեք կոալիցիաներում:
-Ես երևի դժվարանամ այս հարցին պատասխանել, որովհետև գիտեք, որ խորհրդարանում ներկայացված ցանկացած նախագիծ ընդունվում է ձայների մեծամասնությամբ: Բայց ես միանշանակ լավատես եմ` «Բարգավաճ Հայաստանը» միանշանակ ունենալու է մեծամասնությունը:

-Տիկին Զոհրաբյան, եթե ձեզ հաջողվի ընտրությունների արդյունքում ունենալ խորհրդարանական մեծամասնություն ու ձևավորել միակուսակցական կառավարություն, արտաքին հարաբերություններում այսօր առկա կուրսի մեջ ի՞նչ փոփոխություններ կմտցնեք:
-Հայաստան-Թուրքիա. այս առումով ԲՀԿ-ն մշտապես հայտարարել է ու մեր դիրքորոշոմը չի փոխվել` մենք կողմ ենք Թուրքիայի հետ բնականոն հարաբերությունների հաստատմանը, բայց միանշանակ դեմ ենք, որ այդ հաստատումը լինի մեզ համար ազգային գերակա շահերի հաշվին: Այն է` Լեռնային Ղարաբաղ և Հայոց Ցեղասպանության ճանաչման ու դատապարտման խնդիր: Մեր արժեքները սակարկման առարկա չեն և քանի դեռ Թուրքիայում չկա քաղաքական այն էլիտան, որ հասկանա, որ հարևանների հետ հարաբերությունները պետք է հաստատել առանց նախապայմանների, մենք որևէ սակարկման չենք գնալու:
Լեռնային Ղարաբաղ. Մենք կարծում ենք, որ շատ ավելի պետք է ակտիվացնել ԵԱՀԿ Մինսկի խմբի համանախագահների աշխատանքները: Մասնավորապես, ես միշտ եղել եմ այն կարծիքին, որ այլևս հասել ենք այն սահմանագծին, երբ համանախագահները շատ ավելի հասցեական և շատ ավելի կոնկրետ պետք է լինեն իրենց հայտարարություններում: Ու նաև շատ ավելի պահանջատեր պետք է լինեն Ադրբեջանից, որն ուղղակի հրաժարվում է կատարել իր պարտավորությունները, որը ամեն օր սպառնում է պատերազմով: Իսկ մեկ բան հստակ է` ԼՂ հակամարտությունը պետք է լուծվի խաղաղ բանակցային ճանապարհով և նրա ինքնորոշմանն այլընտրանք չկա: Եվ, ի դեպ, ես այն կարծիքին եմ, որ սա այն հարցն է, որի վերաբերյալ որևէ ուժ կարող է այլ կարծիք ունենալ:
Հայաստան-Ռուսաստան. ՌԴ- ի հետ Հայաստանի հարաբերությունները ռազմավարական բնույթի են: Մենք գիտենք, որ Հայաստանն այսօր գտնվում է Ադրբեջանի հետ սառեցված պատերազմի վիճակում և բնական է, որ Ռուսաստանն է մեզ տալիս անվտանգության երաշխիքներ: Ի վերջո մենք չպետք է մոռանանք նաև, որ Ռուսաստանի հետ մեզ կապում են բազմադարյա մշակութային, սոցիալական, տնտեսական, բարեկամական կապերը և որ ՌԴ-ում է ապրում մեր ամենամեծ սփյուռքը: Այսինքն` սրանք կապեր են, որ անպայման պետք է խորանան և զարգանան:
Ինչ վերաբերում է եվրաինտեգրացիային, ապա սա անձամբ ես ամենակարևոր գերակայություններից մեկն եմ համարում, քանի որ մենք գտնում ենք, որ Հայաստանը եվրոպական արժեհամակարգի կրող է և նրա ապագա տեղը եվրոընտանիքում է:

-Եվ վերջինը. ՀԱԿ ղեկավարը հայտարարել է, որ խորհրդարանում մեծամասնություն կազմելու դեպքում նախագահի ինպիչմենթի գործընթաց է սկսելու, իսկ եթե մեծամասնություն չկազմի, ապա փորձելու է դա անել խորհրդարանական մյուս ուժերի հետ: Արդյոք ձեր կուսակցությունը կմիանա այդ գործընթացին:
-«Բարգավաճ Հայաստանն» ունի իր առաջնահերթությունները և խորհրդարանում իր գործունեության ընթացքում բոլորը կտեսնեն, թե որոնք են մեզ համար քաղաքական առաջնահերթությունները:



Աղբյուր` Panorama.am
Share |
Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

20:52
Արդյո՞ք կձևավորվի համահայկական նոր օրակարգ
Սեպտեմբերի 18-20-ը տեղի է ունենալու Հայաստան-Սփյուռք արդեն ավանդական 6-րդ համաժողովը։ Միջոցառման օրակարգից դեռևս ոչինչ հայտնի չէ, բացառությամբ...
Աղբյուր` Panorama.am
20:00
Անցնող շաբաթը՝ լուսանկարներում
Անցնող շաբաթվա վերջին բոլորի ուշադրության կենտրոնում իսպանական քաղաքներն էին, որտեղ ահաբեկչական գործողությունների զոհ դարձան 15 մարդ, ավելի քան...
Աղբյուր` Panorama.am
19:51
Հայաստանում կենդանական ծագման գյուղմթերքի արտադրությունն ավելացել է
Տավարի մսի ներմուծման ծավալը նվազել է 21.4%-ով:
Աղբյուր` Panorama.am
19:35
Ֆանտաստիկ կազմ ունեմ. Զիդան
Մադրիդի «Ռեալի» գլխավոր մարզիչ Զինեդին Զիդանը Պրիմերայի առաջին տուրում խոսել է «Դեպորտիվոյի» հետ հանդիպման մասին:...
Աղբյուր` Panorama.am
19:23
Լատվիայում հաշվել են հավատացյալին
Լատվիայի արդարադատության նախարարությունը հրապարակել է երկրում եկեղեցիների և այնտեղ հաճախողների մասին տվյալներ։ Rusarminfo-ի...
Աղբյուր` Panorama.am
19:11
Օգոստոսի 21-ի հոսանքազրկումների մասին
«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ օգոստոսի 21-ին պլանային և վերանորոգման աշխատանքներ...
Աղբյուր` Panorama.am
19:00
Սահմանամերձ Տավուշում աշխատանք է փնտրում մոտ վեց հազար մարդ
Մարզում հաշվառված է 4856 գործազուրկ, որից 3026-ը կանայք են:
Աղբյուր` Panorama.am
18:46
Բարսելոնայի ահաբեկչությունից հետո կորած համարվող տղային գտել են
Բարսելոնայի հիվանդանոցում գտնել են ավստրալիացի յոթամյա տղային, ով կորած էր համարվում տեղի ունեցած ահաբեկչությունից հետո։ Life.ru-ի հաղորդմամբ,...
Աղբյուր` Panorama.am
18:40
Վերջին հինգ տարում Ախալքալաքում վերականգնվել է 26 դպրոց
Ախալքալաքի շրջանում 2013-2017 թվականների ընթացքում վերականգնվել է 26 դպրոց, կառուցվել 3 դպրոց և կահավորվել երկու բժշկական սենյակ: Գրում է...
Աղբյուր` Panorama.am
18:34
Մխիթարյանը՝ այսօրվա հանդիպման լավագույն խաղացող
«Սուոնսի»-«Մանչեսթեր Յունայթեդ» հանդիպման լավագույն խաղացող է ճանաչվել Հայաստանի հավաքականի և «Մանչեսթեր...
Աղբյուր` Panorama.am
18:20
Վաղը ցերեկը Երևանում կգրանցվի +34 աստիճան
Ինչպես տեղեկացնում է ՀՀ ԱԻ նախարարությունը, Հանրապետության տարածքում օգոստոսի 20-24-ին սպասվում է առանց տեղումների եղանակ: Քամին...
Աղբյուր` Panorama.am
18:04
«Մանչեսթեր Յունայթեդ»-ը խոշոր հաշվով հաղթեց «Սուոնսի»-ին
Ֆուտբոլի Անգլիայի առաջնության 2-րդ տուրում «Մանչեսթեր Յունայթեդ»-ը 0:4 հաշվով հաղթանակ տարավ «Սուոնսի»-ի նկատմամբ։ Այս...
Աղբյուր` Panorama.am
18:00
«Իսլամական պետություն»-ը ստանձնել է Ռուսաստանում տեղի ունեցածի պատասխանատվությունը
«Իսլամական պետություն» ահաբեկչական խմբավորումը ստանձնել է Սուրգութում տեղի ունեցած միջադեպի պատասխանատվությունը: Այս մասին գրում է...
Աղբյուր` Panorama.am
17:47
Ուկրաինացին պատրաստ է իր քաղաքացիությունը նվիրել Սաակշվիլիին
Ուկրաինական Նիկոլաևա քաղաքի բնակիչը հայտարարել է, որ պատրաստ է իր քաղաքացիությունը նվիրել Միխեիլ Սաակաշվիլիին: Հիշեցնեք, որ  Ուկրաինային...
Աղբյուր` Panorama.am
17:30
Փաստաբանների պալատը որոշել է դիմել արդարադատության խորհրդին
Դատավոր Ա. Բեկթաշյանի վարքագիծը քննարկելու համար:
Աղբյուր` Panorama.am
17:17
ԱՎԾ. Պարենային ապրանքների գնաճ է գրանցվել
Այս տարվա երկրորդ եռամսյակում սպառողական գների ինդեքսը կազմել է 101.3%` նախորդ տարվա համապատասխան ժամանակաշրջանի 98.3%-ի դիմաց:
Աղբյուր` Panorama.am
16:50
Գրավիտացիոն «նվերներ» Երկրի կողքով անցնող երկնաքարի կողմից
Ամերիկյան NASА տիեզերական գործակալությունը տեսանյութով ցույց է տվել, թե ինչպես է շարժվում ու ինչպես է Երկրին մոտենում ամենամեծ երկնաքարերից...
Աղբյուր` Panorama.am
16:34
Ահաբեկչություն Լաթաքիայում
Սիրիայի Լաթաքիա քաղաքում ականապատված մեքենա է պայթեցվել: Տեղի ունեցածը որակվել է որպես ահաբեկչություն, կան զոհեր: Հաղորդում է...
Աղբյուր` Panorama.am
16:13
Գոռավանում ոռոգման ջրի պատճառով հողերն անմշակ են մնում
550 հեկտար հողատարածքից մշակվում է ընդամենը 200 հեկտարը:
Աղբյուր` Panorama.am
16:00
Թուրքիայի «Աքքույու» ատոմակայանի առաջին բլոկը կշահագործվի 2023թ.
Ռուսաստանը «Աքքույու» էլեկտրակայանի շինարարության նախագծի համար 22 մլրդ դոլարի ներդրում կանի:
Աղբյուր` Panorama.am
15:46
Հրդեհվել է Թբիլիսիի ավտոպահեստամասերի շուկան
Հրդեհի ընթացքում պայթել են մի քանի բենզինի բաքեր ու գազի բալոններ:
Աղբյուր` Panorama.am
15:30
Հայաստանում ծանր հանցագործությունները նվազել են
Գրանցվել է 35 դեպք՝ նախորդ տարվա 53-ի դիմաց:
Աղբյուր` Panorama.am
15:11
Լոռիում վթարի հետևանքով երկու մարդ է զոհվել
Վիրավորվել է յոթ մարդ:
Աղբյուր` Panorama.am
14:57
Մխիթարյանը մեկնարկային կազմում է
Քիչ անց՝ Երևանի ժամանակով ժամը 15:30-ին  Անգլիայի առաջնության երկրորդ տուրում «Մանչեսթեր Յունայթեդ»-ը հանդիպելու է...
Աղբյուր` Panorama.am
14:53
ԳՆ-ն տեղեկացնում է, թե որտեղից կարելի է աշնանացան ցորենի սերմեր ձեռք բերել
ՀՀ գյուղատնտեսության նախարարությունը տեղեկացնում է, որ 2017 թվականի աշնանացան ցանքերի  համար տնտեսավարողները աշնանացան ցորենի հավաստագրված,...
Աղբյուր` Panorama.am
14:40
Ավստրիայում փառատոնի ժամանակ փլուզում է տեղի ունեցել
Վիրավորներից 10-ի վիճակը գնահատվում է ծայրահեղ ծանր:
Աղբյուր` Panorama.am
14:28
Շուկայի վերահսկողության տեսչական մարմինը տնտեսվարողներին համագործակցության կոչ է անում
«Տեսչական մարմինը գործընկեր լինելու քաղաքականություն է որդեգրել, մենք ոչ թե տուգանող կառույց ենք, այլ համագործակցության կոչ ենք անում...
Աղբյուր` Panorama.am
13:57
Ֆինլանդիայում զոհերի թվում օտարերկրացիներ չկան
Ֆինլանդիայի Տուրկու քաղաքում զինված հարձակման հետևանքով զոհերի թվում այլ երկրների քաղաքացիներ չկան: Ֆինլանդիայի քննչական ազգային բյուրոյի...
Աղբյուր` Panorama.am

Տեսանյութեր

Նախորդ տարվանից 30-35 տոկոս պակաս բերք է սպասվում. «Հայաստանի խաղողագործների միության» նախագահ
15:02 19/08/2017

Նախորդ տարվանից 30-35 տոկոս պակաս բերք է սպասվում. «Հայաստանի խաղողագործների միության» նախագահ

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}