American Thinker. «Ժամանակն է ՆԱՏՕ-ում Թուրքիային Ռուսաստանով փոխարինել»
Երբ 1952 թվականին Թուրքիան անդամակցեց ՆԱՏՕ-ին Արևմուտքը պնդում էր, որ Թուրքիայի կարիքն ունի ընդդեմ Խորհրդային Միության: Բայց Թուրքիայի անդամակցության որոշումը դաշինք էր սատանայի հետ: Անդրադառնալով Թուրքիայի ՆԱՏՕ անդամ դառնալու նպատակահարմարությանը և հետևանքներին՝ գրում է ամերիկյան «American Thinker» պարբերականը:
Շարունակելով, պարբերականը Թուրքիան համարում է որպես ՆԱՏՕ-ի համար «խնդրահարույց երեխա», նշելով, որ Խորհրդային միության գոյության տարիներին պետք էր ընդամենը Թուրքիային ռազմական աջակցություն ցույց տալ, այլ ոչ թե նրանց դարձնել դաշինքի անդամ:
«Թուրքիային ՆԱՏՕ-ի անդամ դարձնելու որոշումը կարճատեսություն էր ու աններելի և արդեն պարզ է, որ այդ անդամակցությունը դաշինքի համար անմիջապես ավելի շատ խնդիրներ առաջացրեց, քան ենթադրվում էր, որ պետք է լուծվեր այդ դաշնակցությամբ»,- գրում է պարբերականը:
Պարբերականը նկատում է, որ Թուրքիայի պատճառով ՆԱՏՕ-ում պառակտումներ նկատվեցին դեռ հեռավոր 1974 թվականին, երբ Թուրքիան ներխուժեց Կիպրոս՝ պատճառ դառնալով, որպեսզի Հունաստանը մինչ 1980 թվականը իր զորքերը հանի ՆԱՏՕ-ի հրամանատարական կառուցվածքից: Այնուհետև արդեն 2012 թվականից Թուրքիան սկսեց հարվածներ հասցնել Սիրիայի օդային ուժերին:
Պարբերականի դիտարկմամբ՝ լավատեսները կարող են ասել, որ Թուրքիան աշխարհագրորեն իսկապես բարդ տարածաշրջանում է ապրում և նրա շատ գործողություններ դրանով են պայմանավորված, բայց «ավելի ռացիոնալիստները կնկատեն, որ դաշինքի անդամ դառնալով Թուրքիան փորձել է հասնել միայն իր քաղաքական նպատակներին, որոնք մեծ հաշվով կապ չեն ունեցել դաշինքի ընդհանուր նպատակների հետ»:
Պարբերականը նկատում է, որ ՆԱՏՕ-ում արդեն պետք է վաղուց հասկացած լինեին, որ զարգացման իսլամիստական ուղին բռնած Թուրքիան այն ադնամը չէ, որի հետ պետք է դաշնակցել, իսկ մյուս կողմից էլ Արևմուտքում պետք է հասկացած լինեին, որ Արևմտյան քաղաքակարթության համար ավելի մեծ սպառնալիք էր ոչ թե Խորհրդային Միությունը, այլ հենց իսլամիստները:
«Ինչպես Պուտինն է ճշգրտորեն նկատում, Թուրքիան արդեն իսկ Իսլամական պետության հետ դաշնակցության մեջ է՝ աջակցելով ԻՊ-ի նավթային գործարքներին»,- գրում է պարբերականը:
Պարբերականի դիտարկմամբ՝ Թուրքիան Արևմուտքի և ՆԱՏՕ-ի հետ երկակի խաղ է խաղում, ինչպես օրինակ Պակիստանն է անում՝ ձևացնելով, թե Արևմուտքի դաշնակիցն է, բայց օգնում է իսլամիստներին ու ծայրահեղականներին:
«Արևմուտքում շատերն են հիանում Պուտինով և դրա համար ունեն լավ պատճառ. նրա աշխարհաքաղաքական տեսլականը պարզ է:... Ժամանակը վրա է հասել, Թուրքիան պետք է հեռացվի ՆԱՏՕ-ից և այնտեղ պետք է հրավիրվի Ռուսաստանը: Ռուսաստանի հետ Արևմուտքի ընդհանրությունները շատ ավելին են, քան Իսլամական աշխարհի հետ»,- եզրափակում է պարբերականը:
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին