Երդվյալ ազատամարտիկների միությունն իր ԱՅՈ-ով պետության կողքին է
Երդվյալ ազատամարտիկների միությունն իր պատրաստակամությունն է հայտնում լինել պետության կողքին և իրենց ԱՅՈ-ով մասնակցություն ունենալ, ինչպես սահմանադրական բարեփոխումների հետ կապված երկրում անցկացվող հանրաքվեին, այլ նաև ամեն պահի Երդվյալ ազատամարտիկները պատրաստ են Երկրի զինված ուժերի գերագույն գլխավոր հրամանատարի հրամանատարության ներքո մեկնել ամենավտանգավոր սահմանային գիծ և մեր դիրքապահ զինվորների հետ կողք կողքի մարտնչել ընդդեմ թշնամու: Այս մասին նշված է 4-րդ արտահերթ համագումարի ԵԱՄ հայտարարության մեջ:
«Սահմաններում տիրող այս լարված իրավիճակում, երբ երկիրը ներ է քաշված պատերազմի մեջ, բոլոր տեսակի ընդվզումները, որոնք կխաթարեն երկրի ներքաղաքական անդորրը և իրենց գործողություններով միջազգային հարթության մեջ կներազդեն մեր երկրի վարկանիշի վրա, խստորեն դատապարտելի են:
Գիտակցել է պետք, որ հայրենի հողն արյուն է և հայ ժողովուրդն իր միասնականությամբ միայն կարող է հանդիսանալ նմանատիպ արյան արժեքը պահպանող մեծագույն արժեք:
Երկրում տիրող ամեն մի դժվարին վիճակ, դա լինի տնտեսական, թե սոցիալական, երբեք չպետք է դառնա պատճառ շեղվելու արյան այդ գիտակցությունից: Մենք ուրիշ կյանք չենք ունեցել, երբ վտանգվել է մեր հողը և առավել ոչ մի հարց չպետք է ունենանք երկրի ներսում, երբ երկիրը ներ է քաշված պատերազմի մեջ:
Այսօր ողջ հայ ժողովրդով հարկավոր է լինել միասնական, ինչպես Արցախյան պատերազմում և առավել զգոն ու բարձր գիտակցությամբ մոտենալ պետության ճակատագրին վերաբերող ամեն մի հարցի:
Երկրի ճակատագրին վերաբերող կարևորագույն հարցերից է երկրի Սահմանադրության բարեփոխման ամեն մի գործընթաց և ոչ մեկին տրված չէ ինչ-որ քաղաքական նկատառումներից ելնելով՝ երկրի ներսում ստեղծել անհամերաշխ մթնոլորտ՝ փորձելով խաթարել մեր ժողովրդի տրամադրվածությունն ու ազատ կամքի դրսևորումն այդ հարցում:
Ինչպես Արցախի անկախության և հայրենիքի պաշտպանության խնդիրը իր բնույթով ողջ հայ ժողովրդի համար չսակարկվող հարց է, այնպես էլ դեռ սաղմնային վիճակում գտնվող մեր անկախ պետության համար Սահմանադրության բարեփոխման պրոցեսները մեր գիտակցական կյանքում պիտի լինեն այնքան անհրաժեշտ, քանի դեռ այդ բարեփոխումների արդյունքում առաջ եկող համակարգային լուրջ փոփոխությունները չեն տվել մեր ժողովրդին խաղաղ ու բարեկեցիկ կյանքի բարձրագույն դրսևորում»,-ասված է հայտարարությունում::