Էրդողանը պահանջում է Սիրիայում ստեղծել ոչ թռիչքային գոտի
Թուրքիայի նախագահ Ռեջեփ Թայիփ Էրդողանը խիստ քննադատության է ենթարկել ՄԱԿ-ին և ԵՄ-ին Անկարային արած իրենց առաջարկի համար: Վերջիններս, մասնավորապես Թուրքիային առաջարկում են փախստականների նոր հոսքի համար բացել թուրք-սիրիական սահմանը: Այս մասին հաղորդում է BBC-ն:
Էրդողանի խոսքով, ՄԱԿ-ը Թուրքիայից ինչ-որ բան պահանջելու փոխարեն պետք է կենտրոնանա Սիրիական Հալեպ քաղաքի շրջակայքում իրականացվող «էթնիկ զտումների» վրա:
Թուրքիայի նաագահը հատուկ շեշտել է, որ այս ճնաժամը հաղթահարել՝ չունենալով անվտանգության և ոչ թռիչքային գոտի, հնարավոր չէ:
«Եթե Հալեպի ռմբակոծությունները շարունակվեն, ապա փախստականների նոր ալիքը կհասնի մինչև 600 հազար մարդու: Մենք պատրաստվում ենք դրան»,- նշել է Էրդողանը և սպառնացել, որ փախստականներին հնարավորություն կտա անարգել մեկնել Եվրոպա:
Նշենք, որ 2.5 միլիոն սիրիացի փախստական ընդունած Թուրքիան արդեն երկար ժամանակ է, ինչ պնդում է Սիրիայի հյուսիսում ոչ թռիչքային գոտու ստեղծման անհրաժեշտության մասին, որի հիմնական նպատակն այն է, որ խաղաղ բնակչությունը կարողանա պատսպարվել և չունենա Թուրքիա տեղափոխվելու խսիտ անհրաժեշտություն չունենա:
ԵՄ արտաքին հարցերով հանձնակատար Ֆեդերիկա Մոգերինին հայտարարել է, որ եթե ոչ իրավաբանորեն, ապա առնվազն բարոյապես Թուրքիան պարտավոր է ապաստան տրամադրել նրանց, ով փախչում է հետապնդումներից: Դրա հետ մեկտեղ Արևմուտքում՝ Հունաստանի և Բուլղարիայի հետ սահմանին, ԵՄ-ն պահանջում է ավելացնել սահմանապահ պարեկային հեթափոխերի քանակը, որպեսզի ներգաղթյալները հնարավորություն չունենան շարունակել իրենց ճանապարհը:
Աղբյուրը նշում է, որ ԵՄ-ի՝ իրար հակասող այս պահանջները հանգեցրել են նրան, որ թուրք-սիրիական սահմանային անցակետը շարունակում է փակ մնալ, իսկ Հալեպում տիրող ահասարսուռ իրավիճակից փախչող մարդիկ հայտնվել են աշխարհաքաղաքական բանավեճի կիզակետում: