«Զինվորի բաժին» պահածոները ազատորեն վաճառվում են Լեհաստանի խանութներում. Ահազանգ
Փաստաբան Գարիկ Գալիկյանն իր ֆեյսբուքյան էջում տեղեկացնում է, որ Լեհաստանում, մասնավորապես՝ Բիելսկո Բիալա քաղաքի խանութներից մեկում, վաճառվում են պահածոներ, որոնք նախատեսված են եղել զինվորի համար:
Այդ ապրանքների պիտակների վրա հայերեն նշվում է «Զինվորի բաժին» և «վաճառքի ենթակա չէ», իսկ պատվիրատուն ՀՀ պաշտպանության նախարարությունն է: Նա որպես ապացույց հրապարակել է Լեհաստանում ապրող ընկերոջից ստացված լուսանկարները:
Ըստ փաստաբանի, զինվորական համազգեստի հետ միասին այդ օրապահիկը արժե 500 զլոտի, այսինքն` 160 ԱՄՆ դոլար:
Փաստաբանի գրառմանը արձագանքել է ՀՀ ՊՆ խոսնակ Արծրուն Հովհաննիսյանը և տեղեկացրել, որ այս հարցով արդեն իրավապահ մարմինները զբաղվում են:
«Մենք դիմել ենք բոլոր համապատասխան ատյաններին», -հավելել է ՊՆ խոսնակը:
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին