Ձեր վստահելի աղբյուրը

Այսօր «Ռոստելեկոմի» կենտրոնական գրասենյակում տեղի է ունեցել հանդիպում-քննարկում նվիրված ռադիոյի հեռարձակման ժամանակակից տեխնոլոգիական լուծումներին։

«Ռոստելեկոմի» հասարակայնության հետ կապերի ծառայությունից հայտնում են, որ  առաջին անգամ ներկայացվել է «Ռոստելեկոմի» Սմարթ հեռուստատեսության  «Ռադիո» հավելվածը, որի միջոցով հեռարձակվում են 16 հայկական ռադիոկայաններ։

Ըստ աղբյուրի՝ Ռադիոն միակն է Հայաստանում, հավելվածը մշակվել է հայ ՏՏ մասնագետների կողմից և նպատակ ունի ռադիոկայանների հեռարձակումն էլ ավելի հասանելի դարձնելու ընկերության բաժանորդներին ինչպես մայրաքաղաքում, այնպես էլ մարզերում։

«Փաստորեն, «Ռոստելեկոմն» իր բաժանորդներին հնարավորություն է տալիս ունկնդրելու սիրելի հաղորդումներն ու երաժշտական կատարումներն անմիջապես հեռուստաէկրանից՝ անգամ հեռավոր մարզերում»,- հանդիպման ընթացքում նշել է «Ռոստելեկոմ» Հայաստանի գլխավոր տնօրեն Հայկ Ֆարամազյանը։

Հանդիպմանը հրավիրված են եղել ներկայացուցիչներ հայկական ռադիոկայաններից, ովքեր հանդես եկան իրենց առաջարկություններով և դիտարկումներով։ Ռադիոկայանների և գործառույթների ցանկը պարբերաբար ընդլայնվելու և թարմացվելու է։

«Ռոստելեկոմը» իր հարղորդագրությամբ հայտնում է Սմարթ հեռուստատեսության հնարավորությունները՝

- Շուրջ 150 լավագույն հեռուստաալիքների դիտման հնարավորություն, որոնցից  6  HD,
- Ծնողական վերահսկողություն՝ ըստ հեռուստաալիքի, ֆիլմերի, վարկանիշի, տարիքային սահմանափակման,
-Տեսավարձույթ (VOD, Video on Demand),
- Ֆիլմերի փաթեթի բաժանորդագրություն (SVOD), սերիալներ,
- «TV-ն քեզ հետ» – Հեռուստատեսային սարքավորմամբ պատկերի դիտման հնարավորություն այլ սարքով՝ iOS հեռախոսներով, պլանշետներով,
- Multiroom – Մի քանի հեռուստացույցի միացում նույն սակագնային փաթեթին, բովանդակությանը,
- Miracast - հնարավոր է հեռուստացույցի էկրանին փոխանցել Ձեր սմարթֆոնի և/կամ պլանշետի ամբողջ բովանդակությունը՝ դիտել նկարներ, խաղեր խաղալ, օգտվել համացանցից և այլն։
- Նախկինում ցուցադրված հաղորդումների դիտում (TVOD, TV on Demand/Catch-up),
- Հեռուստադիտման ժամանակ հաղորդումների դադար/դիտում (TSTV, Time-Shift TV/Pause TV),
- Նախկին, ներկա և հետագայում ցուցադրվելիք հաղորդումների էլեկտրոնային ծրագրի մասին տեղեկատվություն (EPG, Electronic Program Guide)։

Հավելվածների միջոցով՝
-Նորություններ – լրահոսի ընթերցում հեռուստաէկրանից
- YouTube
- Ռադիո
- Մանկական Rutube (հավելված հատուկ երեխաների համար, մուլտֆիլմեր, մանկական հաղորդումներ),
- Եղանակի տեսություն,
-Viber – Զանգեր կատարելու և ընդունելու, հաղրոդգրություններ փոխանակելու հնարավորություն
- Vivarobet – Սլոտ խաղերի հնարավորություն,
- Հորոսկոպ (Շուտով)։

Սարքի հնարավորությունները՝
- USB հիշողության սարքերի բովանդակության դիտում. տեսանյութեր, երաժշտություն, նկարներ
- USB լարային և անլար մկնիկի, ստեղնաշարի միացում։