Ռուսաստանն իզուր է ուրախանում. Բորիս Նավասարդյան
Չգիտեմ՝ կթուլանա Եվրամիությունը, թե ավելի կուռ կառույց կդառնա, շատ բաներից է կախված, առաջին հերթին նրանից, թե արդյոք ԵՄ-ում կան բավարար ուժեղ կառույցներ, որոնք կկարողանան իրականացնել արդյունավետ և վճռական քաղաքականություն,- լրագրողների հետ հանդիպման ժամանակ նման կարծիք հայտնեց Երևանի մամուլի ակումբի նախագահ Բորիս Նավասարդյանը՝ խոսելով Եվրամիության կազմից Մեծ Բրիտանիայի դուրս գալու որոշման մասին:
«Ինձ ավելի շատ մտահոգում է Եվրամիության ապագան, քան Մեծ Բրիտանիայի դուրս գալը ԵՄ-ից, քանի որ Մեծ Բրիտանիան վերջին տարիներին ԵՄ ակտիվ անդամ չի եղել, չէր աջակցում որևէ նախաձեռնությանը, շատ դեպքերում կաշկանդող դեր էր խաղում, քան օգնող, ԵՄ բյուջեին օգնում էր, բայց անընդհատ երեսով էր տալիս իր տված փողերը, փորձում էր ԵՄ-ին հետ կանգնեցնել իր նախաձեռնություններից»,- նշեց նա:
Բ. Նավասարդյանի խոսքով, Ռուսաստանն իզուր է ուրախանում և հրճավանքը ժամանակավոր է:
«Եթե ասօր Ռուսաստանին համարենք հզոր խաղացող, ապա իրենից բացի ևս երեք հզոր խաղացող կա՝ ԱՄՆ, ԵՄ, Չինաստան: Այդ հզոր խաղացողների շարքից Եվրամիության ենթադրյալ դուրս գալը ոչ թե նշանակում է, որ այդ տեղը բացվում է, ընդհակառակը՝ նշանակում է, որ մյուս հզոր խաղացողներն այդ տեղը գրավելու են ու գրավելու են ավելի կոշտ միջոցներ իրականացնելով, որոնք հաստատ Ռուսաստանին դուր չեն գա: Այդ հրճվանքը, որ տեսնում ենք Ռուսաստանում, ժամանակավոր է, և Ռուսաստանի առաջին քայլը՝ ներել Թուրքիային, ժամանակավոր հաջողության ակնկալիք է: Չի լինելու»,- ասաց բանախոսը:
Ինչ վերաբերում է Հայաստանի վրա ազդեցությանը, Բ. Նավասարդյանը նշեց, որ Մեծ Բրիտանիայի՝ ԵՄ կազմից դուրս գալով, առաջիկա տարիներին ԵՄ բյուջեն տաս տոկոսով կրճատվելու է, ինչը նշանակում է, որ բոլորին տրամադրվող օգնության չափը նույնպես կնվազի:
«Եթե Եվրամիությունը գնա կուռ կառույց ձևավորելու ճանապարհով, նշանակում է, որ իր համար սահմանափակելու է գործընկերների քանակը, պահպանելու է գործընկերությունն այն երկրների հետ, որոնք վստահելի են: Այն երկրները, որոնք կապացուցեն, որ կարող են լինել ԵՄ-ին օգտակար, վստահելի գործընկեր, կարող են նույնիսկ այս իրավիճակում շահել, նրանք, ովքեր տատանվող են, ԵՄ-ն իր ֆինանսական աջակցության դիմաց բան չէր ստանում, կարող են տուժել: Հայաստանն այդ երկրների շարքում է և իր ներքին, արտաքին քաղաքականությունը, բարեփոխումների իրականացման իր ծրագրերը լուրջ սրբագրելու կարիք ունի»,- ասաց նա:
Հարակից հրապարակումներ`
- Հայաստանում ԵՄ կողմից ֆինանսավորվող կառավարական շատ ծրագրեր կփակվեն. Աղասի Ենոքյան
- ԵՄ-ից Մեծ Բրիտանիայի դուրս գալը վտանգի տակ է դրել նաև անգլերենը
- Մեծ Բրիտանիայի իշխանությունները Brexit-ի հանձնաժողով են ստեղծում
- Բրիտանացիներն ամենաշատը Google-ին հարցրել են՝ ի՞նչ է ԵՄ-ն
- Շոտլանդիան ԵՄ կազմում մնալու տարբերակներ կփնտրի
- Brexit-ը աշխարհին մտածելու տեղիք է տվել. Ֆրանսիայի նախագահ
- Մեծ Բրիտանիայում պահանջում են նոր հանրաքվե անցկացնել
- Մերկելը և Օբաման քննարկել են բրիտանացիների հանրաքվեի արդյունքները
- «Brexit»-ի հետևանքները ԵՄ-ի և Մեծ Բրիտանիայի համար
- Մեծ Բրիտանիան դուրս է գալիս Եվրամիությունից