Գետնանցումները առևտրի համար չեն նախատեսված. Ա. Պողոսյան
13-14 քաղաքապետ ենք ունեցել, միայն մեկին հաջողվեց վերացնել փողոցային առևտուրը: Այսօր լրագրողների հետ հանդիպմանը հայտարարեց սպառողների միության նախագահ Արմեն Պողոսյանը:
«Փողոցային առևտուրը պետք է արմատախիլ արվի իսպառ, սա արաբական երկիր չէ, ոչ էլ 14 րդ դարը: Ամանեառաջնայինը, եթե վաճառողը չունի հոսող ջուր տարածքում, անթույլատրելի է նման առևտրով զբաղվել: Միակ բացառությունը, որ կարելի է անել դա դրսում, իհարկե ոչ արևի տակ, ձմերուկի վաճառքն է»,-նշեց Պողոսյանը:
Ինչ վերաբերում է գետնացումներում վաճառքի կետերին՝ նա ասաց, որ դրանք ամբողջությամբ փակված են տաղավարներով ու վաճառասեղաններով, ինչն անթույլատրելի է. «Աստված չանի արտակարգ դեպք լինի, պատկերացնում եք ինչ կկատարվի գետնացումների տակ: Արտակարգ դեպք ասելով չպիտի անմիջապես մտածել երկրաշարժի կամ ինչ-որ աղետի մասին, անգամ քաղաքում տեղի ունեցող միջոցառումների ժամանակ անցումներում քաոս է լինում, իսկ դրանք նախատեսված են ազատ լինելու ու մարդկանց հոսքի անարգել անցնելու համար»:
Անդրադառնալով արագ սննունդի կետերին և դրա վտանգներին, Սպառողների միության նախագահն ասաց, որ սպառողը գտնվում է դրանց «ահաբեկչության» տակ, պես օգտագորխում ու չարաշահում է դա:
«Իհարկե ոչ բոլորը, բայց արագ սննդրի կետերի մեծ մասը խախտում են անվտանգության բոլոր կանոնները. չունեն տաք ու սառը ջուր, ձեռնոցներ, գլխարկ ու համապատասխան հագուստ չեն կրում, մթերքն օգտագործում են արդեն իսկ հնացած վիճակում»,-մանրամասնեց նա:
Արմեն Պողոսյանը ավելացրեց, որ առաջին հերթին հասարակությունը պետք է աչալուրջ լինի և համապատասխան մարմիններին անմիջապես ահազանգի նկատած խախտումների մասին, իսկ դրանք կարելի է նկատել ամեն քայլափոխի:
Սպառողների միության նախագահը հավելեց նաև, որ ամիսներ առաջ սննդի պետական ծառայությանը տեղեկացրել է, որ իրենց կողմից ուսումնասիրության ենթարկված տասնհինգ զովացուցիչ ըմպելիքներց տասնմեկը անպիտան է ճանաչվել, սակայն ծառայությունը քայլեր չի ձեռնարկում՝ խնդիրը վերացնելու ուղղությամբ. «Տեղական լիմոնադ արտադրողներ էին, որոնց փոքր ձեռնարկությունները գտնվում են մայրաքաղաքից դուրս կամ դրան մոտ։ Մենք հավաքել ենք դրանք երեխաների սննդի կետից, ուսումասիրությունը պարզել է, որ նրանք չեն համապատասխանում սննդի անվտանգության նորմերին։ Երկու ամիս առաջ հրավիրեցին մեզ ու արտադրողներին, ասվեց, որ նրանց ժամկետ տրվի, որ փակվեն կամ շտկեն թերությունները։ Երկուսուկես ամիս անց ոչ մի նորություն չկա»: