Ձեր վստահելի աղբյուրը

«Բացվում է Արդարության և մարդու իրավունքների հայկական իրավական կենտրոնը: Այն իրավական կառույց է, գործելու է ի շահ հանրության, և որի նպատակն է հարատև լուծուﬓեր գտնել Հայոց ցեղասպանության դեռևս շարունակվող համաշխարհային, ազգային, համայնքային և անհատական հետևանքների հարցում»,-այս մասին այսօր լրագրողների հետ հանդիպմանը հայտարարեց կենտրոնի վարչության նախագահ Քենեթ Խաչիկյանը:

Նրա խոսքով՝ Թուրքիայում Ցեղասպանության համար պատասխանատվության բացակայությունը շարունակում է դեռևս ﬔծապես ազդել հայերի իրավունքների վրա. «Այս կենտրոնն ազգային և ﬕջազգային ատյանների և հարթակների ﬕջոցով փորձելու է հասնել Հայոց ցեղասպանության արդարացի լուծմանը և պաշտպանել Արցախի անկախության իրավունքը»,-ասաց Խաչիկյանը:
Հանդիպմանը ներկա կենտրոնի վարչության անդամ Կիրո Մանոյանը նշեց, որ ամեն ինչ անելու են, որ համակարգեն մարդու իրավունքների խախտուﬓերին առնչվող հայցերը, հայտնաբերել հնարավոր հայցվորներին, հետաքննել խախտուﬓերը և հավաքել անհրաժեշտ ապացույցներ:

Ինչ վերաբերում է կենտրոնի գործնական քայլերին և Հայ Դատի հանձնախմբերի կատարած աշխատանքների հետ տարբերության՝ Մանոյանն ասաց. «Հայ Դատի հանձնախմբերի կատարած աշխատանքներն ավելի շատ քաղաքական բնույթի են: Այս կենտրոնը, որպես իրավական կառույց, նախ հավաքել է գոյություն ունեցող ուսուﬓասիրությունները, և կատարելու է նոր ուսուﬓասիրություններ` պարզելու թե ինչ իրավական հայցեր կարող է նախաձեռնել: Կենտրոնը կարող է ինքը նախաձեռնել, կարող է դա անել այլ իրավատերերի հետ: Աﬔն դեպքում, հիմա կա կենտրոն, որից կարելի է ակնկալել, որ առնվազն տարբեր նախաձեռնությունների մասին կտա իրավական խորհրդատվություն: Մենք տեսել ենք որոշ դեպքեր, երբ հավաքական հայց է եղել, սակայն ինչ-որ փուլում հայց ներկայացնողները զգացել են, որ իրավազրկվել են: Այս կենտրոնի անﬕջական աշխատանքները հիﬓվելու են այդ ուսուﬓասիրությունների վրա, որպեսզի տեսնենք թե ինչ ուղղությամբ իրավական հարցերը կարող ենք առաջ տանել»:

ՀՅԴ բյուրոյի անդամ, Հայ դատի և քաղաքական հարցերի գրասենյակի ղեկավարի խոսքով՝ ﬕնչ հիմա արված ուսուﬓասիրությունները ցույց են տալիս, որ ﬕջազգային իրավունքն այնքան էլ կատարյալ չէ, երբ հարցը վերաբերում է անցած անարդարությունները սրբագրելուն:

«Ներկայում պետք է կենտրոնանալ տարբեր պետությունների, այդ թվում, Թուրքիայի, դատարանների վրա, տեսնենք, թե ինչ կարելի է ձեռնարկել: Կան նախադեպեր, երբ հայերը թուրքական դատարաններում հայցեր են ներկայացրել և որոշ չափով իրենց իրավունքը վերականգնվել է: Կան նախադեպեր, երբ այլ ազգի ներկայացուցիչները, ովքեր որևէ պետության կողﬕց անարդար վերաբերմունքի են արժանացել, պետության դեմ գործ են հարուցել և դրական եզրակացության են հանգել»,-ասաց Կիրո Մանոյանը:

ՀԻԿ վարչության նախագահն էլ հավելեց, որ ակնկալում են աշխարհի հայ համայնքների բոլոր հատվածների հետ միասնաբար աշխատել՝ անդրադառնալու Թուրքիայի և այլոց պատասխանատվությանը Հայոց ցեղասպանության աշխարհաքաղաքական, տարածքային և մակրոտնտեսական հետևանքների համար, ինչպես նաև Արևմտյան Հայաստան հայրենիքի, ՀՀ և համապատասխան սփյուռքյան և այլ շահառուներին փոխհատուցելու համար:

Նա տեղեկացրեց, որ ՀԻԿ-ի գործադիր տնօրենը լինելու է Քեյթ Նահապետյանը, խմբային հայցերի մեծ փորձառությամբ փաստաբան, որը ավելի քան տասը տարի Վաշինգտոնում աշխատել է ամերիկահայերի պաշտպանության հարցերով: