Քննչական կոմիտեն անհեթեթություն է համարում Վարդևան Գրիգորյանի որդու մահվան վերաբերյալ հրապարակումը
Հայաստանի քննչական կոմիտեն անհեթեթություն է համարում Գյումրու ավագանու անդամի ընտրություններում առաջադրված ԲՀԿ-ական թեկնածու Վարդևան Գրիգորյանի որդու՝ 26-ամյա Արշակ Գրիգորյանի մահվան հանգամանքները աղավաղելու մասին հրապարակումը:
«Դա անհեթեթություն է, որը դրվում է շրջանառության մեջ և ավելի ուշ մենք հանդես կգանք համապատասխան հայտարարությամբ», -Panorama.am-ի թղթակցի հետ զրույցում ասաց Քննչական կոմիտեի ղեկավարի խորհրդական Սոնա Տռուզյանը:
Ավելի վաղ «Ժողովուրդ» օրաթեթրը գրել էր, որ իրենց հայտնի դարձած փաստերը վկայում են, որ Հայաստանի իրավապահները աղավաղված են ներկայացրել Գյումրիի ավագանու ընտրություններում ԲՀԿ-ի համամսնական ցուցակը գլխավորող Վարդան Գրիգորյանի որդու՝ 26-ամյա Արշակ Գրիգորյանի մահվան հանգամանքները։
«Բանն այն է, որ ՀՀ քննչական կոմիտեն պաշտոնապես տեղեկացրել էր, թե երիտասարդի դին գտել են Գրիգորյանների տան նկուղում, այնինչ՝ նրան գտել են ավտոտնակում։ Եվ քննչական կոմիտեում չէին կարող այս մասին տեղյակ չլինել։ Ավելին՝ դեպքի վայրի փոփոխությունը տեղի ունեցածի պատկերն ամբողջությամբ փոխում է։
Բանն այն է, որ ըստ Գրիգորյանների մերձավորների՝ տան նկուղի մուտքը տեսախցիկների տեսադաշտում է։ Իսկ ավտոտնակի, ըստ որում, հին ավտոտնակի, որը դեպքի վայրն է, ավելի հեռու է։ «Ժողովուրդ»-ին հայտնեցին, որ այն երկու մուտք ունի, որոնցից մեկը փողոցի կողմից է։ Այնպիսի տպավորություն է ստեղծվում, որ իրավապահները ի սկզբանե ծրագրել են, թե տեղի ունեցածը ինչպես պետք է ներկայացնեն, իսկ փաստերը չեն էլ հետաքրքրում»,-գրել էր թերթը:
Հարակից հրապարակումներ`
Լրահոս
Տեսանյութեր
«Ազատություն քաղբանտարկյալներին». ակցիա՝ Հայաստանում ԵՄ պատվիրակության գրասենյակի դիմաց