Գերմանիան Մոսուլի փախստականների համար կհատկացնի 34 մլն եվրո
Գերմանիան կարծում է, որ «Իսլամական պետության» ահաբեկիչներից Մոսուլը ազատագրելու հետևանքով ավելի շատ փախստականներ կձգտեն գնալ Իրաքի այլ շրջաններ ու Թուրքիա:
Այդ նպատակով Գերմանիայի կառավարությունը 34 մլն եվրո կհատկացնի տեղահանված անձանց կարիքները հոգալու համար: Այս մասին հայտնել է Գերմանիայի տնտեսական համագործակցության և զարգացման նախարար Գերդ Մյուլլերը, լուրը գրում է ՏԱՍՍ գործակալությունը:
ՄԱԿ-ի տվյալներով՝ Մոսուլի փախստականների թիվը կարող է հասնել 1 միլիոնի։ Թե արդյունքում նրանցից քանիսը կհայտնվի Գերմանիայում, Մյուլլերը չգիտի:
«Չեմ կարող ասել, սակայն դա դրամատիկ կլինի»,- գտնում է ԳԴՀ կառավարության անդամը:
Հարակից հրապարակումներ`
- Իրանի հոգևոր առաջնորդի խորհրդական. Ոչ մի երկիր իրավունք չունի մասնակցելու Մոսուլի ազատագրմանը
- ԻՊ-ը Մոսուլում ավելի քան 1000 բնակչի կենդանի վահան է դարձրել
- Իրաքի բանակը սկսել է Մոսուլ քաղաքի ազատագրման օպերացիան