Եթե Սիրիայում զինվորական կշիռը փոխվի, հայերը շատ լուրջ վտանգի առջև պիտի գտնվեն. Վիգեն Չըթրյան. «Արևելք»
Քաղաքական մեկնաբան Վիգեն Չըթրյանի կարծիքով ԴԱԻՇ-ը (ԻՊ) ամբողջովին դուրս չպիտի գա Իրաքից և տեղափոխվի Սիրիա, քանի որ «Իսլամական պետության» ինքնությունը, գոնե իր ողնաշարը, իրաքյան է:
Վերլուծաբանն «Արևելք»-ի հետ զրույցում հայտնել է. «Մուսուլի անկումից հետո, ԴԱԻՇ-ի ամենամեծ քաղաքը սիրիական Ռաքքան պիտի դառնա: Չգիտեմ, թե նրանք որքանով են պատրաստ Ռաքքայի համար մեծ ճակատամարտ մղելու կամ անապատային շրջանների մէջ հաստատվելու: ԴԱԻՇ-ին իր ամենամեծ քաղաքից՝ Մուսուլից, դուրս պիտի հանեն: Եկող շաբաթների ընթացքում, ռազմական գետնի վրա պիտի իրականանա այդ մեկը, այսինքն, եթե պատմականորեն նայենք, Մուսուլե մեջ եղածը ոչ բնական երևոյթ էր: Այս առաջին անգամն է, որ ջիհատական խումբը Միջին Արջելքում մեծ քաղաք է գրավում: 80-ականներից ի վեր առաջին անգամն է, որ այն պատահեց 2014-ին»:
Չըթրյանի խոսքով՝ ջիհատական խմբերը զարգացած են արաբական իսլամական մշակութային տարածքներից հեռու ծայրամասերում, ինչպես՝ Աֆղանիստան, Չեչնիա և այլն:
«Վերջին տարիներին նրանց՝ Միջին Արևելք գալով, պատմական տարածաշրջանները, ինչպես՝ Իրաքը, Սիրիան և Եմենը փլուզումներ ապրեցին: Այդտեղ, կետրոնական պետությունները քանդվեցին կամ արտաքին ճնշման ներքո, ինչպիսին էր Իրաքը, կամ ներքին ճնշման արդյունքով, ինչպիսին է Սիրիան, Եմեն և շատ ուրիշ երկրներ: Ամենից կարևորը, որ այս պայքարի հողի վրա եղած շարժումներ ոչ առանցքային, այլ շատ փոքր կշիռ ունեցող են, դարձել են տերն ու տիրակալը արաբական և իսլամական պետությունների կարևոր տարածքներում: Մուսուլը այս պարագային աննախըթաց դեպք էր: Կարծում եմ, որ գոնե այս երևոյթը պիտի սրբագրվի»,- ասել է վերլուծաբանը:
Ադրադառնալով սիրիահայերի վրա Միջին Արևելքի իրադարձությունների ազդեցությանը, ան նշել է, որ Սիրիայի պայքարը շատ սուր պայքար է:
«Այդ պատերազմի մեջ, սուրիահայությունը շատ դժվար կացության մեջ է, ոչ թէ, քանի որ պայմանները դժվար են, այլ այս պայքարը տեղ չի տալիս տեղի բնակչությանը, մասնավորապես հայերին, որպեսզի չեզոք դիրքորոշում ունենան:
Այսօր Սիրիայի մեջ չէզոք դիրքորոշում ունենալ հնարավոր չէ: Այս իրավիճակում շատ դժվար է հայութեան համար այնտեղ քաղաքական դիրքորոշում ընդունել: Հայերն ընկալվում են իբր պրո-ռեժիմյան համայնք և այնքան ժամանակ, քանի համակարգը կա, կայուն է, հաղթում է, հայերին հնարավորություն կտան գոյատևելու, բայց եթե այդ ռազմական և զինվորական կշիռը փոխվի, հայերը դարձյալ շատ լուրջ վտանգի առջև պիտի գտնվեն»,-նշել է «Արևելքի» զրուցակիցը:
Հարցազրույցն ամբողջությամբ սկզբնաղբյուր կայքում: