Երկքաղաքացիություն ունեցող ՀՀ քաղաքացիների թիվը հասնում է 96 հազարի
Այսօրվա դրությամբ ոստիկանության պահոցնեում 95 հազար 839 երկքաղաքացու վերաբերյալ տեղեկատվական տվյալ կա: Ազգային ժողովում հայտարարեց ոստիկանության պետի տեղակալ Վարդան Եղիազարյանը՝ պատասխանելով պատգամավոր Միքայել Մելքումյանի հարցին, թե քանի՞ երկքաղաքացի ունի Հայաստանը:
Նա նաև ասաց, որ օգոստոսին 20-ի դրությամբ այդ թիվը 94 հազար 50 էր, այսինքն 1,5 ամսվա ընթացքում երկքաղաքացիների թիվը մոտ 1500-ով ավելացել է: Միաժամանակ փոխոստիկանապետը նշեց, որ այդ դինամիկան մշտական չէ, սեզոնային երևույթն է:
«Այս տեմպերն ինձ մտահոգում են»,- արձագանքեց Մ.Մելքումյանը:
Պատգամավոր Գագիկ Ջհանգիրյանը մտահոգություն հայտնեց, որ Հայաստանը՝ որպես ինքնիշխան պետություն, լծակներ չունի կամ առայժմ չունի, որպեսզի հաշվառի Հայաստանի այն քաղաքացիներին, ովքեր ունեն այլ երկրի քաղաքացիություն:
«Պարոն Եղիազարյանն ասաց 95-96 հազար: Վստահ եմ, որ այդ թիվը մի քանի հարյուր հազար է, եթե ոչ ավելին: Այստեղ ազգային անվտանգության խնդիր կա: Կառավարությունը պետք է մտածի այս ուղղությամբ, որպեսզի մեր երկքաղաքացիության պահոցը, հաշվառումը լրացնենք: Դուք էլ լավ գիտեք, որ 95 հազարը դա փոքր թիվ է»,- ասաց Գ.Ջհանգիրյանը:
Փոխոստիկանապետը նշեց, որ հիմա դժվարանում է ասել, ինչ լծակներով, մեթոդներով է հնարավոր դա անել, բայց այդ ուղղությամբ կմտածեն:
Պատգամավոր Խոսրով Հարությունյանը հետաքրքրվեց, թե երկքաղաքացիություն շտեմարանն ինչպե՞ս է կազմում՝ հիմնվում եք միայն «Օվիռի» տեղեկատվության վրա, թե նաև երկրներից ստացող տեղեկատվություն էլ կա, արդյո՞ք այդ 95 հազար երկքաղաքացիներն արտագաղթել են, Հայաստանում չեն բնակվում, փոխոստիկանապետն ասաց, որ բազանների 98-99 տոկոսը կազմվում են «Օվիռի» տվյալներով, մնացածը ստանում են հյուպատոսարաններից, այլ օպերատիվ ծառայություններից: Նա նաև նշեց, որ 95 հազարի գերակշռող մասը՝ մոտ 70-80 տոկոսը, գտնվում են Հայաստանում, և իրենց սոցիալական կամ այլ խնդիրները լուծելիս են բարձրացնում երկրորդ քաղաքացիության հարցն ու ստանում:
Պատգամավոր Վահան Բաբայանի հարցին՝ կա՞ տեղեկատվություն, թե որ երկրներում են ամենից շատ բնակվում ՀՀ քաղաքացիները, ովքեր երկքաղաքացի են, փոխոստիկանապետն ասաց, որ Ռուսաստանի Դաշնությունում:
Հարցին, ունեն տվյալներ՝ եվրոպական ո՞ր երկրներ են հիմնականում գնում ՀՀ քաղաքացիները, ովքեր դուրս չեն գալիս Հայաստանի քաղաքացիությունից, բայց նաև տվյալ երկրի քաղաքացիություն չեն ստանում, այսինքն բնակվում են անվճար ճամբարներում, Վ. Եղիազարյանն ասաց, որ նման տեղեկատվություն ունեն միայն այն քաղաքացիների վերաբերյալ, ովքեր քրեածին արարքներ են կատարել, ունեն որևէ քրեական հետք ու զբաղվում են նրանցով:
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին