Ինչով է պայմանավորված փախստականների անբարո գործողությունները կանանց նկատմամբ. Bild
Գերմանիայում հերթական անգամ կանանց դեմ ուղղված հանցագործություններ են կատարվել փախստականների կողմից. բռնաբարել և սպանել են 19-ամյա Մարիա Լ.-ին, բռնաբարել են նաև 21 և 27-ամյա ուսանողուհիների:
Գերմանական Bild-ին հղում անելով Inopressa.ru-ն գրում է, որ Քյոլնում անցած տարի Սուրբ ծննդյան գիշերվա իրադարձություններից հետո նոր հանցագործությունները «աշխուժացրել են» քննարկումները բռնաբարությունների մասին, և թե դրանք ինչ կապ ունեն փախստականների ավանդույթների հետ:
«Գոյություն ունի մի քանի տարբերակ, թե ինչու են փախստական դեռահասները բռնարարներ դառնում»,-ասել է Շտուտգարտի Երեխաների և դեռահասների հոգեբուժական կլինիկայի գլխավոր բժիշկ և պրոֆեսոր Միխայել Գյունտերը:
Պրոֆեսորի խոսքով՝ «երիտասարդները գալիս են այն երկրներից, որտեղ կանանց ճնշում են, իսկ մեզ մոտ տեսնում են բաց հասարակություն, որը նրանց ուղղակի բորբոքում է: Նրանք իրենց կաղապարված լինելու պատճառով չեն կարողանում հաղթահարել դա և արդյունքում՝ վախերի, թերարժեքության ու անորոշության ֆոնի վրա նրանց մոտ իրենց տղամարդկությունն ապացուցելու անհրաժեշտություն է առաջանում:
Կանանց նկատմամբ այն վերաբերմունքը, որը չկա մեզ մոտ, նրանց ներշնշել են իրենց հայրենի երկրներում: Նրանց մոտ կնոջը չի կարելի կպնել մինչ ամուսնությունը: Այնտեղ մեծանում են ռեպրեսիվ սեռական բարոյականությամբ, որն արգելում է հիանալ կնոջ գրավչությամբ՝ մինչ ամուսնությունը: Իսկ այստեղ նրանք հանդիպում են ինքնավստահ կանանց, որոնք չեն փակում իրենց դեմքն ու չեն թաքնվում»:
Աղբյուրի փոխանցմամբ՝ իսլամի հետզոտող, պրոֆեսոր Բասսամ Տիբին ենթադրում է՝ «այն հանգամանքը, որ գերմանացի կանայք ամուսնացած չլինելով հաճախ հարաբերություններ են ունենում տղամարդկաց հետ, փախստականները նրանց մեջ «անբարոյականների» են տեսնում, որոնց կարելի է բռնաբարել»:
Տիբին կարծում է, որ միգրանտների կողմից կանանց բռնաբարելու հարցը հնարավոր չի լուծել և այն ապագայում էլ կշարունակվի:
Հարակից հրապարակումներ`
- Քյոլնում սեռական հանցագործության զոհը կատարվածից մանրամասներ է ներկայացրել
- Քյոլնում կանանց նկատմամբ անառակաբարո գործողություններ կատարելու գործով ձերբակալվել է երեք կասկածյալ
- Փախստականները մասսայականորեն անառակաբարո գործողություններ են կատարել կանանց նկատմամբ