Ձեր վստահելի աղբյուրը

Չինաստանի տարածքային հավակնությունների պատճառով այնտեղ պատերազմը միանգամային հավանական է: Այդ մասին «Die Presse»-ին տված հարցազրույցում հայտարարել է ճապոնացի քաղաքագետ, երկրի վարչապետի միջազգային անվտանգության հարցերով խորհրդական Յուիտի Հոսոյան, գրում է «Inopressa.ru»-ն:

Նա իր հարցազրույցում խոսել է Ասիայում պատերազմի վտանգի, Չինաստանի նկրտումների մասին և այն մասին, թե ինչպես Դոնալդ Թրամփը կարող է նպաստել տարածաշրջանում հետագա անկայունությանը:

«Արևելյան և հարավ-արևելյան Ասիան հակասական ժամանակներ է ապրում. տարածաշրջանը տնտեսության դինամիկայի տեսանկյունից առաջնորդող դեր է զբաղեցնում, բայց միաժամանակ՝ վտանգավոր: Չինաստանի տարածքային հավակնությունների պատճառով այնտեղ պատերազմը միանգամային հավանական է:

Պեկինը վաղուց ձգտում է, որ ԱՄՆ-ն հեռանա տարածաշրջանից, ինչը թույլ կտա իրեն ամրապնդել տարածաշրջանային հեգեմոնի կարգավիճակը, ինչպես ժամանակին ԽՍՀՄ-ն էր Արևելյան Եվրոպայում: Եթե ամերիկացիները հեռանան Ասիայից, Չինաստանը, անհրաժեշտության դեպքում, պատրաստ է ուժ գործադրել այդ ուղղությամբ», -ասել է փորձագետը:

Նա հիշեցրել է Չինաստանի նախագահ Սի Ցզինպինի բազմիցս արված հայտարարությունը, թե պատերազմը վտանգավոր է և նկատեց, որ Չինաստանի իշխանությունների ապարատում կան ուժեր, ովքեր ձգտում են պատերազմին:

«Մասամբ, խոսքը անձնական հետաքրքրությունների մասին է. շատ գեներալներ էներգետիկ ոլորտի ընկերչություններում բաժնետերեր են և ցանկանում են հարստանալ հարավ-չինական և արևելաչինական ծովի ռեսուրսներից: Սի Ցզինպինը պրագմատիկ է, նա չի ցանկանում պատերազմ, սակայն նրան անհրաժեշտ են ազգայնականներ, որոնք նրա իշխանության հիմքն են: Եվ ահա նա փորձում է պահպանել աջակողմյան ճակատի ու պրագմատիզմի միջև բալանսը», -ասել է ճապոնացի քաղաքագետը:

Մեկնաբանելով Թրամփի հայտարարությունները՝ Տրանսխաղաղօվկիանոսյան գործընկերությունից ԱՄՆ-ի դուրս գալու մասին, քաղաքագետ Յուիտի Հոսոյան ասել է, որ նման քայլը կվնասի հենց ԱՄՆ-ին և կամրապնդի Չինաստանի դիրքերը:

«ԱՄՆ-ն այդ քայլով կհեռանա տնտեսական առումով ամենադինամիկ տարածաշրջանից, իսկ Չինաստանը, հակառակը, կդառնա դոմինանտ տնտեսական ուժ և կամրապնդիր իր գեոպոլիտիկ դիրքերը», -նշել է ճապոնացի քաղաքագետը:

Այս համատեքստում հարազատ երկրին Հոսոյան չի անտեսել և ասել է, որ Ճապոնիան ԱՄՆ-ի վրա ճնշում պետք է գործադրի և թույլ չտա նրան հեռանալ տարածաշրջանից: «Պետք է իրականությանը նայենք բաց աչքերով. Վաղ, թե ուշ ամերիկացիները կհեռանան Ասիայից:

Նույնիսկ Հիլարի Քլինթոնի ընտրվելու պարագայում այդ մասին խոսք կլիներ: Թրամփը ուղղակի արագացրել է պրոցեսը: ԱՄՆ-ն այլևս չի կարող իրեն նման շքեղություն թույլ տալ ու պաշտպանել Հարավային Կորեային, Ճապոնիային, Ֆիլիպիններին:

Չինաստանը ունի ռազմական բազաներ Հարավ-Չինական ծովում, Խաղաղ օվկիանոսում ատոմային սուզանավեր են շրջում, և այսօր նա ընդունակ է հարձակում գործել ԱՄՆ տարածքի վրա: Եթե Պեկինը տարածաշրջանում դոմինանտ դիրքեր զբաղեցնի, ապա Ամերիկան կհայտնվի շղթայված վիճակում», -ասել է թերթի զրուցակիցը: