Սերգեյ Մինասյան. Ադրբեջանը փորձում է քարոզչական դաշտում վերականգնել իր համբավը
ԵԱՀԿ-ում Ադրբեջանի մշտական ներկայացուցչի՝ ԼՂ հակամարտության կարգավորման վերաբերյալ արված հայտարարությունը քաղաքագետ Սերգեյ Մինասյանը «Panorama.am»-ի թղթակցի հետ զրույցում կանխատեսելի որակեց;
Նշենք, որ ԵԱՀԿ-ում Ադրբեջանի մշտական ներկայացուցիչը տարածել էր հայտարարություն, որում՝ մեջբերելով է ՄԱԿ ԱԽ-ի 1993թ.-ին ընդունած հայտնի 4 բանաձևերը, հարցեր է բարձրացնում, որ եթե բանակցային գործընթացում առաջընթացի բացակայության պայմաններում, երբ անգամ չկա հայկական կողմի նկատմամբ ճնշումներ բանեցնող քայլեր «օկուպացված տարածքներից դուրս գալու վերաբերյալ» ապա անհասկանալի է պահանջել Ադրբեջանից ուժի չկիրառել: Հայտարարության մեջ նաև ասվում է, որ «տարածքների օկուպացմամբ Հայաստանը կոպտորեն խախտում է ուժի չկիրառման սկզբունքը և խոչընդոտում է ադրբեջանցի տեղահանված քաղաքացիների իրենց տները վերադառնալուն, ուստի եթե միջնորդ կողմերը չեն կարողանում հայկական կողմին ստիպել լքել օկուպացված տարածքները, ապա Ադրբեջանը լիովին իրավունք ունի բոլոր տեսակի միջոցներով պաշտպանել իր տարածքներն ու քաղաքացիներին»:
«Կարծում եմ այստեղ ոչ մի նորություն չկա և ինչ-որ չափով այդ հայտարարությունը երևի թե արվել էր որպես պատասխան ԵԱՀԿ ՄԽ համանախագահող երկրի ԱԳ նախարար Սերգեյ Լավրովի հայտարարությանը»,- նշեց Սերգեյ Մինասյանը և հավելեց, որ Ադրբեջանական կողմը փորձում է քարոզչական դաշտում վերականգնել իր համբավը:
Քաղաքագետը նաև համոզմունք հայտնեց, որ Ադրբեջանի նման պահվածքը նորություն չէ ԵԱՀԿ-ի մեր գործընկերների համար:
«Հասկանալի է, որ Ադրբեջանը փորձում է դրանով ոչ միայն քարոզչական դաշտ ստեղծվի շփման գծում իր կողմից լարվածության շարունակ պահպանման շուրջ, ինչու չէ, նաև ինչ-որ փաստարկներ կամ տեղեկատվական աջակցություն ստեղծի հերթական պրովոկացիաների առումով: Մյուս կողմից սա նաև ուղղված է թուլացնելու ԵԱՀԿ-ի գործոնը, որն այս պահին իրագործում և սատարում է բանակցային գործընթացը ՄԽ համանախագահների շրջանակներում, իսկ Ադրբեջանը տապալում է և՛ ամբողջ գործընթացը, և՛ դրա հետ կապված գործընթացները, մասնավորապես՝ շփման գծում մոնիտորինգային առաքելության ստեղծման փորձերը»,- ասաց Մինասյանը:
Ադրբեջանի կողմից քարոզչության առարկա դարձած ՄԱԿ ԱԽ 4 բանաձերի վերաբերյալ քաղաքագետը նշեց, որ մարդիկ որոնք ներգրավված են եղել այդ բանակցային և խաղաղության հաստատման գործընթացին, օրինակ՝ դեսպան Կազիմիրովը նշում է, որ, այո՛, Ադրբեջանը փորձում է հենվել այդ բանաձևերի վրա, շատ հաճախ մոռանալով, որ այդ բանաձևերի ընդունման հերթականությունը պայմանավորված է նրանով, որ հենց Ադրբեջանը չեր պատրաստվում և չէր իրագործում այդ բանաձևերը, որի պատճառով վերսկսվում էին ռազմական գործողությունները:
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում