Առողջություն 13:52 13/02/2017 Հայաստան

Հակառակ դեպքում, մեր քաղաքացիներն արտերկրում բժշկական օգնություն կփնտրեն. ռեկտոր

Հեղինակ` Հասմիկ Հակոբյան

ԵՊԲՀ ռեկտոր Արմեն Մուրադյանը, որը 2016 թվականի դեկտեմբերի 24-ին ընտրվեց  Երևանի պետական բժշկական համալսարանի  ռեկտոր, իսկ մինչ այդ ռեկտորի պաշտոնակատար էր, իր պաշտոնավարման 100 օրն ամփոփեց խորհրդանշական կերպով՝ ուսանողների հետ հրավիրված մեծ հանդիպման ընթացքում:  Panorama.am-ը զրուցել է ռեկտորի  հետ՝ պարզելու, թե ինչ խնդիրներ կան բուհում, և որոնք են ռեկտորի առաջիկա անելիքները։

- Պարոն Մուրադյան, բուհը Ձեզ համար նոր չէր, այնուամենայնիվ, անակնկա՞լ էր, թե սպասված այդ նշանակումը:

- Բժշկական համալսարանում աշխատանքն ինձ համար նոր չէ, աշխատում եմ արդեն շուրջ 15 տարի: Ինքս լինելով այս բուհի շրջանավարտ, հետագայում` կլինիկական օրդինատուրան, ասպիրանտուրան, դոկտորանտուրան, իմ գիտական աշխատանքները  կապված են այս բուհի հետ: 2001թ-ից արդեն դասավանդում եմ, իսկ 2003թ-ից մի քանի երիտասարդ բժիշկներով ստեղծեցինք ուրոլոգիայի ամբիոնը, ես ընտրվեցի որպես ամբիոնի ղեկավար և ղեկավարեցի այն մինչև 2011 թվականը, այնուհետև՝  2014թ.-ից եմ ղեկավարում այն:  Այնպես որ, ինձ համար բուհի հետ կապված աշխատանքները երբեք չեն եղել անակնկալ: Ինչ վերաբերում է վարչական աշխատանքին, իհարկե, այսօր բուհում կան լուրջ ձեռքբերումներ և, բնականաբար, խնդիրներ: Մեր աշխատանքները հիմնականում նախ ուղղված են լինելու մեր հաջողությունները և խնդիրները խմբագրելուն, և փորձելու ենք ծրագրային ուղղություններով դրանք լուծել:

Այսինքն՝ ընդհանուր մեր աշխատանքները, որոնք սկսվել են  նոյեմբերի առաջին օրերից՝  կապված են ծրագրի ստեղծման հետ: Ծրագիր, որը կոչված կլինի մոտակա տարիներին ապահովելու  բուհի զարգացումը, ինչպես նաև նպաստել միջազգայնացմանը:

- Ձեր պաշտոնավարման այս կարճ ժամանակահատվածում խոսվում է, որ ԵՊԲՀ-ում մի շարք փոփոխություններ են կատարվել, ի՞նչ փոփոխություններ են դրանք և արդյոք արդեն կարող ենք խոսել արդյունքներից:

- Կարծում եմ, որ փոփոխությունները պետք է բխեն հիմնականում ռազմավարական ծրագրից, որն այս պահին մշակման փուլում է: Դրա համար պետք է լինի թիմ, որը վերոնշյալ ծրագիրը ոչ միայն կյանքի կոչի, այլ նաև դրա իրականացնողը լինի: Այդ պատճառով նոր թիմի ձևավորման խնդիր առաջացավ և ներգրավվեցին այն մարդիկ, որոնք  գաղափարներով իրար մոտիկ են, իրար բացարձակ վստահում են և ունեն տեսլական՝  ինչպիսին պետք է լինի տարիներ հետո այս բուհը: Այդ թիմում ներգրավված են ոչ միայն փորձառու դասախոսներ, այլև ուսանողներ, շրջանավարտներ,  որոնք  նոր գաղափարների կրողներն են, երիտասարդ բժիշկներ, որոնք բժշկական ոլորտում սկսում են իրենց աշխատանքը և տեսնում են ոլորտի այն բոլոր խնդիրները, որոնք կարող էին չլինել, եթե միջազգայնացման հարցն օր առաջ լուծած լինեինք:

Հաշվի առեք, որ կոմունիկացիաներն այնպիսի զարգացում են ապրում, որ բժշկական յուրաքանչյուր նորամուծություն, այդ ոլորտում ապացուցված և կյանքի կոչված  ցանկացած ձեռքբերում, հասանելի է բոլորին, առավելապես, մեր երիտասարդ բժիշկներին: Հիմա թիմը ձևավորվում է և ծրագրի մշակումն արդեն եզրափակիչ փուլում է: Հուսով եմ, որ շուտով մենք այն կներկայացնենք հանրությանը: Ծրագրի կարմիր թելը կամ  դրա ամբողջ մեխը միջազգայնացումն է: 

- Ձեր գնահատմամբ` այսօր ի՞նչ հիմքերի վրա է կրթության որակը բժշկական համալսարանում:

- Շուրջ 100 տարի այս բուհը կա և այն հիմնական բժշկական անվտանգության ապահովողն է եղել: Բժշկական կրթությունը, որը ապահովել է մեր բուհը, թույլ է տվել ոչ միայն Հայաստանում, այլ նաև այլ երկրներում ապահովել մարդկանց կյանքի որակը, տևողությունը, առողջությունը: Երկար  ճանապարհ է անցել համալսարանը, մեծ փորձ ունի: Հաշվի առնենք, որ համալսարանում այս պահին ամեն չորրորդ ուսանողը ժամանել է արտերկրից, այս համալսարանն է, որ թույլ է տվել անցնել բոլոր պատմական փորձություններով և ապահովել բժշկական անվտանգությունը՝ Մեծ հայրենական պատերազմի տարիներին, 1988-ի երկրաշարժի ժամանակ, անկախության տարիներին, արցախյան պատերազմի տարիներին:

Այսօր բժշկական ճակատը ապահովվում են բժշկական համալսարանի շրջանավարտները: Ես բարձր եմ գնահատում մեր բժշկական համալսարանի շրջանավարտների պատրաստվածությունն ու մակարդակը: Բայց շեշտում եմ, որ ամբողջ աշխարհն այսօր  սրընթաց զարգացում է ապրում, հատկապես, բժշկական ոլորտում և մենք իրավունք չունենք բաց սահմանների, կոմունիկացիաների պարագայում, այդ զարգացումներից դուրս մնալ: Հակառակ դեպքում, մենք կունենանք մի իրավիճակ, երբ տեղեկատվական դաշտով հագեցած շրջանում մեր քաղաքացիները պարզապես արտերկրում բժշկական օգնություն կփնտրեն:

- Արտերկրի ուսանողներին հատկապես որ մասնագիտություններն են հետաքրքրում, գրավում: Եւ արդյոք տարեցտարի ավելանո՞ւմ է նրանց թիվը:

- Այս պահին ունենք շուրջ 1600 ուսանող արտերկրից  և կլինիկական օրդիանատորներ, որոնք ևս շարունակում են իրենց ուսումը ռեզիդենտուրայում: Մեր առջև նպատակ ենք դրել մոտակա երեք տարիների ընթացքում այդ թիվը հասցնել 3000-ի: Սա նաև կխթանի, կնպաստի մեր երկրի տնտեսության զարգացմանը: Հաշվի առնենք, որ բժշկական կրթության արտահանումը, բժշկական տուրիզմի ճյուղերից է: Մենք ունենալով այդպիսի հնարավորություն, չենք կարող չօգտագործել այս արտադրությունը և այդ արտադրանքը չտալ: Համոզված եմ, որ արտերկրի ուսանողների թիվն ավելացնելով մենք ոչ միայն խթանելու ենք բժշկագիտության զարգացումը, տնտեսության զարգացումն, այլ նաև մեր երկրի մշակույթը, քանի որ այդ ուսանողներն այստեղ անցկացնում են 6 տարի, լեզու են սովորում, ծանոթանում են մեր ավանդույթներին, հայկական ընտանեկան արժեքներին: Բոլոր ուղղություններով այս գործընթացը միայն դրական կարելի է գնահատել մեր երկրի համար: Բժշկության զարգացումն առհասարակ ամբողջ աշխարհում բերել է կոշտ մրցակցության բժշկական կրթություն մատուցողների կողմից: Տարբեր երկրներ իրենց ճանաչված համալսարաններով այդ մրցակցության մեջ այսօր բավականին հստակ դիրքորոշում ունեն՝  նոր ծրագրեր, նոր վերապատրաստված դասախոսական անձնակազմ և այլն: Այսինքն՝ առաջարկում են ավելի գրավիչ պայմաններ նրանց համար, որոնք ուզում են բժշկական կրթություն ստանալ:

- Կարծո՞ւմ եք՝ ծրագրի իրականացումը կնպաստի ուսանողների թվի ավելացմանը, բուհի վարկանիշի բարձրացմանը, երիտասարդ կադրերի ներգրավմանն ուսումնական պրոցեսում:

- Այս բոլոր հարցերը շաղկապակցված են: Եթե երիտասարդացում չլինի բուհում, ապա սերնդափոխություն չի կարող լինել: Երիտասարդացումը ոչ միայն սերնդափոխության, այլև գաղափարախոսության խնդիրն է լուծում: Այսօր հաղորդակցությունների, տեխնոլոգիաների զարգացման  պարագայում՝ երիտասարդ սերունդն առանցքային դերակատարում ունի բժշկագիտության զարգացման մեջ: Այստեղ մեծ սկզբունքային տարբերություն կա, անգամ 20 տարվա և դարերով եկած բժշկության և այսօրվա մեր իրականության: Երիտասարդ սերունդը առանցքային դերակատարում ունի բժշկության զարգացման գործում: Երիտասարդ կարդրերի ներգրավումը ծրագրում ունի իր ուրույն տեղը և կազմում է  ծրագրի առանցքը: Միջազգայանացումը նշանակում է ոչ միայն միջազգային բարձր վարկանիշ, այլև միջազգային առողջապահական, բժշկագիտության  ծրագրերին, գիտելիքներին ծանոթանալու հնարավորություն: Դա չի նշանակում, որ մենք շրջանավարտներ ենք պատրաստում միայն արտերկրում աշխատելու համար: Քննարկվում է այն հարցը, որ միջազգայնացումը կարող է նրան բերել, որ մեր շրջանավարտները ընտրեն մեր երկրից դուրս աշխատանքը: Միանշանակ կարող եմ ասել, որ մեր երկիրը առաջնահերթ պետք է օգտվի այդ շրջանավարտների գիտելիքներից և ձեռք բերած ունակություններից, նրանց հմտություններից: Առողջապահական մասնագիտական շուկան կփոխվի այն պահից, երբ մեր շրջանավարտները կունենան  միջազգայնացման գործընթաց: Այսինքն՝ նրանք կարող են աշխատանք ստանալ ինչպես Հայաստանում, այնպես էլ արտերկրում և իհարկե կփոխվի վերաբերմունքը բժշկի աշխատանքի վերաբերյալ: Շուկան, համապատասխանաբար,պետք է ձևավորվի նրա կրթական գիտելիքներից, ցենզից ելնելով և ոչ թե հակառակը:

Մենք փորձում ենք այսօր այնպիսի կրթություն ապահովել, որպեսզի մեր շրջանավարտը, մեր բժիշկը հնարավորություն ունենա աշխատանք գտնելու յուրաքանչյուր բարձր տեխնոլոգիաներով հագեցած կլինիկայում, բարձր ենթակառուցվածքներ ունեցող հարթակներում և սա կխթանի նաև Հայաստանի բժշկական շուկայի զարգացմանը:

Կադրային փոփոխությունների մասով նաև նշեմ, որ այդ փոփոխությունները կատարվում են երկու հիմնական սկզբունքով: Առաջինը՝  գաղափարների և ծրագրերի համախոհների համաստեղությունն է, երկրորդը՝   բացարձակ վստահությունն է՝ ազնվության, նվիրվածության, աշխատասիրության հետ կապված: Համալսարանում կա լրջագույն, ինտելեկտուալ ներուժ՝ պրոֆեսորադասախոսական կազմը, լուրջ հեռանկարներ ունեցող ուսանողներ: Եթե մենք չենք կարող այդ երկու ուղղությունները համադրել և հատման կետում գտնել համալսարանի հեռանկարները, դա կնշանակի, որ մենք լավ չենք ձևավորել մեր ծրագրերը: Ուսանողների  մի մասն այսօր չի թաքցնում, որ գերմաներեն, անգլերեն են սովորում, իրենց հետագա գործունեությունը Հայաստանից դուրս են տեսնում: Մենք չենք փորձում նրանց արգելել: Հակառակը, մենք ասում ենք՝ այստեղ ստացեք այնպիսի կրթություն, որ հպարտությամբ դրա մասին բարձրաձայնեք: Միշտ ուսանողներին ասում եմ, որ եթե ձեր ծնողը դժվարությամբ կարողանում է Ձեզ բժշկական կրթություն ստանալու հնարավորություն տալ, ապա միջնորդությամբ միայն գնահատական ստանալու ձգտումն անընդունելի է: Պետք է գիտակցել, որ կարևորը կրթությունն է: Մենք այսօր գնում ենք այն ճանապարհով, որ փորձում ենք բուհի միջազգային  վարկանիշը բարձրացնել, կրթական մակարդակը բարձրացնել, դրա համար պետք է սովորել:  Ուստի բժշկական կրթությունում միջնորդություններով սովորելը անընդունելի է: Նույն է, որ հիվանդանոցում միջնորդեն, որ իրենց անգրագետ բարեկամը գա բուժօգնություն տրամադրի: Երբեք այդպիսի բան չեն անի, նրանք կուզենան լավագույն բժիշկն իրենց հարազատին վիրահատի:

- Պարոն Մուրադյան, ինչ եք Ձեր առջև անձամբ դրել, ինչ նպատակ ունենք:

- Անձնավորված չէի ցանկանա խոսել, ես կուզեի խոսել համալսարանի ամբիցիաների մասին: Յուրաքանչյուր ստեղծագործություն ցանակացած ոլորտում  կյանքի է կոչվում ամբիցիաներից ելնելով: Առանց այդ ամբիցիաների չի կարող գոյատևել բժշկությունը, գիտությունը և շատ կուզեի, որ մեր ամբիցիաները՝ մեր շրջանավարտների, վարչական կազմի, դասախոսական անձնակազմի՝ մի ուղղվածության լինի՝ ճանաչում բերել հայկական բժշկական մտքին աշխարհում, բժշկական կրթության միջազգայնացմանը,  և թույլ տա բժշկական կրթության միջազգային ճանաչումը էլ ավելի մեծ թափ ստանա: Սա կարծում եմ՝ ամենամեծ նպատակը կլինի այն, եթե մեր շրջանավարտները, որոնք  այսօր աշխատում են Կալիֆոռնիայում, Ավստրալիայում, Կանադայում՝ հպարտությամբ ասեն, որ իրենք Երևանի պետական բժշկական համալսարանի շրջանավարտներ են:

- Նախարարի պաշտոնը թողնելուց հետո անմիջապես գնացիք վիրահատարան: Հիմա շարունակո՞ւմ եք վիրահատություններ անել:

- Չեմ թաքցնում, որ առավոտյան նախքան աշխատանքի գալը և օրվա երկրորդ կեսը ես լինում են կլինիկաներում: Ես չեմ կարող դրանից կտրվել, դա ինձ օդի պես անհրաժեշտ է: Մեծ գիտակցում և պատասխանատվություն է պահանջում հասկանալ, որ միայն վիրահատարանում լինելով չես կարող հիվանդի առողջությունը վերականգնել: Եվ եթե չես կարողանալու հիվանդի հետ քո ամբողջ աշխատանքային օրը և անհրաժեշտ պահին իր կողքը լինել, վիրահատություն իրականացնելն ինքնանպատակ չէ: Այդ իսկ առումով, ես հիմա ավելի քիչ եմ վիրահատում, քան կուզենայի: Սակայն չեմ կարող կտրվել ոչ հիվանդանոցներից, ոչ հիվանդներից, որոնք  մինչ օրս ինձ դիմում են: Հուսով եմ, որ դեռ երկար կկարողանամ սպիտակ խալաթով ծառայել այն կոչմանը, որն ինքս ընտրել եմ ժամանակին:



Աղբյուր` Panorama.am
Share |
Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

19:03
Չինաստանում պաշտոնյան դատապարտվել է մահվան՝ պետական գումարները գողանալու և կաշառք վերցնելու համար
Դատավճռի կատարումը հետաձգվել է երկու տարով, բայց չի կարող մեղմացվել:
Աղբյուր` Panorama.am
19:00
Մայիսի 29-ի հոսանքազրկումների մասին
«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 29-ին` պլանային և վերանորոգման աշխատանքներ...
Աղբյուր` Panorama.am
18:51
Իրինա Շեյքը և այլ մոդելները՝ Կաննի amfAR-ի բարեգործական երեկույթին
Կաննի կինոփառատոնի ամենանշանակալից միջոցառումներից մեկը՝ amfAR-ի գալաերեկույթն է:  Ավանդական դարձած բարեգործական երեկոյին նախապես են...
Աղբյուր` Panorama.am
18:46
Հայաստանում աճում է օճառի արտադրությունը
Հայաստանում  օճառի արտադրության ծավալն այս տարվա առաջին եռամսյակում աճել է 44.2 տոկոսով և կազմել 67.5 տոննա: ՀՀ Ազգային վիճակագրական...
Աղբյուր` Panorama.am
18:37
Չինաստանում տան փլուզման հետևանքով 6 մարդ է զոհվել
Չինաստանի Շանդուն նահանգում կառուցվող տան փլուզման հետևանքով վեց մարդ է զոհվել, ևս 4-ը՝ վիրավորվել, գրում է «Գազետա.ռու»-ն։...
Աղբյուր` Panorama.am
18:29
Ջերմաստիճանը կբարձրանա 2-3 աստիճանով
Առաջիկա 5 օրվա եղանակի կանխատեսում
Աղբյուր` Panorama.am
18:20
Պաշտպանության նախարարը ներկայացրել է ռազմական ոստիկանության նորանշանակ պետին
Այսօր ՀՀ ՊՆ ռազմական ոստիկանության վարչությունում կայացած խորհրդակցության ընթացքում պաշտպանության նախարար Վիգեն Սարգսյանը ռազմական ոստիկանության...
Աղբյուր` Panorama.am
18:16
Իտալիայում ձերբակալել են G7 գագաթաժողովին ընդդիմացող շուրջ 50 ակտիվիստի
Շուրջ 50 ակտիվիստներ, ովքեր ծրագրել էին շաբաթ օրը մասնակցել «No G7» կարգախոսի ներքո անցկացվելիք ցույցին, Կալաբրիա նահանգում...
Աղբյուր` Panorama.am
18:08
Իրաքի իշխանությունները Մոսուլում արգելել են կանանց նիկաբ կրել
...անվտանգության նկատառումներով
Աղբյուր` Panorama.am
17:45
Սպանություն նախապատրաստելու գործով 3 անձի մեղադրանք է առաջադրվել
Եվս մեկի նկատմամբ հայտարարվել է հետախուզում։
Աղբյուր` Panorama.am
17:34
British Airways –ը չեղարկել է Հիտրո և Գատվիկ օդանավակայաններից բոլոր թռիչքները
Աշխարհի այլ քաղաքներում ևս հետաձգված են ընկերության չվերթները:
Աղբյուր` Panorama.am
17:27
Պուտինը Սիրիայի հարցն այսօր քննարկել է նաև Էրդողանի հետ
Երկու երկրների ղեկավարները քննարկել են Սիրիայում ապասրացման գոտու ստեղծման վերաբերյալ հուշագրի ստորագրման արագացմանն ուղղված միջոցառումները:
Աղբյուր` Panorama.am
17:16
Չենք ունենա 5 միլիոն տուրիստ, եթե Խոր Վիրապը լինի աղբի մեջ թաղված. Լոքյան
«Ստեղծված է մի իրավիճակ, որ կարծես մարդիկ ինքնաբուխ ուզում են ազատվել այս պրոբլեմից, որ տարիներով ունեցել ենք: Ինձ ամենաշատը սա է...
Աղբյուր` Panorama.am
17:05
2-3-օրվա քննարկումները կարող են հավասար լինել մեկ տարվա ձեր հետազոտությունների իրականացմանը. Վարչապետ
Վարչապետը ներկա է գտնվել «Level Up» միջազգային ուսանողական գիտաժողովին։
Աղբյուր` Panorama.am
16:58
Երբ Արցախում խաղաղություն հաստատվի, ԵՄ-ն պատրաստ կլինի զգալի գումարներով աջակցել. ԵՄ դեսպան
«Մենք ՀՀ կառավարությանն ամեն տարի 30 միլիոն եվրո ենք փոխանցում և ցանկանում ենք, որպեսզի այդ գումարները մասնավոր գրպաններում չհայտնվեն»
Աղբյուր` Panorama.am
16:44
Երևանի քաղաքապետարանը ապամոնտաժել է ԼԳԲՏ թեմայով պաստառները
«Երևանի քաղաքապետարանը դրանց տեղադրման համար թույլտվություն չի տրամադրել»:
Աղբյուր` Panorama.am
16:36
Հակակոռուպցիոն մարմնի ստեղծումը դրական առաջընթաց է. Պյոտր Սվիտալսկի
Այսօր՝ մայիսի 27-ին, Երևանի Հյուսիսային պողոտայում տեղի ունեցավ Եվրոպայի օրվան նվիրված տեղեկատվական ցուցահանդեսի բացումը, որին մասնակցում էին...
Աղբյուր` Panorama.am
16:25
Արամ Առաջինն իր ցավակցությունն ու զորակցությունն է հայտնել Ղպտի ուղղափառ եկեղեցու պատրիարքին
«Խստորեն դատապարտում ենք ահաբեկչությունը, որը դարձել է մեր օրերի մեծագույն չարիքը»:
Աղբյուր` Panorama.am
16:19
Եգիպտոսի ահաբեկչությունը ևս ԻՊ-ն է իրականացրել
«Իսլամական պետություն» ահաբեկչական խմբավորումը Եգիպտոսում քրիստոնյաների վրա զինված հարձակման պատասխանատվությունն իր վրա է վերցրել,...
Աղբյուր` Panorama.am
16:09
Հուլիսի 12-­ից Երևանից կանոնավոր չվերթներ կիրականացնի դեպի Բարսելոնա
«Արմենիա» ավիաընկերությունը հուլիսի 12-ից կանոնավոր չվերթներ կիրականացնի դեպի Բարսելոնա,- այս մասին իր ֆեյսբուքյան էջում հայտնել է...
Աղբյուր` Panorama.am
16:00
Մասնագետ. Սկլերոզի հիմնական դրսևորումներն ամենևին էլ հիշողության հետ կապված չեն
«Առայժմ մեր ունեցածք գիտելիքները բավարար չեն հասկանալու՝ որտեղ է խնդիրը այս հիվանդներ մոտ, որպեսզի կարողանանք ավելի նուրբ ու տեղային միջամտել»:
Աղբյուր` Panorama.am
15:48
Իրանի և Ռուսաստանի նախագահները քննարկել են Սիրիայի հարցը
Իրանի և Ռուսաստանի նախագահների միջև կայացած հեռախոսազրույցի ընթացքում քննարկվել է Սիրիայի հարցը,-հաղորդում է ԻԻՀ նախագահի պաշտոնական կայքը։...
Աղբյուր` Panorama.am
15:30
Ահաբեկչություն Աֆղանստանում. Զոհերի թվում երեխաներ կան
Պայթյունի հետևանքով 18 մարդ է զոհվել: Նրանցից երկուսը երեխաներ են:
Աղբյուր` Panorama.am
15:20
Միգուցե ՖԻԲԱ-ն մեր մարզիչներին ավելի մեղմ վերաբերվի, որպես նոր զարգացող երկիր. Հարությունյան
Մայիսի 23-ին Օլիմպավանում ՀԱՕԿ-ի նախաձեռնությամբ մեկնարկել է բասկետբոլի մարզչական միջազգային սեմինար: Հայ մարզիչներին վերապատրաստում է ՖԻԲԱ-ի...
Աղբյուր` Panorama.am
15:08
Էդգար Ստեփանյանը Մոսկվայում մասնակցում է միջազգային մրցաշարի
Հեծանվավազքի Հայաստանի հավաքականի առաջատար Էդգար Ստեփանյանը Մոսկվայում մասնակցում է Ալեքսանդր Լեսնիկովի հուշամրցաշարին: Երեկ Ստեփանյանը...
Աղբյուր` Panorama.am
14:53
Ժամանակակից ոռոգման ցանցի կառուցումը նոր որակ կհաղորդի պարենային անվտանգության բարձր մակարդակի ապահովմանը. Բ. Սահակյան
«Արցախի Հանրապետության պետականաշինության գերխնդիրներից է անվտանգության կենսունակ համակարգի ձևավորումը և պահպանումը»,- այս մասին նշել...
Աղբյուր` Panorama.am
14:46
ԵՄ-ն Թուրքիային նոր 12-ամսյա ժամանակացույց է տրամադրել
«Այդ աշխատանքների վերաբերյալ 12-ամսյա ժամանակացույց ստացանք, որի հիման վրա մեր արտաքին գործերի նախարարը ԵՄ-ում մեր դեսպանատները լայնածավալ աշխատանք կծավալեն»:
Աղբյուր` Panorama.am
14:37
Թողարկվել է նամականիշ՝ «Ավրորա» մրցանակի դափնեկիր Մարգարիտ Բարանկիցեին
Նախօրեին մարվել և շրջանառության մեջ է դրվել «Ավրորա» մարդասիրական նախաձեռնություն. «Ավրորա» մրցանակի դափնեկիրներ....
Աղբյուր` Panorama.am

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}