Պիպոյանը ենթադրում է, որ նվազել է գազի կալորիականությունը
Գազի և էլեկտրաէներգիայի սակագների վերանայումից հետ հասարակությունն ակամայից սպասում էր, թե հրաշքներ են տեղի ունենալու, ինչն իրականում չեղավ,-այսօր լրագրողների հետ հանդիպմանը նման կարծիք հայտնեց «Իրազեկ և պաշտպանված սպառող» ՀԿ նախագահ Բաբկեն Պիպոյանն՝ անդրադառնալով հունվար ամսվա կոմունալ վճարումներին։
«Գազի սակագնի փոփոխությունը տեսնելու էինք հունվար ամսվա վճարի ժամանակ։ Ցավոք սրտի սպառողների ավելի քա 90 տոկոսի մոտ հունվար ամսվա գումարն ավելի շատ կազմեց, քան դեկտեմբերին։ Մեր երկրում տարբեր փորձագետների կողմից տարբեր ժամանակահատվածներում գազի հետ կապված միշտ եղել է հետևյալ թեզը, որ իրականում գազի սակագին ասվածը որոշակի իմաստով միֆ է։ Գազի սակագինը պետությունն է որոշում, և երբևէ դրա փոփոխությունը տեսանելի չի լինի սպառողի կողմից, եթե պետությունը չցանկանա։ Սա մեկնաբանվում է նրանով, որ ընդամենը կարող է փոխվել գազի կալորիականությունը և օրինակ, եթե սուրճը եփելու էինք 10 րոպեի ընթացքում, եփենք 12 րոպեում, և ստացվի որ սակագնի 5 տոկոս նվազեցման դեպում 10 տոկոսով ավելանա համապատասխան սպառման ծավալը»,-մանրամասնեց նա։
Պիպոյանի խոսքով՝ սա այն քիչ դեպքերից է, որտեղ հանրային վերահսկողություն կատարելը դժվար է, քանի որ պետք է համապատասխան հանձնաժողովներ ձևավորվեն, ուղղորդում, իսկ ամենամեծ խնդիրն այն է, որ գործադիր իշխանության տիրույթում հասարակական դժգոհությունների հետևից գնացող չկա։
«Մեր որոշ քաղաքացիների մոտ ձևավորվել է կարծիք և դա ամենևին պատահական չէ, որ իրենք դեկտեմբեր ամսվա համար վճարել են ավելի գումար, քանի որ խոսել են իրենց գազի տեսուչի հետ, ով ասել է՝ «գիտեք, հունվարի 1, 2-ին մեզ մոտ եղել է ոչ աշխատանքային օր, մենք ձեզ մոտ ֆիքսել ենք գազի սպառումը հունվարի 3-ով, այսինքն դուք դեկտեմբերին մի փոքր ավելի եք վճարել, հետևաբար հունվարի կվճարեք մի փոքր պակաս»։ Այն ժամանակ մարդիկ չէին ահազանգում, սկսեցին ահազանգել, երբ որ հունվարի վճարումը պակասի փոխարեն մի բան էլ ավելի գումար կազմեց։ Սրանից հետո մենք կապ հաստատեցինք և ճշտեցինք, որ իրականում Գազպրոմում ինստիտուցիոնալ մակարդակում այդ հարցը լուծված է եղել, այսինքն տեսուչներն ամսի 1-ով ստացել են աշխատավարձ, որպեսզի ամսի 1-ով կարողանան գնալ, հաշվառում, իրականացնել։ Սակայն խնդիրը համատարած չի եղել, այն առաջացրել են որոշ տեսուչներ՝ ներտեղային մակարդակով»,- ասաց Պիպոյանը՝ սպառողներին հորդորելով լինել ակտիվ, նախաձեռնող ու հնարավոր բոլոր օղակներով իրազեկել, եթե նման խնդրի են բախվել։
«Կարող եմ հայտարարել, որ կիրակակացվի վերահաշվարկ և համապատասխան տեսուչները կկրեն պատիժներ, եթե առանձին օղակներում թույլ են տվել նման չարաշահումներ։ Սակայն իրականում գլոբալ խնդիրը կապված է երկու հնարավոր պատճառներից՝ կամ եղանակային, կամ ունեցել ենք գազի կալորիականության հետ կապված որոշակի խնդիրներ։ Համապատասխան իրազեկման աշխատանքներ հանրության հետ չի կատարվել, որպեսզի սխալ ակնկալիքներ չձևավորվեն և չբողոքենք այն բանից, որի համար բողոքելու կարիքը չկա։ Ես սպասում եմ այն տեղեկատվությանը, թե դեկտեմբերի միջին ջերմաստիճանը օրական կտրվածքով որքանով է եղել ավելի տաք հունվարից, քանի որ եթե պարզվի, որ էական ջերմային տարբերություն չունենք, ապա այստեղ արդեն խիստ մտահոգության առիթներ կունենաք։ Կստացվի, մենք փաստացի հունվարին սպառել ենք ավելի շատ, քան դեկտեմբերին, այն դեպքում, երբ եղանակային էական փոփոխություն չի եղել, դրա հետ մեկտեղ էլ ամանորյա պատրաստությունները ավելի շատ դեկտեմբերին են եղել, քան հունվարին»,-նշեց «Իրազեկ և պաշտպանված սպառող» ՀԿ նախագահը։
Նա գտնում է, որ այս իրավիճակի մեկնաբանություն հետևից առաջին պետք է գնա գործադիրը։
Պիպոյանն ընդգծեց, որ նույն պատկերն է նաև էլեկտրաէներգիայի բնագավառում, այսինքն կա սակագնի նվազեցում, սակայն սպառման ծավալների հետ ավելացման, ինչպես նաև հաշվիչների ու ժամերի փոփոխության հետ կապված խնդիր ևս կա։
«Շատ դեպքերում կոմունալ վճարումները մեկ ու կեսից երկու անգամ գերազանցում են նվազագույն աշխատավարձը։ Ուղղակիորեն պետք է գործադիրի կողմից մշակվի համապատասխան գործողությունների և քայլերի հաջորդականություն, որպեսզի տարվա այս չորս-հինգ ամիսը, որտեղ կոմունալ վճարումները էականորեն գերազանցում են մնացած ամիսներին, հնարավորություն ունենան այս գումարներից ինչ-որ հատված բաշխել հաջորդ ամիսների վրա և թեթևացնեն սպառողների սոցիալական բեռը»,-ավելացրեց նա։
Հարակից հրապարակումներ`
- Փետրվարի 1-ից սպառողների համար էլեկտրաէներգիայի սակագինը կլինի 44.98 դրամ
- Գազի սակագնի նվացեզումը հետագայում սպառողի վրա չի ծանրանա. «Գազպրոմ Արմենիա» ընկերության տնօրեն
- Սպառողներին վաճառվող բնական գազի միջին սակագինը կնվազի 19,4 դոլարով
- Սահմանվեցին գազի նոր սակագներ
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ