Ձեր վստահելի աղբյուրը

«Մեծ վերապահումներիով էինք վերաբերում դաշինք կազմելուն, սակայն գնացինք այդ քայլին՝  հետագայում մեկ կուսակցոթյույն դառնալու նպատակով»,-այսօր լրագրողների հետ հանդիպմանն ասաց «Քաղացիական պայմանագիր»  կուսակցության վարչության անդամ , «Ելք» դաշինքի ընտրական ցուցակում առաջադրված Ալեն Սիմոնյանը:

Նրա տեղեկացրեց, որ «Ելք»-ին են միացել նաև Երևանի ավագանու ընտրություններին մասնակցելու ամրագրումով:

«Մեզ մոտ ներկայումս բնականոն, նախընտրական իրավիճակին համահունչ աշխատանքային պրոցես է: Աշխատում ենք այնպես անել, որ անպայման բոլոր ընտրատեղամասերում վստահված անձինք ունենանք»,- ասաց Սիմոյանը:

Ինչ վերաբերում է Զարուհի Փոստանջյանի հետ համագործակցությանը՝ նա նշեց. «Ես իմ ֆեյսբուքյան էջում գրառում եմ արել, որ կցանկանայի համագործակցել նրա հետ, այդ գրառումն իմ անունից է, ոչ «Քաղաքացիական պայմանագիր» կուսակցության: Նրա հետ շատ ու շատ հարցերում նման մոտեցումներ ունենք: Վստահ եմ, որ մի օր նրա հետ քաղաքական մի տանիքի տակ ենք հայտնվելու: Ցավում եմ, որ նա չի մասնակցում ընտրություններին»:

Հիշեցնենք, որ «ԵԼՔ» դաշինքը ստեղծել են «Լուսավոր Հայաստան» (կուսակցության նախագահ Էդմոն Մարուքյան), «Հանրապետություն» (քաղխորհրդի նախագահ Արամ Զավենի Սարգսյան) և «Քաղաքացիական պայմանագիր» (վարչության անդամ, ԱԺ պատգամավոր Նիկոլ Փաշինյանը) կուսակցությունները:

Ալեն Սիմոյանը հավելեց նաև, որ քաղաքացիների մոտ անհասկանալի իրավիճակ է ստեղծվել քվեարկելու գործընթացի, այդ քվեարկության արդյուքները հաշվարկվելու հետ կապված և կոչ արեց լրագրողներին, որքան հնարավոր է շատ ու մատչելի լուսաբանեն այդ գործընթացը: