Հերմինե Նաղդալյանը «գովում է» Նաիրա Զոհրաբյանին
Այսօր Ազգային ժողովում «Բարգավաճ Հայաստան» խմբակցության ղեկավար Նաիրա Զոհրաբյանն անդրադարձավ «Ծառուկյան» դաշինքի նախընտրական 15 դրույթներից կուտակային համակարգի վերաբերյալ խմբակցության քվեարկությանը՝ հիշեցնելով, որ իրենք խմբակցությունը կողմ են եղել կամավոր սկզբունքին:
«Ես ուզում եմ բոլոր կարգի դիլետանտներին հիշեցնել՝ 2010 թ-ի քվեարկության եզրափակիչ դրույթում նշված է եղել, որ խոսքը վերաբերում է ընդամենը կամավոր սկզբունքին: Այսինքն՝ սույն օրենքով սահմանված դրույթը մտնում է ուժի մեջ, միայն կամավորի վերաբերյալ: Պարտադիրը 2010թ-ի օրենքում չի եղել: Ուստի նրանք, որոնք փորձում են տարբեր մանիպուլյացիաներ անել, ուզում եմ հիշեցնել՝ փաստը կա, վերցրեք քվերակությունը և կարդացեք եզրափակիչ դրույթը»,- ասաց Նաիրա Զոհրաբյանը:
Նրա խոսքերով՝ դրանից հետո նախագիծը հետաձգվեց, իսկ 2014թ-ին երբ ԱԺ բերվեց լրամշակումներով տարբերակը, այդ ժամանակ ԲՀԿ-ն դեմ է քվեարկել:
«Մնացածը հաջորդ դասին», - եզրափակելով խոսքը՝ ասաց Նաիրա Զոհրաբյանը:
Այս ելույթից հետո ԱԺ փոխխոսնակ Հերմինե Նաղդալյանը պատգամավորին հորդորեց մի քիչ ցածր խոսել:
«Ես խնդրում եմ այս դասին էլ, հաջորդ դասին էլ, բոլորին, որոնք կարճ, երկար հիշողություն ունեն, ձայնալարերն այդքան չծանրաբեռնել: Մի քիչ ցածր և հանգիստ խոսել: Տիկին Զոհրաբյան, դուք երբ հանգիստ եք խոսում` շատ ավելի հաճելի եք», - ասաց Հերմինե Նաղդալյանը:
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին