Ձեր վստահելի աղբյուրը

Պարոն Թաթոյան. 

Գործի բերումով հետևում եմ Ձեր հայտարարություներին։ Մինչ հարցերով դիմելս ՄԻՊ պաշտոնական կայքում, Տարեկան հաղորդումներ և Հատուկ զեկույցներ բաժիններում փնտրեցի անցյալ տարվա ՄԻՊ տարեկան ամփոփումը՝ դեռ չկա։ Ուստի այս անգամ համապարփակ հարցադրումների փոխարեն հարցերս թերևս քիչ կլինեն։

Արցախի Հանրապետության Օմբուդսմենը վերջերս հաջող ելույթներ է ունենում Արցախի թեմաներով, անգամ՝ ԵԽԽՎ ամբիոններից։ Չե՞ք կարծում, որ իր հետ հավասար և հաճախակի նույն թեմային անդրադառնալը կարող է ենթադրությունների տեղիք տալ, թե իբր նա իր գործը վատ է անում։ Ասեմ միանգամից՝ վատ չի անում։

Նույն հարցից՝ արդյո՞ք Հայաստանի Հանրապետությունում չկան Մարդու իրավունքների խախտումներ,  չկան այնպիսի բողոքներ վարչական համակարգի դեմ, որոնք ՄԻՊ միջոցով միայն կարող են բարձրաձայնվել, չկան մայրաքաղաքային, մարզային, անհատական... կամ ինչպես ՄԻՊ գործառույթների մեջ ասված՝ «Քաղաքացիական, սոցիալ-տնտեսական եւ մշակութային իրավունքների պաշտպանության»  խնդիրներ, եթե Դուք ժամանակ եք գտնում Արցախի հարցերին հաճախ անդրադառնալ։

Ինչո՞ւ եք զբաղվում Արցախի գործերով՝ թողած Հայաստանի Հանրապետության գործերը (այն պարագայում, որ, կրկնում եմ՝ Արցախի Հանրապետությունը ունի իր ՄԻՊ-ը և նրա ձայնը բարձր է լսվում)։

Հաջորդ հարցս. Երեկ կարդացի Ձեր հայտարարությունը՝  Լապշինի և ԵՄ պատգամավորների հետ կապված ու կրկին Արցախի Հանրապետության մասով։

Ինչո՞ւ եք այդքան կտրականապես հայտարարում, թե Ադրբեջանի ցանկացած հետապնդում հակաօրինական է։ Օրինակ՝ գիտե՞ք արդյոք, թե կոնկրետ ինչ պաշտոնական մեղադրանք ներկայացվել Լապշինին, կամ՝ դրանում իրո՞ք չկա հանցակազմ և, ի վերջո՝ չկա՞ արդյոք Ադրբեջանի ու Լապշինի միջև համաձայնություն՝ առերևույթ «արտահանձնման»։

Կամ՝ առաջիկայում Ձեր այդ հայտարարությունը արդյո՞ք չի կարող դառնալ թեմա, եթե Ադրբեջանը հետախուզում հայտարարի հանցագործի նկատմամբ։

Անահիտ Ոսկանյան,
panorama.am

Հարցմանն ի պատասխան ստացել ենք ՄԻՊ մամուլի քարտուղար Զոհրապ Եգանյանի պաշտոնական նամակը.

Հանուն արդարության նշենք, որ իրոք՝ panorama.am-ի հարցումից հետո, հետաքրքիր զուգադիպությամբ, ՄԻՊ-ը տվեց ասուլիս, հետո մի քանի անգամ նշեց, որ «հաց բերողի» խնդիրը իր ուշադրության կենտրոնում է։

Միայն թե այս հարցում ուշադրություն պետք չէ, լուծում է պետք։