Ձեր վստահելի աղբյուրը

«Այս երկրում հեղինակ ենք դարձել 200 օրենքների: 200 օրենք հե՞շտ է անցկացնել»,-կանանց հետ նախընտրական հանդիպմանը հայտարարեց  «Հայկական վերածնունդ» կուսակցության նախագահ Արթուր Բաղդասարյանը:

Նա բացատրեց, որպեսզի օրենքն անցնի, դրա օգտին պետք է քվեարկեն իշխանության ու ընդդիմության ներկայացուցիչները, երբմեն մի քանի տարի է պահանջվել դրանց ընդունման համար:

«Տեսեք, երեխաները Երևանում այսօր անվճար են մանակապարտեզ գնում, բայց Հայաստանում նախադպրոցական հասատությունները վերացրել էին: Մենք նախաձեռնեցինք օրենքների փունջ՝ նախադպրոցականից  մինչև հետբուհական կրթություն: Օրենքով այսօր արգելված է ուսումնական հաստատության շենք վաճառել»,-ասաց նա:

Ա. Բաղդասարյանը հիշեցրեց, որ իրենք են նախաձեռնել մայրական կապիտալի վերաբերյալ օրենքի ընդունումը, օրենքի ընդունվելու համար պահանջվել է 8 տարի:

«Մեզ ժամանակին շատ քննադատում էին դրա համար, մեզ մեղադրում էին ամբոխահաճության , պոպուլիզմի համար: 8 տարի քննադատություններ են հնչել, բայց մենք այսօր հպարտությամբ արձանագրում ենք, որ օրենքն ընդունվել է և աշխատում է»,-ասաց նա:

Բաղդասարյանն ասաց, որ հիմա էլ նախընտրական ծրագրում առաջարկում են մեծացնել առաջին և երկրորդ երեխայի ծննդյան դեպքում տրվող գումարները, կարևորում են բազմազավակ ընտանինքների՝ պետական հոգածության մեխանիզմների կատարելագործումը:

«Փառք ու պատիվ այն կնոջը, որ այսօր հինգ երեխա է լույս աշխարհ բերում: Ես այսօր շատ մարդկանց հետ եմ հանդիպում, որոնք այսօր մի քանի զինվոր ունեն, նրանց պետք է պետական աջակցություն տրամադրվի»,-ասաց նա: