Ձեր վստահելի աղբյուրը

«Ապրիլի 2-ին  հաղթանակի հնարավորություն կա: Ոչ միայն կա,  շատ մեծ է: Ողջ ազգով ուզում ենք, որ հաղթենք, հաղթենք գործող իշխանությանը»,- նախընտրական քարոզարշավի շրջանակում Արմավիրի մարզի Ալաշկերտ գյուղի բնակիչների հետ հանդիպմանն ասաց «Օհանյան-Րաֆֆի-Օսկանյան» դաշինքի  պատգամավորության թեկնածու (համապետական ցուցակում՝ 3-րդ համար. ՀՀ արտաքին գոծերի նախկին նախարար Վարդան Օսկանյանը):

Նա նշեց, որ գործող իշխանությանը հաղթելով՝ հաղթում են չքավորությանը, աղքատությանը, անտարբերությանը, կաշառակերությանը, տնտեսական ճգնաժամին:

«Այդ հաղթանակով իսկապես կարող ենք ժողովրդին իր երկրում նորմալ ապրելու հնարավորություն տաl»,- ասաց նա:

Դաշինքի ցուցակը գլխավորող պաշտպանության նախկին նախարար Սեյրան Օհանյանն Մեծամորում քաղաքացիներին ասաց, որ երկրի զարգացումն արագընթաց տեպմերով չեն ապահովում, տնտեսությունը կաղում է, գոյություն ունի արտագաղթ. սոցիալ-կենցաղային պայմանները, ժողովրդագրական պայմաները բավականին ցածր մակարդակի վրա են գտնվում:

«Այս ամենը թույլ է տալիս մեզ եզրակացնելու, որ անկասկած, իշանափոխությունն այսօր անհրաժեշտություն է: Պետք է գան նոր թարմ ուժեր»,- նշեց նա՝ ներկայացնելով իրենց «365 օր» ծրագրի հիմնական դրույթները:

Դաշինքի պատգամավորության թեկնածու (ցուցակում 2-րդ համար), «Ժառանգություն» կուսակցության փոխանախագահ Արմեն Մարտիրոսյանը Մեծամորում քաղաքացիների հետ հանդիպմանն ասաց, որ ունեն վճռականության հասնելու երկրում արմատական փոփոխությունների:

«Իշխանությունները չեն դադարեցնում իրենց բռնությունները: Երեկ հերթական դեպքն է եղել մեր դաշինքի ներկայացուցիչների նկատմամբ Էջմիածնում՝ նորից զենքի գործադրում»,- նշեց նա:

Ա. Մարտիրոսյանի խոսքով, արդեն դեպքեր են արձանագրվել Ջրառառում, Օձունում, Երևանում, «Ծառուկյան» դաշինքի անդամների նկատմամբ բռնություն դեպքեր, նույնիսկ ՀՀԿ-ն ՀՀԿ-ի հետ դեպքեր:

«Այս բոլորը հատուկ է արվում հասարակության մեջ՝ վախի մթնոլորտ սերմանելու համար»,- ասաց նա: