Մոտ 40 ՀԿ-ներ դատապարտում են Իոաննիսյանի ընտանեկան կյանքի գաղտնիության իրավունքի խախտումը
Մոտ 4 տասնյակ ՀԿ-ներ հայտարարություն են տարածել՝ դատապարտելով Դանիել Իոնեսյանի անձնական ու ընտանեկան կյանքի գաղտնիության խախտումը: Տարածած հայտարարության մեջ մասնավորապես ասված է.
«Հասարակական կազմակերպության հանրային լայն հնչեղություն և արձագանք ստացած ուսումնասիրության հրապարակումից երկու օր անց լրատվակայն կայքերից մեկում հրապարակվեց այդ կազմակերպության ներկայացուցիչ Դանիել Իոաննիսյանի ընտանիքին և անձնական կյանքին վերաբերող տվյալներ, որոնց տիրապետում է բացառապես ՀՀ ոստիկանությունը և քննչական կոմիտեն, և որոնք, բացի Դանիել Իոաննիսյանից, չէին կարող տրամադրվել որևէ այլ երրորդ անձին:
Դանիել Իոաննիսյանի անձին և նրա ընտանիքին վերաբերող հրապարակված տեղեկությունները կազմվել են բացառապես ՀՀ ոստիկանության կողմից, և դրանց հիման վրա կայացվել են որոշումներ, որոնք իրենց բնույթով հրապարակման ենթակա չէին, քանի որ պետք է պաշտպանված լինեին անձնական տվյալների պաշտպանության մասին օրենքով: Ընտանեկան կյանքի մասին տեղեկությունների տարածումը քրեորեն պատժելի արարք է՝ քրեական օրենսգրքի 144 հոդվածով, իսկ այդ իրավունքը հարգելը՝ Մարդու Իրավունքների Եվրոպական Կոնվենցիայի 8-րդ հոդվածով»:
Ընտանեկան կյանքի մասին տեղեկությունների տարածումը հանդիսանում է նաև քրեական օրենսգրքի 144 հոդվածով, ինչպես նաև Մարդու Իրավունքների Եվրոպական Կոնվենցիայի 8-րդ և 14-րդ հոդվածներով»:
ՀԿ-ները գտնում են, որ այսպիսով Դանիել Իոաննիսյանի՝ օրենքով պաշտպանված անձնական տվյալների հրապարակումը հանդիսանում է առաջին հերթին կոպիտ միջամտություն նրա անձնական կյանքին և նպատակ ունի ճնշում գործադրել անձամբ Դանիել Իոաննիսյանի նկատմամբ, քանի որ նրա կողմից է հրապարակվել «Իրազեկ քաղաքացիների միավորում» ՀԿ-ի կատարած ուսումնասիրությունները:
ՀԿ-ները պահանջում են անհապաղ դադարեցնել նրանց նկատմամբ քաղաքական հետապնդումները, Գլխավոր դատախազությունից և ՀՀ Հատուկ քննչական ծառայությունից պահանջում են քրեական գործ հարուցել, բացահայտել և պատասխանատվության ենթարկել հասարակական կազմակերպության ներկայացուցչի անձնական տվյալները ապօրինի կերպով երրորդ անձանց տրամադրած իրավապահ մարմինների ներկայացուցիչներին:
Ավելի վաղ ոստիկանությունն արձագանքել էր հայտարարությանը, ըստ որոնց Իոնեսյանի վերաբերյալ տվյալներին տիրապետում է բացառապես ՀՀ ոստիկանությունը, և դրանք, Դ. Իոաննիսյանից բացի, չէին կարող տրամադրվել որևէ այլ երրորդ անձի:
Ոստիկանության տարածած հաղորդագրության մեջ մասնավորապես աված էր.
«Դանիել Իոաննիսյանի, նրա մոր, հոր և տատի կողմից, 2008-2014թթ. ընթացքում ՀՀ ոստիկանության Երևան քաղաքի վարչության Մաշտոցի բաժնում ստացվել են մի շարք դիմումներ: Հինգ դիմումների վերաբերյալ նախապատրաստված նյութերը արխիվացվել են և ներկա դրությամբ ՀՀ ոստիկանությունում չեն:
Հիշյալ անձանցից այլ դիմումներ կամ ահազանգեր ստանալու փաստը հնարավոր չէ ճշտել, քանի որ 2008-2011 թթ. ընթացքում ոստիկանության Մաշտոցի բաժին մուտքագրված դիմումների և բողոքների հաշվառման մատյանները, դրանց պահպանման ժամկետներն անցնելու կապակցությամբ, ոչնչացվել են ՀՀ ոստիկանության պետի գերատեսչական հրամանով սահմանված կարգով:
Անձի մասնավոր կյանքի գաղտնիք կազմող տվյալներ հրապարակելը ՀՀ ոստիկանության գործելակերպը չէ»:
Լրահոս
Տեսանյութեր
Փաշինյան, «5-րդ շարասյուն», ներսի ցեցեր. Ըստ քաղաքացիների՝ ՀՀ-ի անվտանգության հիմնական սպառնալիքները