Եթե քվեախցում ընտրում եք ձեր քուչի տղուն, մենք իրար հետ անելիք չունենք. Նիկոլ Փաշինյանը՝ ընտրողներին
«Ելք» դաշինքը քարոզարշավն իրականացրել է բարձր տրամադրությամբ, և ընտրողների հետ շփումները թույլ են տալիս ասելու, որ դաշինքի շուրջ բավական դրական մթնոլորտ է ձևավորվել: Ավելին, եթե բոլոր այն քաղաքացիները, պահեն իրենց խոսքը և խոստացածի նման իրենց քվեն տան «Ելք»-ին, ապա դաշինքն ընտրություններում կհաղթի: Լրագրողների հետ այսօր կայացած հանդիպման ժամանակ նման համոզմունք հայտնեց «Ելք» դաշինքի պատգամավորության թեկնածու Նիկոլ Փաշինյանը:
Նա նշեց, որ «Ելք» դաշինքի մուտքով քաղաքական նոր կուլտուրա է ձևավորվել. «Այստեղ չկան անձնական հավակնություններ, և այն, ինչ արել է դաշինքը, Հայաստանի պատմության մեջ աննախադեպ բան է՝ ուղիղ եթերում փակ-գաղտնի քվեարկությամբ կազմել ցուցակի առաջին եռյակը: Իսկ ՀՀԿ-ն փակ-գաղտնի քվերակություն չեն անցկացնում, որովհետև Շարմազանովն ու Աշոտյանն իրենք իրենց կուսակցությունում հազիվ 1 ձայն հավաքեն: Ինչ վերաբերում է հետընտրակա գործընթացներին, ապա այդպիսիք՝ ընդհուպ իշխանափոխություն, կլինի, երբ «Ելք»-ը տեսնի, որ ժողովուրդն իրեն մանդատ է տվել, սակայն այդ ձայները հետո գողացվել են: Եթե քվեարկում եք Սերժ Սարգսյանի օգտին, գնացեք և ապրեք այն իրականության մեջ, որը նա է ստեղծել, եթե ուզում եք փոփոխություն, ընտրեք «Ելք»-ին: Եթե դուք քվեախցում ընտրում եք ձեր քուչի տղերքին, մենք իրար հետ անելիք չունենք»։
Նիկոլ Փաշինյանն ասաց, որ իրենց ձայն են տալու օրինականության, ազատության և ինքնիշխանության օգտին հանդես եկող քաղաքացիները, այսպես ասած՝ միջին խավը:
Անդրադառնալով նրան, թե ապագայում քաղաքական որ ուժերի հետ է «Ելք»-ը պատրաստվում համագործակցել, Նիկոլ Փաշինյանը հիշեցրեց՝ իրենք կոնկրետ ուժերի անուն չեն տվել և չեն տալիս. «Միայն 95 տոկոսով վստահ ենք և կանխատեսում ենք, որ խորհրդարան անցած բոլոր ուժերը, բացի մեզնից, ՀՀԿ-ի հետ կոալիցիա կկազմեն: Մեր վերլուծությամբ, ԱԺ կանցնեն ՀՀԿ-ն, «Ծառուկյան» դաշինքը և «Ելք»-ը, ինչից հետո ականատես կլինենք այդ երկու ուժերի լայն կոալիցիային»։
Նիկոլ Փաշինյանը միաժամանակ չբացառեց, որ «Իրազեկ քաղաքացիների միավորում» ՀԿ-ի նախագահ Դանիել Իոննիսյանի նկատմամբ քաղաքական հետապնդում է իրականացվում, և դա այն դեպքում, երբ նա հրապարակել էր ՀՀԿ-ի օգտին ձայներ հավաքագրող 114 դպրոցների տնօրենների գաղտնի ձայնագրությունները:
Պատգամավորն անդրադարձաավ նաև Սամվել Բաբայանի ձերբակալությանը՝ նշելով, որ եթե վերջինն իրոք առնչություն չունի «Իգլայի» հետ, ապա դա քաղաքական հետապնդում է:
Լրահոս
Տեսանյութեր
Ոստիկանները Բագրատ Սրբազանին և ԱԺ պատգամավորներին թույլ չեն տալիս մուտք գործել Կիրանց