Ձեր վստահելի աղբյուրը

«Ներկայումս Գոշ լճի տարածքում գործողություններ չեն իրականացվում և վիճակի գնահատման մասին ծառայողական քննություն է արվում»,-այսօր  բնապապանների, խնդրով մտահոգ քաղաքացիների հետ հանդիման ժամանակ հայտնեց բնապահպանության նախարար Արծվիկ Մինասյանը։

Նախարարն անդրադառնալով նախորդ հանդիպմանը նշեց, որ այդ հանդիպումից հետո սխալ տեղեկատվություն էր տարածվել, թե երեք  օրվա ընթացքում կվերացվի այն վիճակը, որն առաջացել է Գոշ լճի տարածքում:

«Ես ասել եմ, որ երեք  օրվա ընթացքում կունենանք վիճակի գնահատում: Այնտեղ դադարեցվել են գործողությունները: Որևէ վարքագիծ չի կարող դրսևորվել վարձակալի կողմից, քանի դեռ այն ծրագիրը, որն իրենք մտադիր են իարգործել, չի անցել պատճաշ փորձաքննություն՝ այդ թվում հանրային լսումների միջոցով»,-ընդծեց Արծվիկ Մինասյանը՝ ընդգծելով, որ նկատողություն է հայտարարվել արդեն այդ տարածքի անտառապահի նկատմամբ, քանի որ նա առնվազն պետք է զեկուցեր այդ գործողությունների մասին:

Ինչ վերաբերում է Գորշ լճի ափին ձևավորված տիղմի տեղափոխմանն ու մաքրմանը, նախարարն ասաց, որ այն իրականացնելու է Ազգային Պարկը՝ վարձակալի ֆինանսավորմամբ:

«Մենք հետևելու ենք, որ վարչական պատասխանտվության ենթակվի նախաձեռնողը, ով իրականացրել է այս գործողությունը՝ առանց պտշաճ փորձաքննություն իրականցնելու: Հիմա բնապահպանական տեսչությունը դեռևս շարունակում է գնահատման գործողությունը՝ վնասի չափը գանհատելու համար»,-ասաց նախարարը:

Մինասյանը նկատեց, որ ապօրինի և վանդալիզմի հասնող վայրագրությունները մի տեղ չէ, այլ մի քանի տեղ են  արձանագրվում. «Մեր նպատակն է կանխել, բացառել որևէ երևույթ, որը վնաս է տալու մեր բնությանը: Չի լինելու մի կառուցապատում, որը էկոհամակարգին վնաս է տալու։ Դիլիջան պարկը 34 հազար հեկտար տարածք է ընդգրկում և միայն մարդկային ներուժով հսկելը բարդ է, դրա համար միջազգայի գործընկերների հետ համագործակցելով՝ փորձում ենք ժամանակինց տեխնիկական միջոցներով զինել»։

Բնապահպանության նախարարի խոսքից հետո հանդիպմանը ներկա արշավական-բնապահապան Հայկ Մարկոսյանն ասաց. «Եթե այդքան օրենքներ են խախտվել, ապա ինչն է պատճառը, որ պայմանագիրը չեն խզում»։

Սրան նախարարը պատասխանեց. «Օրենքին եք հղում տալիս, բայց օրենքն էլ հղում է տալիս պայմանագրային հիմունքներին և մենք հիմա շարժվոմ ենք պայմանագրով: Մենք կասեցրել ենք որևէ գործողություն այնտեղ։ Ես լինելով մասնագիտությամբ իրավաբան՝ գիտեմ, որ մեր գործողությունների հիմքում պետք է բացառապես դնենք օրնեքը և առաջնորդվենք պայամանգրով, որով նախատեսված են գործողություններ ու հիմքեր, որով էլ այս պահին շարժվում ենք»։

Հայկ Մարկոսյանն էլ արձագանքեց. «Մեզ մոտ հիմա այլ տպավորություն է, որ մենք աշխատում ենք բնությունը պաշտպանել ու չգիտենք ումից, և տպավորություն է, որ ավելի շատ նախարարությունից պետք է պաշտպանենք»։

Նախարարն էլ պատասխանեց, որ իրենց ցանկությունները պետք է համընկնեն. «Եթե դուք տեսնում եք, որևէ կետ, որը թույլ չի տալիս այդ համընկնումը, խնդրում եմ պատշաճ հիմնավորում ներկայացնել»։

Մեկ այլ  քաղաքացի՝ Արմեն Ավագյանն էլ հայտարարեց, որ այնտեղ արմատախիլ արված տասնյակ ծառեր կան և ներկայացրեց դրանց լուսանկարները:

«Հիմա տեսչությունը աշխատում է այնտեղ, մանրամասն գնահատվելու են, դեռ աշխատանքները չեն ավարտվել։ Ավելի մանրամասն կուսումնասիրենք և առանձին այդ թեմայով լրացուցիչ ինֆորմացիա կտրամադրենք»,- ասաց նախարարը։