Մարուքյան. Ցեղասպանության ճանաչման հարցում մեր լոբբիստների թիրախն այսուհետ ավելի շատ պետք է լինեն գործադիր իշխանությունները
«Անհրաժեշտություն կա վերաիմաստավորել մեր անցած պայքարի ուղին»,- այսօր լրագրողների հետ հանդիպմանն ասաց ՀՀ ԳԱԱ պատմության ինստիտուտի Հայկական հարցի և հայոց ցեղասպանության պատմության բաժնի վարիչ Արմեն Մարուքյանն՝ անդրադառնալով Հայոց Ցեղասպանության միջազգային ճանաչման գործընթացին, իրավական դաշտում իրականացվող աշխատանքներին։
Մարուքյանի խոսքով՝ 2015 թվականը կարևոր ջրբաժան եղավ, քանի որ նոր ռազմավարական շեշտադրումներ տեղի ունեցան։
«2008 թվականից Գիտությունների ազգային ակադեմիայի պատմության ինստիտուտում կատարվում են լուրջ գիտական մշակումներ՝ վերհանելով հանցագործության հետևանքները և մատնանշելով դրանց հաղթահարաման հնարավորությունները։ Մենք մեր հետազոտությունների արդյունքում հանգել ենք այն եզրակցության, որ հետևանքները կարելի է բաժանել հինգ պայմանական խմբերի՝ հայրենազրկում, մարդկային կորուստներ, պատմամշակութային ժառանգության ոչնչացում ու նյութական կորուստ և հոգեբանական հետևանքներ։ Չնայած՝ 2015-ի նվաճումներից կարելի է համարել այս բարդույթի հաղթահարումը, քանի որ հայ ժողովուրդը ցեղասպանված ժողովրդից աստիճանաբար վերածվում է պահանջատեր ժողովրդի»,-մանրամասնեց Մարուքյանը։
Նրա խոսքով՝ պետք է արձանագրել մի հստակ իրողություն. «Որքան էլ մեր համայնքները հետևողականորեն պայքարում են լոբբիստական աշխատանք են կատարում, մեծ ռեսուրսներ են մատնում, որ այս կամ այն երկրի խորհրդարանը ճանաչի Հայոց ցեղասպանությունը, ընդունի ցեղասպանության ժխտումը քրեականացոնող օրենքներ, ակնհայտ է մի բան, որ այդ երկրները նման որոշումներ կայացնում են իրենց հայեցողությամբ, այն պահին, երբ որ իրենք են նպատակահարմար գտնում այդ քայլը կատարել, և դրանով փորձում են հարված հասցնել Թուրքիային կամ պարզել հարաբերություններն այդ պետության հետ»։
Հայկական հարցի և Հայոց ցեղասպանության պատմության բաժնի վարիչի կարծիքով՝ պետք է նոր օրակարգով առաջ շարժվել, այն օրակարգով, որն ամրագրված է 2015 թվականին հունվարի 29-ի հռչակագրում։
«Այստուհետ մեր գերխնդիրը, գերնպատակը Հայոց ցեղասպանության հետևանքների հաղթահարման համար պայքարն է։ Միջազգային ճանաչման ու դատապարտման գործընթացը մենք այլևս պետք է դիտարկենք որպես գործիք, միջոց՝ հետևանքների հաղթահարմանը հասնելու համար։ Մենք պետք է վերանայենք, վերաիմաստավորենք մեր պայաքրի որոշ ուղղություններ։ Թղթածրարում հստակ պետք է ունենանք հետևանքները և հիմնավոր պահանջներ ներկայացնենք թուրքական պետությանը»,-ասաց Մարուքյանը։
Հարցին, թե ինչ շտկումներ են անհրաժեշտ առաջ շարժվելու համար, նա պատասխանեց. «Չպետք է բավարարվենք միայն իրավական ուղղությամբ աշխատանքներով։ Փորձը ցույց է տալիս, որ միջազգային ամենահեղինակավոր դատական ատյաններն էլ քաղաքականացված մարմիններ են և երբեմն կատարում են քաղաքական պատվեր։ Պետք է ավելի ճիշտ թիրախ ընտրենք մեր քաղաքական գործունեության համար։ Մինչ այսօր որպես թիրախ մեր լոբբիստները որպես թիրախ ընտրել են օրենսդիր մարմինները և փորձում են խորհրդարաններում անցկացնել բանաձևերը, մինչդեռ այդ բանաձևերն ունեն ոչ պաևրտադիր բնույթ գործադիրի համար, սա նշանակում է, որ մեր լոբբիստների թիրախն այսուհետ ավելի շատ պետք է լինեն գործադիր իշխանությունները»։
Հարակից հրապարակումներ`
- ԱՄՆ Վայոմինգ նահանգը ճանաչել է Հայոց Ցեղասպանությունը
- Ամերիկայի Հայկական Համագումարը Թրամփին կոչ է անում հաստատել Հայոց ցեղասպանության փաստը. The Hill
- Ցեղասպանության ճանաչման պահանջից պետք է անցում կատարել հատուցման դաշտ. պատմաբան
- Հնարավոր է՝ Թրամփը շրջանցի կաղապարները և օգտագործի «Հայոց ցեղասպանություն» եզրույթը. թուրքագետ
- ԱԶԿ-ն Հայոց ցեղասպանության ճանաչումը դատապարտող հռչակագիր է ներկայացնելու Թուրքիայի խորհրդարան
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում