Դիզելային վառելանյութը համայնքներում կտրամադրվի լիտրը 280 դրամով. գյուղփոխնախարար
«Ռուսաստանի Դաշնությունից անհրաժեշտ սերմաքանակն ամբողջությամբ ներկրված է հանրապետություն և ընթանում են մատակարարման աշխատանքները, ամենաօրյա պահանջարկը նույն օրը, առավելագույնը հաջորդ օրը տրամադրվում է հողօգտագործողներին»,-այսօր լրագրողների հետ հանդիպմանն ասաց ՀՀ գյուղատնտեսության նախարարի տեղակալ Աշոտ Հարությունյանն՝ ներկայացնելով պետական աջակցության ծրագրերը։
Նրա խոսքով՝ պարարտանյութերի հետ կապված օբյեկտիվ պատճառներով ծրագիրը մի քիչ ուշ սկսեցին, քանի որ որոշված էր շուկան ազատականացնել և ազոտական պարարատանյութ չներկրել հանրապետություն՝ որպես պետական աջակցություն, բայց այնուամենայնիվ, կառավարությունը որոշեց այս տարի ևս ներկրել։
«Չնայած ուշացմանը՝ ծրագրի սկսման հետ կապված արդյունավետ արդյունք ապահովեցինք։ Այս պահի դրությամբ շուրջ 13200 տոննա պարարտանյութ արդեն հողօգտագործողի մոտ է, 3000 տոննա ներկայումս հանրապետությունում մաքսազերծման պրոցեսում է։ Իմ կարրծիքով՝ մինչև մայիսի 10-ը հողօգտագործողի պահանջարկն ամբողջությամբ կապահովվի»,- նշեց գյուղատնտեսության փոխնախարարը։
Ինչ վերաբերում է դիզվառելիքին՝ Աշոտ Հարությունյանը նշեց, որ երեկվա դրությամբ մրցույթն արդեն բացվել է հանձնաժողովի կողմից, երկու կազմակերպություն ներկայացրել են գնային առաջարկ. «Դիզելային վառելանյութը համայնքներում կտրամադրվի 1 լիտրը 280 դրամով, կամ ժողովրդական լեզվով ասած՝ 1 կանեստրը 5600 դրամով։ Մինչև 3 հա հողօգտագործողներին մաքսիմումը կտրամադրվի 600 լիտր։ Ինչպես պարարտանյութի, այնպես էլ սրա դեպքում նախապես ցուցակները պետք է կազմվեն, համայնքապետի կողմից հաստատվեն, այնուհետև ցուցակները վճարված գումարի անդորրագրով հաստատված մարզպետարանի կողմից ներկայացվեն գյուղնախարարություն»։
Հարակից հրապարակումներ`
- Գարնանացանի շուրջ 50 հազար հա ցանք է կատարվել. Աշոտ Հարությունյան
- Դիզվառելիքի և պարարտանյութերի չիրացված քանակության դիմաց բյուջեից վճարված հսկայական գումարներ տարիներով չեն վերադարձվել. ՀԺ
- Պարարտանյութերի բաշխումն ու որակը վերահսկվում է. գյուղնախարար
- Գուցե մի անգամ ռեալ զիջումների գնանք, էջը փակենք. Վարչապետը՝ պարարտանյութի բաշխումից գոյացած պարտքերի մասին
- Պարարտանյութը 30 տոկոս ցածր գնով գյուղացուն հասցնելու հնարավորություն կա. Մասնագետ
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում