Ջերմաստիճանը կբարձրանա
Հանրապետության տարածքում ապրիլի 30-ին, մայիսի 2-4-ը՝ գիշերը և կեսօրից հետո շրջանների մեծ մասում սպասվում է անձրև և ամպրոպ, առանձին վայրերում հնարավոր է կարկուտ: Մայիսի 1-ին սպասվում է առանց տեղումների եղանակ:
ԱԻՆ-ից հայտնում են, որ քամին՝ հարավ-արևմտյան՝ 3-8մ/վ, ամպրոպի ժամանակ սպասվում է քամու ուժգնացում՝ 15-20 մ/վ: Օդի ջերմաստիճանն ապրիլի 29-ից մայիսի 1-ը աստիճանաբար կբարձրանա 3-4 աստիճանով:
Երևանում ապրիլի 30-ին, մայիսի 2-4-ը՝ գիշերը և կեսօրից հետո սպասվում է անձրև և ամպրոպ, ամպրոպի ժամանակ սպասվում է քամու ուժգնացում՝ 15-18մ/վ: Մայիսի 1-ին սպասվում է առանց տեղումների եղանակ: