Իշխան Զաքարյանի հետ կապված հարցերը կարող եք ուղղել իրեն. Լևոն Յոլյան
«Հայաստանի Վերահսկիչ պալատն ունի նոր մասնագետների ընդգրկման խնդիր: 2018 թվականից նոր Սահմանադրությամբ մեր առջև բավականին նոր որակական խնդիրներ են դրվելու»,-Ազգային ժողովում լրագրողների հետ զրույցում ասաց Վերահսկիչ պալատի նախագահ Լևոն Յոլյանը:
Նա նշեց, որ սրանով պայմանավորված մոտակա ժամանակներում նաև կառուցվածքային փոփոխություններ կլինեն:
Հարցին, թե ինչո՞վ են պայմանավորված պալատում կրճատումները, ՎՊ նախագահն ասաց, որ 14 անձ ոչ թե հեռացվել է աշխատանքից, այլ կրճատվել, ուղարկվել քաղծառայության ռեզերվ:
«Ամեն գործընթաց իրականացվել է օրենքի պահանջների շրջանակում: Նրանք վեց ամիս իրենց հասանելիք աշխատավարձը ստանալու են: Կոնկրետ մի անձ չգիտեմ, որ բողոքով դիմած լինի»,- ասաց նա:
Պատասխանելով ՎՊ կողմից արձանագրված խախտումների մասին հարցին, մասնավորապես, հիմնականում ո՞ր ոլորտներում են ռիսկային, Լ. Յոլյանն ասաց, որ 2017 թվականին կաշխատեն, հաշվետվությունը կլինի, պատրաստ են մանրամասն ներկայացնել, իսկ 2016-ի հաշվետվությունը հրապարակված է իրենց պաշտոնական կայքում:
Հարցին, թե տարիներ առաջ ՎՊ նախկին նախագահ Իշխան Զաքարյանը աղմկահարույց ելույթ ունեցավ չարաշահումների մասին, որից հետո ՎՊ գործունեությունը պասիվացավ, նման աղմկահարուց բացահատումներ չէին լինում, հնարավո՞ր է կաշկանդող որևէ բան է եղել, Լ. Յոլյանը պատասխանեց. «Եկեք կոռեկտության մեջ լինենք: Իշխան Զաքարյանի հետ կապված հարցերը կարող եք ուղղել Իշխան Զաքարյանին, իմ հետ կապված հարցերը… 2017 թվականը կավարտվի, ընթացքում մենք կներկայացնենք հաշվետվություն»:
Պատասխանելով հարցին, թե հիմա դուք կաշկանդվա՞ծ չեք, Վերահսկիչ պալատի նախագահն ասաց. «Բացարձակ, ընդհակառակը: Մենք բավականին մեծ տրամադրվածությամբ ուզում ենք շատ ավելի լավ աշխատել, քան նախկինում, մեր բարձրացրած խնդիրները լինեն շատ ավելի պրոբլեմային, կոնկրետ, հստակ»:
Հարակից հրապարակումներ`
- Վերահսկիչ պալատը խախտումներ է բացահայտել Վանաձորի, Սպիտակի, Իջևանի մանկապարտեզներում
- Ես՝ որպես Ծառուկյանի ընկեր և ԲՀԿ հիմնադիրներից մեկը, լինելու եմ իմ ընկերոջ կողքին. Իշխան Զաքարյան
- Ո՞ւր է Իշխան Զաքարյանը. Արամ Մանուկյան
- Վերահսկիչ պալատի պարզաբանումները՝ կապված «Ձեռնարկությունների ինկուբատոր» հիմնադրամի տնօրենի հայտարարությունների հետ
- Վերահսկիչ պալատը Սփյուռքի նախարարությունում խախտումներ է արձանագրել. «Ժողովուրդ»
- ՀՀ գլխավոր դատախազությունը ՀՀ վերահսկիչ պալատից պահանջել է արձանագրությունները
- Վերահսկիչ պալատը սոցփաթեթների հանգստի բաղադրիչի մասով հյուրանոցներում 300 մլն դրամի խախտում է հայտնաբերել
- Գյուղնախարարության պաշտոնյան՝ Վերահսկիչ պալատի հայտնաբերած խախտումների մասին
- Վերահսկիչ Պալատ. Սերմացուն որոշ գյուղապետերի կողմից հատկացվել է կամայականորեն