Քաղաքական 20:34 04/07/2017 Աշխարհում

Կատարը՝ արաբական խանդի «զոհ»

Հեղինակ` Արմեն Պետրոսյան

Հուլիսի 3-ին Քուվեյթի միջնորդությամբ Սաուդյան Արաբիան, ԱՄԷ-ն, Բահրեյնը, Եգիպտոսը հայտարարել են 48 ժամով երկարացնել Կատարի իշխանություններին ներկայացված 13 կետից բաղկացած պահանջագրին (վերջնագիր) պատասխանելու ժամկետը, որի տասնօրյա վերջնաժամկետը լրացել էր հուլիսի 2-ին. ավելի վաղ՝ հուլիսի 1-ին, Կատարի ԱԳՆ-ը հայտարարել էր, որ ներկայացված պահանջներն անիրականանալի են, քանի որ վտանգում են երկրի ինքնիշխանությունը: Իսկ հուլիսի 5-ին վերոնշյալ արաբական երկրների ներկայացուցիչները հանդիպելու են Կահիրեում՝ «վճռելու Կատարի ճակատագիրը»:

Պարսից ծոցում շուրջ 1 ամիս շարունակվող ճգնաժամի հանգուցալուծման և Կատարի դեմ իրականացվող մեկուսացման քաղաքականության դադարեցման համար ներկայացված վերոնշյալ վերջնագրի առավել առանցքային կետերն են՝ Իրանի հետ դիվանագիտական հարաբերությունների մակարդակի իջեցումը, Al-Jazeera, Arabi21 և Middle East Eye լրատվամիջոցների ֆինանսավորման դադարեցումը, Կատարում թուրքական ռազմաբազայի գործողության դադարեցումը և թուրք զինծառայողների հեռացումը, ահաբեկչական կառույցների, այդ թվում՝ «Իսլամական պետության», «Մուսուլման եղբայրների», «Համասի» հետ հարաբերությունների խզումը, ԱՄՆ-ի ահաբեկչական ցուցակում ներառված բոլոր կազմակերպություններին ֆինանսական աջակցության դադարեցումը, ինչպես նաև ահաբեկչական կառույցների հետ կապեր ունեցող վերոնշյալ արաբական երկրների մի շարք քաղաքացիների արտահանձնումը, որոշակի տուգանքների, փոխհատուցումների վճարումը և այլն: Ընդ որում, ընդգծվել է նաև, որ արաբական երկրները մտադիր չեն ուժային մեթոդների դիմել, եթե Դոհան հրաժարվի իրականացնել ներկայացված պահանջները: Բացի այդ, որպես գործընթացի վերահսկողության իրականացնողներ, փորձ է արվել դրանում ներքաշել նաև ԱՄՆ-ին և ԵՄ-ին:

Կատարի իշխանություններից բացի, պահանջագրի անիրատեսականության և խնդիրները քաղաքական ճանապարհով կարգավորելու անհրաժեշտության վերաբերյալ տարաբնույթ ձևակերպումներով հայտարարություններ են հնչել նաև Վաշինգթոնից, Բեռլինից, Բրյուսելից, Մոսկվայից, Կատարի մեկուսացմանը դեմ են հանդես եկել միջազգային որոշ կառույցներ, իսկ Անկարան և Թեհրանը շատ ավելի կտրուկ են արձագանքել՝ Դոհայի դեմ իրականացվող քաղաքականությունը որակելով «անընդունելի»:

Ընդհանուր առմամբ, Կատարի դեմ նպատակաուղղված և թիրախավորված գործողությունները մեկնարկեցին ս.թ. մայիսի վերջին ԱՄՆ-ի նախագահ Դ.Թրամփի առաջին արտագնա՝ Սաուդյան Արաբիա կատարված այցի ավարտից անմիջապես հետո: Այդ այցի շրջանակներում ԱՄՆ-ի նոր վարչակազմի կողմից ընդգծվեց Սաուդյան Արաբիայի թագավորության առաջատար դերը արաբական, մուսուլմանական երկրների շարքում. հենց ալ-Ռիադին էր վերապահվելու տարածաշրջանային տարաբնույթ գործընթացներում, իսկ ներկայում ամենաառաջնային՝ հակաահաբեկչական պայքարում ԱՄՆ-ի կարևորագույն դաշնակիցներից մեկը լինելու «պատիվը»:

Ոգևորված իրենց վերապահված նոր դերակատարությունից՝ սաուդյան իշխանությունները գործի անցան անմիջապես՝ նպատակ ունենալով սանձել նաև  նույն դերին հավակնող թագավորության կարևորագույն ու ճամբարակից մրցակից Կատարին. «մեծ հավակնություններով գաճաճ պետությունը» մեկ անգամ չէ, որ մրցակցության լուրջ հայտ է ներկայացրել Սաուդյան Արաբիային՝ Թունիսից, Լիբիայից, Եգիպտոսից մինչև Պաղեստին ու Սիրիա՝ ընդ որում արձանագրելով նաև լրջագույն հաջողություններ: Հատկապես 2010-11թթ. սկիզբ առած «արաբական գարնան» գործընթացների շրջանակներում Կատարի հովանավորած «Մուսուլման եղբայրներ» իսլամական արմատական կազմակերպության տարբեր ճյուղավորումները գործող վարչակարգերի դեմ ռազմական և քաղաքական պայքարի առաջնագծում են հայտնվել վերոնշյալ և մի շարք այլ արաբական երկրներում, իսկ Կատարում իշխող ընտանիքի անմիջական հովանու ներքո գործող Al-Jazeera հեռուստաալիքը վերածվել էր ոչ միայն արաբական երկրներում տեղի ունեցող վերափոխումների հրահրման հիմնական քարոզչամեքենան, այլև՝ կատարյան հովանավորյալ ուժերի անմիջական խոսափողը:

Սա է պատճառը, որ հունիսի 5-ին Սաուդյան Արաբիան, նրա տարածաշրջանային որոշ դաշնակիցների և հատկապես՝ ԱՄԷ-ի, Եգիպտոսի, Բահրեյնի հետ միասին, հիմք ընդունելով Կատարի էմիրին վերագրված վիճահարույց հայտարարությունները, մեղադրեցին Դոհային վերոնշյալ վերջնագրում ներկայացված ուղղություններում և հայտարարեցին Կատարի դեմ դիվանագիտական, տնտեսական, ճանապարհային մեկուսացման քաղաքականության մասին՝ փակելով Կատարի միակ ցամաքային սահմանը Սաուդյան Արաբիայի հետ և հաղորդակցային խոչընդոտներ ստեղծելով օդային ու ծովային ուղիներում: Ալ-Ռիադի նախաձեռնությունն աջակցություն ստացավ, ընդհանուր առմամբ, շուրջ 1 տասնյակ երկրների կողմից՝ նաև ոչ արաբական, որոնցից յուրաքանչյուրի շահերից էր «այս կամ այն չափով» բխում էմիրության հետ հաշիվների պարզումը:

Մինչդեռ սաուդյան իշխանությունների և նրանց գործընկերների հաշվարկները չարդարացան. «կայծակնային կապիտուլյացիա» տեղի չունեցավ, Կատարը «զենքերը վայր չդրեց», իսկ գործընթացի հաջորդած հետագա զարգացումներն արդեն անմիջական լուրջ սպառնալիքներ են խոստանում նաև Դոհայի հակառակորդների համար:

Ինչ խոսք, այս մրցակցության հարթակում Կատարի մանևրելու հնարավորությունները խիստ սահմանափակ են, մինչդեռ էմիրության իշխանություններն, առանց «շփոթվելու», մոբիլիզացրին ունեցած ողջ զինանոցը՝ ընդ որում, թե՜ երկրի ներսում, թե՜ դրանից դուրս՝ կանխելու համար իրենց իշխանության դեմ հնարավոր սպառնալիքները: Հենց նման կարողություններով է նաև Կատարը տարբերվում արաբական բազմաթիվ այլ երկրներից. նրա նախկին և ներկա էմիրները երկրի քաղաքական զարգացման հիմքում դրել են ենթակառուցվածքային և վարչական վերափոխումները՝ հնարավորինս հավասարակշռելով տարբեր ներքին և արտաքին գործոններից կախվածության մակարդակը:

Կատարի պատասխան քայլերի շրջանակն ընդհանրացնելով՝ կարելի է ներկայացնել հետևյալ հիմնական ուղեգծերի ներքո՝

1. Երկրի ներսում հակաճգնաժամային շտաբի ձևավորում, որի նպատակը սեփական և հակառակորդի հնարավորությունների գնահատումն է, պատասխան գործողությունների համակարգումն ինչպես երկրից դուրս՝ արտաքին դերակատարների դիրքորոշումների ճշգրտման առումով, այնպես էլ՝ հենց Կատարում՝ էմիրի դեմ դժգոհությունների, հեղաշրջման հնարավոր փորձերի կանխման նպատակով: Ի դեպ, նշված շտաբի ղեկավարումն իրականացնում է ներկայիս էմիր Թամիմ բին Համադ Ալ Թանիի հայրը՝ «Կատարյան հրաշքի» գլխավոր հեղինակ Համադ բին Խալիֆա Ալ-Թանին:

2.Տարաբնույթ հարաբերությունների՝ քաղաքական, տնտեսական, ռազմական սերտացում Սաուդյան Արաբիայի մրցակիցների հետ, ինչպես տարածաշրջանում, այնպես էլ դրանից դուրս:

Նշված ուղեգիծն իր հերթին կարող է ունենալ մի քանի բաղադրիչ՝
ա) Թուրքիա. Անկարան իր համակողմանի աջակցությունը հայտնեց Կատարին՝ ցուցաբերելով ինչպես դիվանագիտական, պարենային աջակցություն, այնպես էլ համաձայնելով առավել ամրապնդել դեռևս 2015թ. 2 երկրների միջև ձեռք բերված համաձայնությունների հիման վրա ստեղծված թուրքական ռազմաբազան, որտեղ ներկայում ծառայում են, տարբեր տվյալներով, 100-300 թուրք զինծառայողներ: Կողմերի միջև արդեն թարմացված նոր համաձայնության հիման վրա՝ Սաուդյան Արաբիայի հենց քթի տակ գործուն դերկատարություն է ունենալու տարածաշրջանում և «սուննիական աշխարհում» նրա ամենաառանցքային մրցակիցներից մեկի՝ Թուրքիայի 3-5 հազարանոց ռազմական կոնտինգենտը: Բացի այդ, Թուրքիան դարձավ շրջափակման հետևանքով կատարյան շուկայում առաջացած առաջնային անհրաժեշտության ապրանքների գլխավոր մատակարարը, ինչի հետևանքով դեպի Կատար թուրքական արտահանումը վերջին 1 ամսվա ընթացքում աճել է շուրջ 3 անգամ: Իսկ այն իրողությունը, որ Անկարան շարունակելու է գործուն աջակցությունը Կատարի իշխանություններին, որևէ կասկած չի հարուցում, քանի որ

Ռ.Թ.Էրդողանի և Կատարի էմիր Թամիմ բին Համադի բարեկամությունը նաև բավական ամուր անձնական հիմքեր ունի. տարբեր հետախուզական տվյալների համաձայն՝ Թուրքիայի նախագահի խնդրանքով հենց Կատարի  հատուկ նշանակության էլիտար ուժերն են ապահովել անձամբ Էրդողանի անվտանգությունը 2016թ. հուլիսին Թուրքիայում տեղի ունեցած հեղաշրջման անհաջող փորձի ընթացքում: 

բ) Ռուսաստան. այս ուղղությամբ գործողությունները դեռևս մանևրային հարթությունում են: Կատարի իշխանությունները ակտիվ դիվանագիտական շփումներ են վարում Մոսկվայի հետ ինչպես ԱԳ նախարարների մակարդակով, այնպես էլ երկու երկրների ղեկավարների պարբերական հեռախոսազրույցների միջոցով:

գ) Իրան. այս ուղղությամբ գործողությունները Կատարի պահեստային զինանոցում են և առավել առարկայորեն կկիրառվեն լարվածության սրացման տարբերակի պարագայում: Չնայած Իրանի կողմից առկա է ավելի լայնածավալ աջակցության պատրաստակամություն, այսուհանդերձ պաշտոնական Դոհան դեռևս սահմանափակվում է դիվանագիտական աջակցության և պարենային մատակարարումների ուղղություններով՝ զգուշանալով «սուննիական ճամբարն» առավել բորբոքելու հնարավորությունից:

3. Ակտիվ դիվանագիտական գործունեություն: Կատարի ԱԳ նախարար շայիխ Մուհամմադ բին Աբդ ալ-Ռահման բին Յասիմ Ալ Թանին անցյալ 1 ամսվա ընթացքում այցելել է տարածաշրջանային և աշխարհաքաղաքական գլխավոր կենտրոններ՝ հանդիպումներ ունենալով նաև տարաբնույթ միջազգային կառույցների ղեկավար շրջանակների հետ՝ հասնելով ստեղծված ճգնաժամի հետ կապված առնվազն քաղաքական չեզոքության դիրքորոշման, իսկ որոշ դեպքերում՝ անգամ բացահայտ աջակցության:

4. Միջամտություն հակառակորդ երկրների ներքին գործերին սեփական հովանավորյալ տարաբնույթ խմբավորումների միջոցով. այս ուղղությունը ևս հեռանկարային զինանոցի գործիքներից է:

5. Քարոզչական դաշտում պատասխան գործողությունները: Չնայած այն հանգամանքին, որ Կատարի մեկուսացման գործընթացին միացած երկրների մեծ մասն արդենիսկ արգելափակել է կատարյան առանցքային քարոզչամեքենայի՝ Al-Jazeera-ի գործունեությունը, այնուամենայնիվ, այս լրատվամիջոցը շարունակում է ակտիվորեն անդրադառնալ տարբեր արաբական երկրներում ծավալվող գործընթացներին, իսկ նրա հրապարակումները հաճախ մեջբերվում են միջազգային բազմաթիվ ԶԼՄ-ների կողմից:

Այսպիսով, շուրջ 1 ամիս շարունակվող ճգնաժամի ընթացքում Կատարի իշխանությունները վերոնշյալ ուղղություններով տարբեր ծավալի քայլեր արդեն իսկ կատարել են՝ էականորեն բարդացնելով հակառակորդ ճամբարի մանևրելու հնարավորությունները՝ ներքին հեղաշրջման ձախողված փորձերից մինչև ուղղակի ռազմական ներխուժման հնարավորություն:

Մինչդեռ ակնհայտ է նաև մեկ այլ իրողություն, որ բուն արաբական ջանքերով խնդրի քաղաքական կարգավորման հեռանկարները խիստ մշուշոտ են, ուստի արտատարածաշրջանային դերակատարների միջամտությունը գործընթացին, կարծես թե, այլընտրանք չունի: Հատկապես արդեն հուլիսի 5-ին նախանշված Կահիրեի հանդիպումից հետո, որի ընթացքում մեծ հավանականությամբ կհստակեցվի արաբական 4 երկրների հետագա մարտավարությունը Կատարի դեմ(մեծ հավանականությամբ հնարավոր գործողությունները կծրագրվեն Դոհայի քաղաքական և տնտեսական շրջափակման օղակն ավելի սեղմելու ուղեգծի ներքո), որոշակիորեն կուրվագծվի նաև խնդրի կարգավորման հետագա նոր հարթակների հնարավորությունը, որոնց մասին որոշակի պայմանավորվածություններ կարող են ձեռք բերվել նաև հուլիսի 7-8-ին Համբուրգում կայանալիք G-20 գագաթնաժողովի ընթացքում:

Հ.Գ. Պարսից Ծոցի վերոնշյալ ճգնաժամին բնորոշ կարևորագույն յուրահատկություններից մեկն էլ հիմնախնդրի մասնակից հիմնական երկրների իշխող արքայատոհմերի կամ քաղաքական վարչակարգերի որոշ ներկայացուցիչների միջև անձնական մրցակցության, անգամ թշնամանքի հանգամանքն է, ինչը զարգացումների հետագա ընթացքին հավելյալ անկանխատեսելիության մթնոլորտ է հաղորդում: Ճգնաժամի առանցքային դերակատարներն են այնպիսի հավակնոտ, անկանխատեսելի առաջնորդներ, ինչպիսիք են Կատարի էմիրը, Թուրքիայի նախագահը, Բահրեյնի թագավորը, Եգիպտոսի նախագահը, ԱՄԷ-ի և Սաուդյան Արաբիայի գահաժառանգ արքայազները: Ի դեպ, վերջինը՝ Մուհամմադ բին Սալմանը, նաև սաուդյան թագավորության ներսում սեփական դիրքերն առավել ամրապնդելու և իր հավակնոտ քաղաքականությունն իրականացնելու ճանապարհին հնարավոր խոչընդոտները վերացնելու նպատակով ընդամենը օրեր առաջ «պալատական հեղաշրջում» իրականացրեց՝ զրկելով Մուհամմադ բին Նայիֆին գահաժառանգ արքայազնի և մի շարք այլ կարևոր պաշտոններից՝ զբաղեցնելով նրա տեղը:



Աղբյուր` Panorama.am
Share |
Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

20:30
160 «հեմինգուեյներ»՝ մեկ վայրում
Սկսվել է գրողի նմանակների 37-րդ մրցույթը:
Աղբյուր` Panorama.am
20:21
Պուտինը պատմել է առանց սոցիալական ցանցերի կյանքի մասին
լադիմիր Պուտինն ասել է, որ համացանցում կա իր անունից վարվող շուրջ 5 հազար հաշիվ։
Աղբյուր` Panorama.am
20:09
Ինքնաթիռը չորս ժամ չի կարողացել վայրէջք կատարել Բրիտանիայում
Ջիդդայից Մանչեսթեր ուղևորվող Saudia ավիաընկերության ինքնաթիռը  չորս ժամ չի կարողացել վայրէջք կատարել թևիկների հետ տեխնիկական խնդրի...
Աղբյուր` Panorama.am
20:02
Պլանային աշխատանքներով պայմանավորված ջրանջատում՝ Եղեգնաձորում
Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:
Աղբյուր` Panorama.am
20:00
Սիրիայի բանակը Ռաքքայից բնակիչներին դուրս է բերում մարդասիրական չորս միջանցքներով
ԻՊ ահաբեկիչները, բանակի մոտենալուն զուգահեռ, սկսել են սպառնալ խաղաղ բնակիչներին և նրանց նկատմամբ ոչ իրավաչափ գործողություններ կատարել։
Աղբյուր` Panorama.am
19:53
Իտալացի մահացած ալպինիստի մայրը պաշտպանլ է որդու դիպլոմային աշխատանքը
Կինը, ով միջնկարգ դպրոցում մաթեմատիկայի ուսուցչուհի է աշխատում, միանգամից համաձայնել է։
Աղբյուր` Panorama.am
19:48
ՓՊ խորհուրդը փաստաբաններին զննության ենթարկելու դեպքերի վերաբերյալ կայացրել է որոշում
«Զննությունը չի կարող փաստացի վերածվել խուզարկության կամ ստեղծել փաստաբանական գաղտնիքի հրապարակման վտանգ կամ փաստաբանի համար նվաստացուցիչ պայմաններ»
Աղբյուր` Panorama.am
19:43
Ամենայն Հայոց Կաթողիկոսն ընդունել է Կորեայի Ջեոլաբուկ-դո նահանգի ղեկավարին
Ամենայն Հայոց Հայրապետը գոհունակություն է հայտնել երկու երկրների միջև հաստատվող գործակցային հարաբերությունների առիթով:
Աղբյուր` Panorama.am
19:41
19-ամյա տղան ներկայացել է որպես մարմնավաճառ
Պարզվել են Երևանում տեղի ունեցած ավազակային հարձակման մի շարք հանգամանքներ
Աղբյուր` Panorama.am
19:34
Առևտրային կազմակերպությունների արդյունավետության շարունակական բարձրացման համար պետք է արմատական փոփոխությունների գնալ
Այսօր՝Պետական գույքի կառավարման վարչությունում համատեղ քննարկվել են էներգետիկայի ոլորտի՝ պետական մասնակցությամբ  մի շարք առևտրային...
Աղբյուր` Panorama.am
19:29
Կապանում բացվել է ՀԱՆ-ի մարզային ակնաբուժական կենտրոն
Ներկա էին ՀԱՆ-ի ղեկավարությունը, ԱՆ և հանրապետության առողջապահական համակարգի ներկայացուցիչներ, Սյունիքի մարզպետը, ԱՄՆ-ից ժամանած անվանի ակնաբույժեր և ՀԱՆ-ի բարերարներ:
Աղբյուր` Panorama.am
19:23
Պուտին. դեռևս չեմ որոշել՝ լքում եմ նախագահի պաշտոնը, թե ոչ
«Կան հասարակական կազմակերպություններ, կան ինձ համար հետաքրքիր այլ ուղղություններ, ինչպս օրինակ բնապահպանությունը։ Ես այն շատ եմ սիրում»,- հավելել է ՌԴ նախագահը։
Աղբյուր` Panorama.am
19:16
Կանզասի գվարդիականները ուսուցում են անցկացնում Հայաստանի հրշեջների համար
Կանզասի ազգային գվարդիայի մի խումբ ներկայացուցիչներ գտնվում են Հայաստանում` հայ հրշեջների հետ առաջին օգնության, փրկարարական մեթոդների կիրառման և...
Աղբյուր` Panorama.am
19:12
Տավուշի դատախազությունում հարուցվել է քրգործ՝ պաշտոնեական դիրքն օգտագործելով վատնում կատարելու դեպքով
Հայտնաբերվել է փայտանյութով բարձված «Գազ-66» մակնիշի առանց հաշվառման համարանիշի ավտոմեքենա, որի աջակողմյան հատվածում ևս թափված է եղել փայտանյութ:
Աղբյուր` Panorama.am
19:04
Հուշագրի ստորագրում՝ ՀՀ Ազգային ժողովում
Արա Բաբլոյանն ընդունել է Հայաստանի պետական տնտեսագիտական համալսարանի ռեկտոր Կորյուն Աթոյանին, համալսարանին կից գործող «Ամբերդ» հետազոտական կենտրոնի տնօրենին, հետազոտողների:
Աղբյուր` Panorama.am
18:59
Գևորգ Սաֆարյանի պաշտպանները հայտարարություն են տարածել
«Հենց այսօր լրանում է Գևորգ Սաֆարյանին պատժախցում պահելու ժամանակը և այսօր է որոշվելու նրան առանձնացված մասնաշենքի խուց տեղափոխելու հարցը»:
Աղբյուր` Panorama.am
18:53
Ապրիլյան պատերազմի փորձի կիրառմամբ կազմակերպվել են ցուցադրական ու մարտավարական զորավարժություններ
Ամփոփվել են 5-րդ բանակային զորամիավորման 2017թ. 2-րդ եռամսյակի մարտական և զորահավաքային պատրաստականության, մարտական հերթապահության և զինվորական կարգապահության արդյունքները:
Աղբյուր` Panorama.am
18:48
«Լավագույն մարզական ընտանիք» մրցույթի հաղթողներն ու մրցանակակիրները վաղը կպարգևատրվեն
Ծաղկաձորում ավարտվել է ՀՀ Նախագահի մրցանակի համար «Լավագույն մարզական ընտանիք» մրցույթը:
Աղբյուր` Panorama.am
18:37
Արաբները որպես բողոքի նշան աղոթել են Երուսաղեմի փողոցներում
Ցույցը ցրելուն մասնակցել է հեծյալ ոստիկանությունը և ջրցան մեքենաները:
Աղբյուր` Panorama.am
18:26
Քանդակագործը. Ապրիլյանում ընկած զինվորի գործը փորձում են ապրեցնել մայրն ու եղբայրը
Ապրիլյան պատերազմում զոհված, Արմավիրի մարզի Ոսկեհատ գյուղի բնակիչ Արամայիս Միքայելյանը հուլիսի 21-ին կդառնար 20 տարեկան:
Աղբյուր` Panorama.am
18:16
Տղաները գիտակցում էին, որ Ադրբեջանի դեմ խաղի նկատմամբ շատ մեծ հետաքրքրություն կա և պետք է անպայման հաղթենք. Վիգեն Էսկիջյան
«Շատ ուրախ եմ, որ չնայած այս բարդություններին, մենք ի վերջո հաղթեցինք և ուրախություն պարգևեցինք հայ ժողովրդին։ Մենք միասնական էինք և դրա համար էլ հաղթեցինք»։
Աղբյուր` Panorama.am
18:08
Նախագահը ընդունել է Տափօղակով հոկեյի միջազգային ֆեդերացիայի նախագահին
Հանրապետության Նախագահը նշել է, որ չնայած հոկեյը Հայաստանում զարգացած չէ, այնուհանդերձ որոշակի միջոցներ են ձեռնարկվում, որպեսզի այդ սպորտաձևը ևս զարգացում ունենա:
Աղբյուր` Panorama.am
18:00
«ԵԱՀԿ Մինսկի խմբի համանախագահներից Հայաստանն ակնկալում է առավել հասցեական մոտեցումներ»
ՀՀ ԱԺ արտաքին հարաբերությունների մշտական հանձնաժողովի նախագահ Արմեն Աշոտյանն ընդունել է ՀՀ-ում ԱՄՆ արտակարգ և լիազոր դեսպան Ռիչարդ Միլսին:
Աղբյուր` Panorama.am
17:46
Կյուբերյան ֆոն Ֆյուրշթենբերգը «Ոսկե առյուծ» մրցանակը բերել է Հայաստան՝ ցանկանալով այն թողնել հայրենիքում
Նախագահ Սերժ Սարգսյանն ընդունել է միջազգային ճանաչված համադրող, Վենետիկի 56-րդ բիենալեում հայկական տաղավարի և մեր երկրում անցկացվող «ՍՏԱՆԴԱՐՏ» տրիենալեի գլխավոր համադրողին:
Աղբյուր` Panorama.am
17:38
ՎիվաՍել-ՄՏՍ-ի՝ Բաժանորդների աջակցման զանգերի կենտրոնն արդիականացվել է
«ՎիվաՍել-ՄՏՍ-ը երբեք չի բավարարվում գործող համակարգերի աշխատանքով, այլ ձգտում է դրանց անընդհատ կատարելագործմանը»:
Աղբյուր` Panorama.am
17:30
Արցախի Գառնաքար գյուղում բացվել է համայնքային կենտրոն և բուժկետ
Բակո Սահակյան նշել է, որ գյուղական բնակավայրերում ենթակառուցվածքների ցանցի ընդլայնումն ու արդիականացումը եղել է և կմնա իշխանությունների ուշադրության կենտրոնում:
Աղբյուր` Panorama.am
17:18
ԲՊՏ կիրառված պատժամիջոցներից մեկ շաբաթում ՀՀ պետական բյուջե է մուտքագրվել 0.57մլն.դրամ
Կայացվել է 2.0 մլն.դրամ ընդհանուր գումարի վարչական տուգանքի 27 որոշում և հաշվարկվել 3.57 մլն.դրամ ընդհանուր գումարի շրջակա միջավայրին հասցված վնաս
Աղբյուր` Panorama.am
17:03
«Ժիրայր Սեֆիլյանի և մյուսների գործով» այսօրվա դատական նիստը հետաձգվեց
Նախագահող դատավոր Տաթևիկ Գրիգորյանը ներկայացրեց գործի քննության հետաձգման պատճառը
Աղբյուր` Panorama.am
16:55
«Լույս» հիմնադրամի՝ Հարվարդի համալսարանն ավարտած ուսանողուհին մտադիր է տեղափոխվել Հայաստան
Մենք պատկերասրահի նմուշներով ուզում ենք ցույց տալ, որ Հայաստանում մշտապես տեխնոլոգիական ուսումնասիրություններ են կատարվում։
Աղբյուր` Panorama.am

Տեսանյութեր

ՍԱՊԾ-ում  անառողջ մթնոլորտի մասին խոսք լինել չի կարող
14:20 20/07/2017

ՍԱՊԾ-ում անառողջ մթնոլորտի մասին խոսք լինել չի կարող

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}