Ռաուլ Վալլենբերգի ընտանիքը հայց է ներկայացրել ընդդեմ ԱԴԾ-ի
Շվեդ դիվանագետ Ռաուլ Վալլենբերգի հարազատները, ով հազարավոր հրեաների կյանք է փրկել, հայց են ներկայացրել ընդդեմ ԱԴԾ-ի՝ պահանջելով իրենց տրամարդել նրա ճակատագրի վրա լույս սփռող փաստաթղթեր: Բի-Բի-Սի-ն գրում է, որ Վալլենբերգը ձերբակալվել է 1945 թվականին Հունգարիայում խորհրդային գաղտնի ծառայության կողմից: Նրա ճակատագրի մասին տեղեկատվությունը շարունակում է մնալ խավարում: Համարվում է, որ նա մահացել է 1947 թվականին խորհրդային բանտում:
«Տարիների ընթացքում իմ, պատմաբանների կամ շվեդական իշխանությունների կողմից ռուսական իշխանություններին ուղղված բազմաթիվ հարցումներ՝ հրապարակային և մասնավոր, որևէ արդյունքի չեն բերել»,- ասել է Վալլենբերգի ազգական Մարի Դյուպյուին:
Վալլենբերգի ընտանիքի շահերը պաշտպանող փաստաբան Իվան Պավլովն ասել է, որ հիմա իրենք պատրաստ են հասնել տեղեկատվության դատարանի միջոցով:
«Սա հնարավորություն է ոչ միայն հայտնի մարդու մասին հիշողությունը վերականգնելու, այլ նաև ուժեղ փաստարկ է ԱԴԾ և այլ գերատեսչությունների արխիվները բացելու դեմ պայքարում»,- ասել է նա:
1957 թվականին խորհրդային իշխանությունները հայտարարել էին, որ Ռաուլ Վալլենբերգը մահացել է բանտում 1947 թվականի հուլիսի 17-ին սրտի կաթվածից, չնայած մինչ այդ նրանք հերքել էին, որ դիվանագետը անազատության մեջ է:
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ