Բիչախչյան. Վաղվանից այլևս չեն երկարաձգվելու հին նմուշի անձնագրերի վավերականության ժամկետները
Oգոստոսի 12-ից այլևս չեն երկարաձգվելու հին նմուշի անձնագրերի վավերականության ժամկետները: Այս փոփոխությունը բազմաթիվ անձանց մոտ տարբեր ձև է ընկալվել: Շատերն այն ընդունել են որպես անձնագրում օտարերկյա պետությունում վավերականության ժամկետի (հանրության մոտ ընդունված է անվանել ելքի վիզա) նշում կատարելու գործողության վերացում:
ՀՀ ոստիկանության անձնագրային և վիզաների վարչության պետ Մնացական Բիչախչյանը ֆեյսբուքյան էջում տեղեկացնում է, որ հին նմուշի անձնագիրը տրվում է 10 տարի ժամկետով, որը մեկ անգամ կարող է երկարաձգվել 5 տարով: Երկարաձգման կնիքը ուղղանկյունաձև կնիք է, որը դրվում է անձնագրի համապատասխան էջի ներքևի մասում:
Օգոստոսի 12-ից այդ կնիքները չեն դրվելու և անձնագրի վավերականության ժամկետները չեն երկարաձգվելու:
«Սակայն եթե քաղաքացու անձնագիրը վավերական է և հիմա, և օգոստոսի 12-ից հետո կարող են դիմել անձնագրում օտարերկյա պետությունում վավերականության ժամկետի նշում կատարելու համար, որը կլոր կնիք է (ելքի վիզա):
Իսկ այն դեպքում, երբ օգոստոսի 12-ից հետո կլրանա քաղաքացու անձնագրի վավերականության ժամկետը, կարող է դիմել անձնագրի փոխանակման համար, իսկ եթե նաև ցանկանում է ճամփորդել՝ օտարերկյա պետությունում վավերականության նշում կատարելու համար»,-նշել է նա:
Հարակից հրապարակումներ`
- Ոստիկանությունը չի փոխհատուցի կենսաչափական անձնագրեր ձեռք բերած քաղաքացիներին
- Բիչախչյան. Կենսաչափական անձնագրերն այլևս պարտադիր չեն լինի
- Կենսաչափական անձնագրեր առայժմ չեն բաժանվում