ՏՀՏ-ն Հայաստանում

ԿԱՐՃ ԼՈՒՐԵՐ

16:33 Հայաստան
ՀՀ բնապահպանության նախարարի ժամանակավոր պաշտոնակատար Ա. Մինասյանը մասնակցել է Հայաստանի գործատուների հանրապետական միության /ՀԳՀՄ/ գործունեության 10-ամյակին նվիրված հանդիսավոր միջոցառմանը:

Նախարարն իր ողջույնի խոսքում նշել է ՀԳՀՄ արդյունավետ գործունեությունն ու միության նախագահ Գ. Մակարյանի նվիրված աշխատանքը, ում հետ համագործակցությունը տարիների պատմություն ունի և ում նվիրված  ու նախաձեռնողական աշխատանքի շնորհիվ միությունը արդյունավետ շարունակում է  գործել:
Աղբյուր՝ ՀՀ բնապահպանության նախարարություն

15:42 Հայաստան
Վարչապետ Կ. Կարապետյանի մոտ քննարկվել է ՀՀ գործարար միջավայրի բարելավման (Doing Business) 2017 թ. միջոցառումների ծրագրի նախագիծը:

Ներկայացվել են, մասնավորապես, բիզնես սկսելու և զարգացնելու համար պահանջվող վարչարարական ընթացակարգերի պարզեցման, ՓՄՁ խթանման, ներդրողների պաշտպանվածության, շինարարական թույլտվությունների ստացման, էլեկտրոնային համակարգերի շարունակական ներդրման, վարկերի հասանելիության, սեփականության գրանցման, ենթակառուցվածքներով ապահովման ցուցանիշների բարելավման ուղղությամբ  նախատեսվող միջոցառումները:
Աղբյուր՝ ՀՀ կառավարություն

15:05 Աշխարհում
Մայիսի 23-ին Լեհաստանում ՀՀ դեսպան Է. Ղազարյանը Ռադոմի տնտեսագիտության բարձրագույն դպրոցում հանդիպում է ունեցել համալսարանի պրոֆեսորադասախոսական անձնակազմի և ուսանողների հետ

Դեսպան Ղազարյանն անդրադարձել է Հայաստանի պատմությանը, ներկայացրել ՀՀ արտաքին քաղաքականության հիմնական ուղղությունները, տարածաշրջանային խնդիրներն ու հարևան պետությունների հետ փոխհարաբերությունները, ղարաբաղյան հիմնախնդրի պատմությունը և խաղաղ կարգավորման գործընթացում հայկական կողմի մոտեցումները, Հայաստանի մասնակցությունը միջազգային կառույցներին, Հայաստան-Եվրոպական Միություն փոխգործակցությունը:
Աղբյուր՝ mfa.am

14:30 Հայաստան
Արցախի Հանրապետության ԱԺ ֆինանսաբյուջետային և տնտեսական կառավարման հարցերի մշտական հանձնաժողովը Ռ. Իսրայելյանի նախագահությամբ դրական եզրակացությամբ երաշխավորել է

«ԼՂՀ 2016թ. պետական բյուջեի կատարման մասին» տարեկան հաշվետվությունը՝ հունիս ամսվա լիագումար նիստի օրակարգում ընդգրկելու համար: ֆինանսների նախարար Ս. Թևոսյանը երախտագիտություն է հայտնել պատգամավորներին՝ շահագրգիռ քննարկումների և առաջադրած հարցերի համար: Այսքանով` ավարտվել են նախորդ տարվա պետական բյուջեի կատարողականի նախնական քննարկումները:
Աղբյուր՝ Արցախի Հանրապետության ԱԺ մամուլի ծառայություն

14:16 Աշխարհում
Մայիսի 19-ին ԱՄՆ-ում ՀՀ դեսպան Գրիգոր Հովհաննիսյանն այցելել է Միացյալ Նահանգների առաջատար ռազմական ուսումնարան` ԱՄՆ Զինված ուժերի քոլեջ (US Army War College):

Այցի ընթացքում դեսպանը Քոլեջի պետ գեներալ Ու. Ռափի հետ քննարկել են Միջազգային ռազմական կրթության ու վերապատրաստման ծրագրի շրջանակներում երկկողմ գործակցության արդյունքներն ու դրանց հեռանկարները: Զրուցակիցները փաստել են, որ Զինված ուժերի քոլեջում հաջողությամբ վերապատրաստում են անցել արդեն 7 հայ բարձրաստիճան սպաներ՝ հույս հայտնելով, որ գործընթացը կկրի շարունակական բնույթ:
Աղբյուր՝ mfa.am

13:40 Հայաստան
Տեղի է ունեցել Ձեռնարկությունների ինկուբատոր հիմնադրամի հոգաբարձուների խորհրդի երկրորդ նիստը: Օրակարգի առաջին հարցը խորհրդի նոր անդամների նշանակումն է եղել

Հաստատվել է վերջնական կազմը `խորհրդի 10 անդամներով: Նիստը նախագահել է ՀՀ տրանսպորտի, կապի և տեղեկատվական տեխնոլոգիաների նախարարի պաշտոնակատար Վ. Մարտիրոսյանը: Ձեռնարկությունների ինկուբատոր հիմնադրամի տնօրեն Բ. Ենգիբարյանը խորհրդի նորանշանակ անդամներին ներկայացրել է 2016 թվականի գործունեության արդյունքները, գրանցած հաջողությունները:
Աղբյուր՝ mtcit.am

13:25 Հայաստան
Եվրոպական խորհրդարանի 8 պատգամավորները կամփոփեն ԵՄ-Հայաստան նոր համաձայնագրի ներկա փուլի արդյունքները:

Հարավային Կովկաս տարածաշրջանային այցի շրջանակներում, Եվրոպական խորհրդարանի Արտաքին հարաբերությունների կոմիտեի անդամներից կազմված պատվիրակությունը՝ Դ. Մաքալիստերի գլխավորությամբ (ԵԺԿ, Գերմանիա) մայիսի 24-25-ը կլինի Հայաստանում: Այցի ընթացքում պատգամավորները հանդիպումներ կունենան նախագահ Ս. Սարգսյանի, ԱԺ նախագահ Ա. Բաբլոյանի, ԱԳ նախարարի պաշտոնակատար Է. Նալբանդյանի, ինչպես նաև քաղաքացիական հասարակության ներկայացուցիչների հետ, կայցելեն Եվրամիության կողմից ֆինանսավորվող Երևանի Տարածաշրջանային թիվ 1 քոլեջ:
Մամուլի հաղորդագրություն

13:12 Հայաստան
Մայիսի 23- ին Կոմիտասի անվան կամերային երաժշտության տանը կայացել է դասական երաժշտության համերգ՝ նվիրված լեհահայ համայնքի կազմավորման 650-ամյակին:

Միջոցառումը կազմակերպել է ՀՀ սփյուռքի նախարարությունը, ՀՀ մշակույթի նախարարության և Երևանի Կոմիտասի անվան պետական կոնսերվատորիայի աջակցությամբ: Համերգին մասնակցել են ՀՀ սփյուռքի նախարարի պաշտոնակատար Հ. Հակոբյանը, ՀՀ- ում Լեհաստանի դեսպանության քարտուղար Ա. Սվիտալսկան, ռազմական կցորդ Կ. Դ. Մարինովսկին, լեհահայ համայնքի ներկայացուցիչներ, մտավորականներ, հյուրեր:
Աղբյուր՝ ՀՀ սփյուռքի նախարարություն

12:28 Աշխարհում
1941 թվականի մայիսի 24- ին ծնվել է ամերիկացի երգիչ, երգահան, բանաստեղծ և կինոդերասան Բոբ Դիլանը

Ըստ Rolling Stone ամսագրի կատարած հարցումների՝ նշանակալիության առումով համարվում է երկրորդ երաժիշտը (Բիթլզից հետո) երաժշտության պատմության մեջ։ 

11:14 Հայաստան
«Նարեկացի» արվեստի միությունում տեղի կունենա Սոնա Գրիգորյանի՝ «Իմ տեսակը» խորագիրը կրող անհատական ցուցահանդեսը:

Ցուցահանդեսին կներկայացվեն մանրանկարներ, գրաֆիկական աշխատանքներ, ինչպես նաև հետաքրքիր և յուրօրինակ ասեղնագործ աշխատանքներ: Բացումը՝ մայիսի 25- ին 14:00- ին: Մուտքն ազատ է:

10:51 Հայաստան
Մայիսի 23-ին ՀՀ սփյուռքի նախարարությունում տեղի է ունեցել ՀՀ սփյուռքի նախարարին կից հասարակական խորհրդի հերթական նիստը

ՀՀ սփյուռքի նախարարի պաշտոնակատար Հ. Հակոբյանը շնորհավորել է Հովհաննես Չեքիջյանին բարձր պարգևի առթիվ, շնորհակալություն հայտնել սփյուռքից ժամանած մասնակիցներին: Օրակարգի առաջին հարցի վերաբերյալ զեկուցումով հանդես է եկել ՀՀ սփյուռքի նախարարության աշխատակազմի ղեկավար Ֆ. Զաքարյանը: Նա ներկայացրել է զեկուցում ՀՀ Կառավարության 2016-17թթ. ծրագրի «Սփյուռք» բաժնում ընդգրկված միջոցառումների կատարման ընթացքի վերաբերյալ:
Աղբյուր՝ ՀՀ սփյուռքի նախարարություն

10:39 Հայաստան
Մայիսի 23-ին ՀՀ ՊՆ և ԿԳ նախարարների պաշտոնակատարներ Վ. Սարգսյանն ու Լ. Մկրտչյանն այցելել են «Գևորգյան մարտարվեստի դպրոց» հայրենասիրական-երիտասարդական կենտրոն

Պաշտոնակատարները մասնակցել են «Գևորգյան մարտարվեստի դպրոցի» կազմավորման հինգերորդ տարեդարձին նվիրված միջոցառմանը, ծանոթացել են մարզադպրոցի գործունեությանն ու հաջողություններին: Վ. Սարգսյանը
քննարկման ընթացքում ներկայացրել է «Ազգ-բանակ» գաղափարի շրջանակում մշակված ծրագրերն ու դրանց նպատակները, պատասխանել հանդիպման մասնակիցների հարցերին։
Մամուլի հաղորդագրություն

10:25 Աշխարհում
Մայիսի 22-ին Տալլինում այցով գտնվող Էստոնիայում ՀՀ դեսպան Տ. Մկրտչյանն Էստոնիայի ԱԳՆ-ում հանդիպում է ունեցել միջազգային կազմակերպությունների վարչության պետ Կ. Լաուսի հետ:

Քննարկվել են միջազգային կազմակերպություններում փոխադարձ աջակցություն ցուցաբերելուն ուղղված քայլերը: Էստոնացի դիվանագետը գոհունակությամբ շեշտել է, որ միջազգային կառույցներում Հայաստանն ու Էստոնիան կարևորագույն հարցերում կիսում են համանման դիրքորոշումներ:
Աղբյուր՝ mfa.am

10:12 Հայաստան
Մայիսի 23- ին Երևանի Լև Տոլստոյի անվան հ. 128 հիմնական դպրոցը նշել է հիմնադրման 55-ամյակը

Հանդիսավոր արարողության շրջանակում կրթօջախի սաները ներկայացրել են դպրոցի ավելի քան կեսդարյա ուղին՝ զարգացման տարբեր փուլերը, ձեռքբերումներն ու նոր ծրագրերը: Կրթօջախի մի շարք աշխատակիցներ պարգևատրվել են Երևանի քաղաքապետի պատվոգրերով ու շնորհակալագրերով:
Աղբյուր՝ Երևանի քաղաքապետարան

18:44 Աշխարհում
Բրիտանիայի Բելֆասթում բնակվող շվեդ դիզայներ Կառլ Հոլմստրոմն ասել է, որ նա տարօրինակ զանգեր է ստանում՝

կապված Կիմ Չեն Ինին նման տիկնիկների թողարկմամբ: Անհայտ անձինք արվեստագետից պահանջում են կայքից հեռացնել այդ ապրանքը:
Աղբյուր՝ Standard

18:33 Հայաստան
ՀՀ սփյուռքի նախարարության նախաձեռնությամբ և Վիրահայոց թեմի աջակցությամբ Տիկնիկների պատկերասրահի «Dolls’ Gallery» սրահում տեղի կունենա վիրահայ արվեստագետ Արմեն Հովհաննիսյանի «Տիկնիկների աշխարհ»

անհատական ցուցահանդեսի բացման հանդիսավոր արարողությունը: Բացումը՝ մայիսի 24-ին 14:00-ին: Ցուցահանդեսը կտևի մինչև մայիսի 27-ը:
Աղբյուր՝ ՀՀ սփյուռքի նախարարություն

18:19 Հայաստան
ՀՀ ԳՆ սննդամթերքի անվտանգության պետական ծառայության հրավերով Երևանում է գտնվում Եվրասիական տնտեսական հանձնաժողովի պատվիրակությունը:

Նախաձեռնության նպատակն է անցկացնել խորհրդատվական սեմինարիների շարք՝ նվիրված սննդամթերքի արտադրության անվտանգության տեխնիկական կարգավորումներին: Խորհրդատվություն-սեմինարը կամփոփվի մայիսի 26-ին: Քննարկումներից ու թեմատիկ շնորհանդեսներից բացի նախատեսվում են նաև այցեր սննդամթերք արտադրող հայաստանյան ընկերություններ՝ տեղում ծանոթանալու վերջիններիս գործունեությանը: Մայիսի 24-ին սեմինարը կանցկացնի ԵՏՀ տեխնիկական կարգավորման հարցերով Կոլեգիայի անդամ, նախարար Վ. Կորեշկովը:
Աղբյուր՝ snund.am

 

18:17 Աշխարհում
Ժնևում ընթացող Առողջապահության համաշխարհային ասամբլեայի շրջանակում ՀՀ առողջապահության նախարարի պաշտոնակատար Լ. Ալթունյանը և փոխնախարարը ՌԴ առողջապահության նախարար Վ. Սկվորցովայի հետ քննարկել են

առողջապահության ոլորտում երկու երկրի համագործակցության  արդյունավետության բարձրացմանը վերաբերող հարցեր։ Հայաստանի պատվիրակությունն այսօր հանդիպել է նաև Պատվաստումների և պատվաստանյութերի գլոբալ դաշինքի (ԳԱՎԻ) ղեկավարության հետ:
Աղբյուր՝ ՀՀ առողջապահության նախարարություն

17:53 Հայաստան
Երևանում կայացել է Հայաստան-Եվրոպայի խորհուրդ 2015-2018թթ. Գործողությունների ծրագրի Ղեկավար կոմիտեի հանդիպումը,

որի համանախագահողներն են ՀՀ ԱԳ նախարարի տեղակալ Կ. Նազարյանը և Եվրոպայի խորհրդի Գլխավոր տնօրինության ծրագրերի գրասենյակի տնօրեն Վ. Թեյլորը: Հանդիպման ընթացքում ներկայացվել են մարդու իրավունքների պաշտպանության ու խթանման, արդարադատության ապահովման, իրավունքի գերակայության և ժողովրդավարական կառավարման ոլորտներում Եվրոպայի խորհրդի հետ իրականացված ծրագրերի կատարման արդյունքները:
Աղբյուր՝ mfa.am

17:40 Հայաստան
Վայոց Ձորի մարզի Արենի համայնքում 10 սկսնակ գործարար ներկայացրել են զբոսաշրջության ոլորտին վերաբերող գործարար գաղափարներ:

Հայաստանի ՓՄՁ ԶԱԿ-ի և Ճապոնիայի միջազգային համագործակցության գործակալության (ՃՄՀԳ-JICA) համագործակցության շրջանակում կազմակերպված անվճար գործարար դասընթացի ավարտին մասնակիցները պատրաստել և հանձնաժողովին ներկայացրել են գինեգործությանը, սննդի ծառայություններին  և հյուրատնային բիզնեսին առնչվող գործարար ծրագրերը: Ծրագրի վերջնական նպատակն է Ճապոնիայում սկիզբ առած «Մեկ գյուղ, մեկ արտադրանք» հայեցակարգի հիման շուկայավարման մեթոդների մշակումը և տեղական ՓՄՁ-ներին աջակցությունը:
Մամուլի հաղորդագրություն

17:25 Հայաստան
ՀՀ բնապահպանության նախարարի տեղակալ Խ. Հակոբյանը Եվրախորհրդի կենսաբազմազանության պահպանության, էկոհամակարգերի կառավարման ոլորտի միջազգային փորձագետ Հ. Լեթիերի հետ հանդիպմանը կարևորել է

Եվրախորհրդի փորձագետի այցը, որի նպատակն էր ծանոթանալ «Խոսրովի անտառ» պետական արգելոցի կառավարման խնդիրների, պետական քաղաքականության, ինչպես նաև Եվրախորհրդի պահպանվող տարածքների եվրոպական դիպլոմի ստացումից հետո ստանձնած պարտավորությունների և հանձնարարականների կատարման ընթացքին:
Աղբյուր՝ ՀՀ բնապահպանության նախարարություն
   
 

17:12 Հայաստան
Հրազդան համայնքի «Քաղաքացիական նախաձեռնության» անդամների հետ քննարկվել են վտանգավոր թափոնների պահեստավորման և կառավարման ազգային կենտրոնի ստեղծման ծրագիրը

Հրազդան քաղաքի մի շարք հասարակական կազմակերպություններ դիմել էին ՀՀ վարչապետ Կ. Կարապետյանին, ՀՀ բնապահպանության և արտակարգ իրավիճակների նախարարներին` իրենց մտահոգությունը հայտնելով Գլոբալ Էկոլոգիական Ֆոնդի (ԳԷՖ) ֆինանսավորմամբ և ՄԱԿ-ի Զարգացման ծրագրի (ՄԱԶԾ) աջակցությամբ իրականացվող «Ժամկետանց պեստիցիդների պաշարների ոչնչացում և կայուն օրգանական աղտոտիչներով (ԿՕԱ) աղտոտված տարածքների աղտազերծում` քիմիկատների անվտանգ կառավարման միջոցառումների շրջանակներում»  իրականացվող ծրագրի առնչությամբ:
Աղբյուր՝ mnp.am

17:07 Հայաստան
Հայ Ազգային Կոնգրեսի փոխնախագահ Լ. Զուրաբյանը Վերակառուցման և Զարգացման Եվրոպական Բանկի ներկայացուցիչ Օ. Պավլյուկի հետ քննարկել է

ԱԺ ընտրություններից հետո Հայաստանում ստեղված քաղաքական իրավիճակը, տնտեսական զարգացման հնարավորությունները, Ղարաբղյան խնդրի կարգավորման և տարածաշրջանային քաղաքականության հետ կապված հարցեր:
Աղբյուր՝ ՀԱԿ-ի մամուլի գրասենյակ

17:04 Հայաստան
Մայիսի 5-ից մեկնարկել են երևանյան այգիների, պուրակների ու փողոցների կանաչ գոտիների ծաղկապատման աշխատանքները:

Շուրջ 2 միլիոն ծաղկասածիլներից 1,2 միլիոնը մայրաքաղաքի փողոցներ են տեղափոխվել Երևանի քաղաքային ջերմատնից: Այս ուղղությամբ գարնանային փուլի աշխատանքները կավարտվեն հունիսի 15-ին:
Աղբյուր՝ Երևանի քաղաքապետարան

17:00 Հայաստան
«Մշակութային կանգառ» ծրագրի շրջանակում ՀՀ Գեղարքունիքի մարզի Վարդենիս քաղաքի Մհեր Մկրտչյանի անվան մշակույթի պալատում Հայաստանի ազգային ֆիլհարմոնիկ նվագախումբը ելույթ կունենա համերգային ծրագրով,

որը կկայանա մայիսի 24-ին 16:00-ին: Առաջին Հանրապետության օրվան նվիրված միջոցառումը ֆիլհարմոնիկի 3-րդ մշակութային կանգառն է, որը կղեկավարի դիրիժոր Ռուբեն Ասատրյանը:
Աղբյուր՝ ՀՀ ՄՆ

16:44 Հայաստան
«Ռոսկոսմոս» դաշնային տիեզերական գործակալության պատվիրակությունը ՀՀ տրանսպորտի, կապի և տեղեկատվական տեխնոլոգիաների նախարարի պաշտոնակատար Վ. Մարտիրոսյանին հայտնել է,

որ Հայաստանի համար նախատեսված «ԳԼՈՆԱՍՍ» -ի կայանն արդեն պահեստում է, և սպասում են համաձայնագրի վավերացմանը: Բյուրականի աստղադիտարանի ներկայացուցիչների մասնակցությամբ կողմերը կբանակցեն աստղադիտարանի և «Ռոսկոսմոս»-ի միջև հետագա շարունակական աշխատանքների շուրջ: Օրակարգում են նաև հայ-ռուսական փոքր արբանյակին, «Ռոսկոսմոս»-ի հետ կրթական համագործակցությանը, Հայաստանի տիեզերական մոնիտորինգի կենտրոնի մոդերնիզացմանն առնչվող հարցեր:
Աղբյուր՝ mtcit.am

16:33 Հայաստան
ՀՀ գլխավոր հարկադիր կատարող Ա. Հարությունյանն աշխատանքային խորհրդակցություն է անցկացրել Հարկադիր կատարման ծառայությունում

Օրակարգում եղել են ալիմենտի բռնագանձման, երեխաների հետ տեսակցության և հանձնման հետ կապված կատարողական վարույթներով ի հայտ եկող խնդիրները, կատարողական գործողությունների իրականացման ընթացքում ծագող հարցերը: Ա. Հարությունյանին զեկուցվել են վերոնշյալ կատարողական վարույթներով անհրաժեշտ խորհրդատվություն ու մասնագիտական օժանդակություն տրամադրող, ինչպես նաև նմանատիպ կատարողական վարույթներով միանման իրավակիրառ պրակտիկա ապահովելու նպատակով՝ ՀՀ գլխավոր հարկադիր կատարողի հրամանով ոչ վաղ անցյալում ստեղծված աշխատանքային խմբի գործունեության արդյունքները:
Մամուլի հաղորդագրություն

16:20 Հայաստան
Մայիսը հռչակված է մելանոմայի դեմ պայքարի ամիս։ Ողջ աշխարհում այդ ընթացքում իրականացվում են հանրային իրազեկման միջոցառումներ:

Հաշվի առնելով նաև Հայաստանում մելանոմայի թողարկման գլխավոր մեխանիզմի՝ անդրմանուշակագույն (ուլտրամանուշակագույն) ճառագայթների գումարային «թույլատրելի» չափաքանակի գերազանցման բարձր ռիսկայնությունը՝ ՀՀ ԱՆ Մաշկաբանության և սեռվարակաբանության բժշկագիտական կենտրոնը մայիսի 20-ը հայտարարել էր մելանոմայի վաղ հայտնաբերման ու ախտորոշման օր։ Այդ օրը դիմած 18 այցելուին կենտրոնի բժիշկները տրամադրել են անվճար խորհրդատվություն։ Ըստ ցուցումների դիմողներից 7-ին կատարվել է դերմատոսկոպիկ հետազոտություն 50 % զեղչով:
Մամուլի հաղորդագրություն

Տեսանյութեր

Ուրիշ ձև չի կարող լինել, պետք է քայլեմ. Ավետիս Զարգարյան
13:30 24/05/2017

Ուրիշ ձև չի կարող լինել, պետք է քայլեմ. Ավետիս Զարգարյան

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}