Հայաստանի նախագահի թեկնածու, ՕԵԿ նախագահ Արթուր Բաղդասարյանը որոշում է կայացրել ընդդիմադիր քաղաքական ուժերի հնարավոր միավորումների խնդրին անդրադառնալ նախագահի ընտրության առաջին փուլի ավարտից հետո:

Ինչպես հայտնում են ՕԵԿ գրասենյակից, այս որոշումն ընդունվել է քննարկելով առկա իրավիճակը, այն է. «արդար ընտրության դեպքում բացառելով նախագահի ընտրությունը մեկ փուլով ավարտելու հնարավորությունը և հաշվի առնելով ՕԵԿ մարզային կազմակերպությունների դիրքորոշումները, քաղաքացիական շարժման մասնակիցների կարծիքը, հարյուր հազարավոր աջակցող խմբերի դիմումները փաստ է, որ նախագահի առաջիկա ընտրությանը թեկնածու Արթուր Բաղդասարյանը հանդիսանում է հաղթողի հիմնական հավակնորդներից մեկը»,-ասված է նրանց հայտարարության մեջ: