16:09 03/09/2010 » Քաղաքական

ՍԴՀԿ. Հայաստանը հայտնվել է ծուղակի մեջ

ՍԴՀԿ ատենապետ Լյուդմիլա Սարգսյանն, այսօր լրագրողների հետ հանդիպման ժամանակ խոսելով տարածաշրջանային գործընթացների մասին, նշեց, որ վերջին 2.5 տարիներին Հայաստանը հայտնվել է ծուղակի մեջ:

Ատենապետը կարծիք հայտնեց, թե այդ ծուղակը ստեղծել են երկրի ներկայի իշխանությունները` ընդդիմության նկատմամբ իրենց գործողություններով:

«Վերջին շրջանում, իրադարձությունները, որոնց զարգանում էին տարածաշրջանում, իրոք, մտահոգության տեղիք էին տալիս ու որոշակիություն չկա, թե տարածաշրջանում ինչ ուժեր, ինչ գերտերություններ ինչ շահեր ունեն: Իսկ այդ շահերը շատ փոփոխական են»,-ասաց Լ. Սարգսյանը:

Ըստ նրա, տպավորություն կա, թե ԱՄՆ-ն փորձում է հաստատվել տարածաշրջանում, բայց Հարավօսյան պատերազմը ապացուցեց, որ Ռուսաստանը չի պատրաստվում տարածաշրջանը զիջել ոչ մեկի:

Ավելին` նրա խոսքով, Հայաստանում Ռուսաստանի ռազմաբազաների ժամկետների երկարաձգումն ապացույցն է, որ Ռուսաստանը մեծ ծրագրեր ունի տարածաշրջանում:

«Հասկանալի է, որ դա պայմանավորվածության արդյունք է նաև արևմտյան երկրների, ԱՄՆ-ի հետ, որոնք, հասկանալով Ռուսաստանի շահերը, ինչ-որ տեղ նահանջել են»,-նկատեց նա:

Լ. Սարգսյանի խոսքով, իրենք ռուսամետ կուսակցություն են, սակայն գտնում են, որ ռազմաբազաների պայմանագրի երկարաձգումը, պետք է փոխշահավետ պայմաններում լուծվեր:

«Ունենալով տասը տարի ժամկետ` գործող իշխանությունները գնացին նոր պայմանագրի կնքնման, որով Ռուսաստանի ներկայությունը ևս 24 տարով ավելացրին: Ես վստահ եմ, որ բոլորին դա անհանգստացրել է»,-ասաց ՍԴՀԿ ատենապետը:

Վերջում նա նկատեց, որ իրենց խնդիրը ռուսամետ կամ ամերիկամետ լինելը չէ, այլ` մաքսիմալ ազատություն ու անկախություն պահպանելն է, ինչն այսօր վտանգված է:

Աղբյուր` Panorama.am

Share |

Տպագրական տարբերակ

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

↓ Վերջին նորություններ
Շարունակել

Օրացույց